ಮುದ್ದೇಬಿಹಾಳ : ಹಲವು ಧಾರ್ಮಿಕ ಕಾರ್ಯಕ್ರಮ..ಏನು ಗೊತ್ತಾ..?

ಮುದ್ದೇಬಿಹಾಳ:ಶ್ರೀ ೧೦೦೮ ಸತ್ಯಪ್ರಮೋದ ತೀರ್ಥರ ಕರಸಂಜಾತರಾದ ಶ್ರೀ ೧೦೦೮ ಸತ್ಯಾತ್ಮತೀರ್ಥ ಶ್ರೀಪಾದಂಗಳವರು ಮುದ್ದೇಬಿಹಾಳ ನಗರದಲ್ಲಿ ಪುರಪ್ರವೇಶ ಮಾಡಿ ಎರಡು ದಿನಗಳ ಕಾಲ ಶ್ರೀ ಗುರು ರಾಘವೇಂದ್ರ ಸ್ವಾಮಿಗಳ ಬೃಂದಾವನ, ಶ್ರೀ ಚಿದಂಬರ ದೇವಸ್ಥಾನ, ಭಕ್ತಾದಿಗಳ ಮನೆಗೆ ಭೇಟಿ ನೀಡಿ ದಿಗ್ವಿಜಯ ಮೂಲ ರಾಮದೇವರ ಪೂಜೆ, ಪಾದಪೂಜೆ ಸೇರಿ ಹಲವು ಧಾರ್ಮಿಕ ಕಾರ್ಯಕ್ರಮ ನಡೆಸಿಕೊಟ್ಟರು. ಮಂಗಳವಾರ ಪುರಪ್ರವೇಶ ಮಾಡಿದ ಶ್ರೀಪಾದಂಗಳವರು ಬುಧವಾರ ವಿಜಯೇಂದ್ರ ಪಾಟೀಲ ಅವರ ನಿವಾಸದಲ್ಲಿ ಮೂಲ ರಾಮದೇವರ ಪೂಜೆ ನಡೆಸಿಕೊಟ್ಟರು. ಭಕ್ತರ ಮನೆಗೆ ತೆರಳಿ ಪಾದಪೂಜೆ ನೆರವೇರಿಸಿಕೊಂಡರು. ಶ್ರೀ ರಾಘವೇಂದ್ರ ಬೃಂದಾವನ ಸನ್ನಿಧಿಗೆ ಆಗಮಿಸಿ ಭಕ್ತರಿಗೆ ಮುದ್ರೆ ಆಶಿರ್ವಾದ ನೀಡಿದರು. ಚಿದಂಬರ ದೇವಸ್ಥಾನಕ್ಕೆ ಆಗಮಿಸಿ ಮಹಾಮಂಗಳಾರತಿ ನಡೆಸಿಕೊಟ್ಟರು.

ವಿಪ್ರ ಬ್ರಾಹ್ಮಣ ಸಮಾಜದ ವಿ.ಜಿ.ಪಾಟೀಲ, ಎಸ್.ಆರ್.ಕುಲಕರ್ಣಿ, ಗುರುರಾಜ ದೊಡ್ಡಿಹಾಳ, ರಾಘವೇಂದ್ರ ದೊಡ್ಡಿಹಾಳ, ಶ್ರೀನಿವಾಸ ಗಜೇಂದ್ರಗಡ, ಅನೀಲ ಕುಲಕರ್ಣಿ, ವಾಸುದೇವ ಶಾಸ್ತ್ರೀ, ಸುರೇಶ ಕುಲಕರ್ಣಿ, ರಾಜು ಪದಕಿ, ರಾಘವೇಂದ್ರ ಕುಲಕರ್ಣಿ ರೂಢಗಿ, ಅರುಣಕುಮಾರ ಪದಕಿ, ಸುಭಾಷ ಕುಲಕರ್ಣಿ, ವಾಸುದೇವ ಸಾಲವಾಡಗಿ, ಪುಟು ಕುಲಕರ್ಣಿ ಶಿವಪೂರ, ಪ್ರಕಾಶ ಸರಾಫ, ಪುಟ್ಟು ಫ್ಲೋರಾ, ಪ್ರಕಾಶ ದೇಶಪಾಂಡೆ, ಬಾಳು ಗಿಂಡಿ, ರವಿ ಕುಲಕರ್ಣಿ, ಬಂಡು ಕೊಲ್ಹಾರ ಇನ್ನಿತರರು ಪಾಲ್ಗೊಂಡಿದ್ದರು. ಲಕ್ಷ್ಮೀ ಭಜನಾ ಮಂಡಳಿ, ಚಿದಂಬರ ಸೇನಾ ಭಜನಾ ಮಂಡಳಿಯವರು ಧಾರ್ಮಿಕ ಭಜನೆ ನಡೆಸಿಕೊಟ್ಟರು.