ಇಂಡಿ ನಗರಸಭೆ ೫ . ೪೭ ಲಕ್ಷ ರೂ ಉಳಿತಾಯ ಬಜೆಟ್
ಇಂಡಿ : ನಗರಸಭೆಯ ೨೦೨೬-೨೭ ನೇ ಸಾಲಿನ ೫.೪೭ ಲಕ್ಷ ರೂ ಉಳಿತಾಯ ಬಜೆಟ್ಟನ್ನು ಜಿಲ್ಲಾಧಿಕಾರಿ ಕೆ.ಆನಂದ ಇವರ ಅಧ್ಯಕ್ಷತೆಯಲ್ಲಿ ಮಂಡಿಸಿದರು.
ನಗರಸಭೆ ಆಯುಕ್ತ ಶಿವಾನಂದ ಪೂಜಾರಿಯವರು ಬಜೆಟ್ ಪ್ರಸ್ತಾವನೆಯನ್ನು ಸಭೆಯಲ್ಲಿ ಮಂಡಿಸಿದರು.
ಬಜೆಟಿನಲ್ಲಿ ಅಂದಾಜು ಆರಂಭದ ಶುಲ್ಕ ೯೨.೧೦ ಲಕ್ಷ ರೂ, ಒಟ್ಟು ಸ್ವೀಕೃತಿಗಳು ೪೬೪೬.೬೩ ಲಕ್ಷ ರೂ, ಎಂದು ಅಂದಾಜಿಸಲಾಗಿದೆ.ಇದರಲ್ಲಿ ರಾಜಸ್ವ ಸ್ವೀಕೃತಿಗಳು ೨೫೯೫. ೪೦ ಲಕ್ಷ ರೂ, ಬಂಡವಾಳ ಸ್ವೀಕೃತಿಗಳು ೮೯೨. ೫೦ ಲಕ್ಷ ರೂ ಹಾಗೂ ಅಸಾಧಾರಣ ಸ್ವೀಕೃತಿಗಳು ೮೫೫.೭೪ ಲಕ್ಷ ರೂ ಗಳು.
ಇನ್ನು ವೆಚ್ಚಗಳಲ್ಲಿ ರಾಜಸ್ವ ಪಾವತಿಗಳು ೨೬೧೨.೬೩ ಲಕ್ಷ ರೂ ಬಂಡವಾಳ ಪಾವತಿಗಳು ೮೬೯.೮೦ ರೂ ಹಾಗೂ ಅಸಾಧಾರಣ ಪಾವತಿಗಳು ೮೫೫.೭೪ ಲಕ್ಷ ರೂ , ಸೇರಿ ಒಟ್ಟು ೪೩೩೮.೧೭ ಲಕ್ಷ ರೂ ಗಳಾಗಿದ್ದು ೫.೪೭ ಲಕ್ಷ ರೂ ಉಳಿತಾಯ ವಾಗಲಿದೆ . ಅಂ ತಿಮ ಶುಲ್ಕ ೯೭. ೫೬ ಲಕ್ಷ ರೂ ಎಂದು ಅಂದಾಜಿಸಲಾಗಿದೆ.
ಈ ಬಜೆಟಿಗೆ ಮಾನ್ಯ ಆಡಳಿತಾಧಿಕಾರಿ ಪರಿಶೀಲನೆನಡೆಸಿ ಅನುಮೋದನೆ ನೀಡಿದರು. ಬಜೆಟಿನಲ್ಲಿ ನಗರದ ಸೌಂದರ್ಯಕರಣಕ್ಕಾಗಿ ಸಾರ್ವಜನಿಕ ಉದ್ಯಾನವನ ಸಾರ್ವಜನಿಕ ಗ್ರಂಥಾಲಯ ಬೀದಿ ವಿದ್ಯುತ್ ದೀಪಗಳು ಕುಡಿಯುವ ನೀರು ಹಾಗೂ ಸ್ವಚ್ಛತೆ ಕಾರ್ಯಗಳಿಗೆ ಹೆಚ್ಚಿನ ಆದ್ಯತೆ ನೀಡಲಾಗಿದೆ.
ಸಭೆಯಲ್ಲಿ ವಿಜಯಪುರ ಅಪರ ಜಿಲ್ಲಾಧಿಕಾರಿ ಔದ್ರಾಮ, ಜಿಲ್ಲಾ ನಗರಾಭಿವೃದ್ದಿ ಕೋಶ ಯೋಜನಾ ನಿರ್ದೇಶಕ ಬಿ.ಎಂ.ಸೌದಾಗರ, ಇಂಡಿ ಉಪವಿಭಾಗಾಧಿಕಾರಿ ಚಿದಾನಂದ ಗುರುಸ್ವಾಮಿ, ತಹಸೀಲ್ದಾರ ಕಡಕಬಾವಿ, ಹಾಗೂ ಇಂಡಿ ನಗರಸಭೆಯ ಸಿಬ್ಬಂದಿ ಉಪಸ್ಥಿತರಿದ್ದರು.
