ಮೊಬೈಲ್‌ನ್ನು ನಿಮ್ಮ ಶೈಕ್ಷಣಿಕ ಅನುಕೂಲಕ್ಕೆ ಬಳಸಿಕೊಳ್ಳಬೇಕು, ದಾಸರಾಗಬಾರದು :ಅಧ್ಯಕ್ಷೆ ನಾಗಲಕ್ಷ್ಮೀ

ಮುದ್ದೇಬಿಹಾಳ :ವಿದ್ಯಾರ್ಥಿನಿಯರು ಓದುವ ವಯಸ್ಸಿನಲ್ಲಿ ಮೊಬೈಲ್ ಗೀಳು ಅಂಟಿಸಿಕೊಳ್ಳಬಾರದು.ಮೊಬೈಲ್ ನಿಮ್ಮ ಮಾತು ಕೇಳಬೇಕೆ ವಿನಃ ಅದರ ಮಾತು ನೀವು ಕೇಳುವಂತಾಗಬಾರದು ಎಂದು  ರಾಜ್ಯ ಮಹಿಳಾ ಆಯೋಗದ ಅಧ್ಯಕ್ಷೆ ಡಾ.ನಾಗಲಕ್ಷ್ಮಿ ಚೌಧರಿ ಹೇಳಿದರು.

ತಾಲ್ಲೂಕಿನ ನಾಲತವಾಡಕ್ಕೆ ನಾಗರಬೆಟ್ಟ ಮಾರ್ಗವಾಗಿ ತೆರಳುವ ಸಂದರ್ಭದಲ್ಲಿ ಆಕ್ಸಫರ್ಡ್ ಮಠ್ಸ್ ಶಿಕ್ಷಣ ಸಂಸ್ಥೆ ಯವರಿಂದ  ನೀಡಲಾದ ಗೌರವ ಸನ್ಮಾನ ಸ್ವೀಕರಿಸಿ ಅವರು ವಿದ್ಯಾರ್ಥಿನಿಯರೊಂದಿಗೆ ಕೆಲ ನಿಮಿಷ ಸಂವಾದ ನಡೆಸಿದರು. ಓದುವ ವಯಸ್ಸಿನಲ್ಲಿ ಬೇರೆ ಚಟುಟಿಕೆಗಳತ್ತ ಮನಸ್ಸು ಕೇಂದ್ರೀಕರಿಸಬಾರದು.ನಮ್ಮ ಗುರಿ ಈಡೇರಿಸುವತ್ತ ನಿಗಾ ಇರಬೇಕು.ಮೊಬೈಲ್‌ನ್ನು ನಿಮ್ಮ ಶೈಕ್ಷಣಿಕ ಅನುಕೂಲಕ್ಕೆ ಬಳಸಿಕೊಳ್ಳಬೇಕು.ಆದರೆ ಅದರ ದಾಸರಾಗಬಾರದು ಎಂದು ಕಿವಿಮಾತು ಹೇಳಿದರು.

ಇದೇ ವೇಳೆ ಸಂಸ್ಥೆಯಿಂದ ಪಿಯುಸಿ ಎರಡನೇ ವರ್ಷದ ವಿದ್ಯಾರ್ಥಿಗಳು ಡಾ.ನಾಗಲಕ್ಷ್ಮೀ ಅವರನ್ನು ಸನ್ಮಾನಿಸಿದರು.

ಈ  ಸಂದರ್ಭಗಳಲ್ಲಿ ಆಕ್ಸ್‌ಫರ್ಡ್ ಮಠ್ಸ್ ಸಂಸ್ಥೆ ಅಧ್ಯಕ್ಷ ಬಿ.ಜಿ.ಮಠ, ಕಾರ್ಯದರ್ಶಿ ಸಿದ್ದಯ್ಯ ಮಠ, ಆಡಳಿತಾಧಿಕಾರಿ ಪ್ರಜ್ವಲ್ ಮಠ, ಪ್ರಾಚಾರ್ಯ ಇರ್ಫಾನ್ ಬಾಗವಾನ, ಪ್ರೌಢಶಾಲಾ ಮುಖ್ಯಗುರು ಹೀರೂ ನಾಯಕ, ಶಿವಯ್ಯ ಹಿರೇಮಠ,ಸೇರಿದಂತೆ ಉಪಸ್ಥಿತರಿದ್ದರು.