ಭೀಮಾಶಂಕರ ಸಹಕಾರಿ ಸಕ್ಕರೆ ಕಾರ್ಖಾನೆಗೆ 11 ರಂದು ಚುನಾವಣೆ ಭೀಮೆ ದಡದಲ್ಲಿ ಚುನಾವಣೆ ಕಾವು
ಮರಗೂರ ಭೀಮಾಶಂಕರ ಸಹಕಾರಿ ಸಕ್ಕರೆ ಕಾರ್ಖಾನೆ ಚುನಾವಣೆಗೆ ಇಂಡಿ ಶಾಸಕ ಯಶವಂತರಾಯಗೌಡ ಪಾಟೀಲ ಅವರ ನೇತೃತ್ವದಲ್ಲಿ 13 ಜನರು ನಾಮಪತ್ರ ಸಲ್ಲಿಸಿದರು
ಇಂಡಿ : ಮರಗರೂ ಭೀಮಾಶಂಕರ ಸಹಕಾರಿ ಸಕ್ಕರೆ ಕಾರ್ಖಾನೆಗೆ 2023-24ನೇ ಸಾಲಿನ ಚುನಾವಣೆ ಫೆ. 11ರಂದು ನಡೆಯಲಿದೆ.
ವಿಜಯಪುರ ಜಿಲ್ಲೆಯ ಇಂಡಿ ತಾಲ್ಲೂಕಿನ ಮರಗೂರ ಸಕ್ಕರೆ ಖಾರ್ಕಾನೆ ಚುನಾವಣೆ ಕಾವು ಏರುತ್ತಿದೆ. ಫೆ. 3 ನಾಮಪತ್ರ ಸಲ್ಲಿಕೆಗೆ ಕೊನೆಯ ದಿನ. 5ರಂದು ಹಿಂಪಡೆಯಲು ಅವಕಾಶವಿದೆ. ಗುರುವಾರ ಶಾಸಕ ಯಶವಂತರಾಯಗೌಡ ಪಾಟೀಲ ಅವರ ನೇತೃತ್ವದಲ್ಲಿ 13 ಜನ ಅಭ್ಯರ್ಥಿಗಳು ಸೇರಿ ಅಪಾರ ಬೆಂಬಲಿಗರೊಂದಿಗೆ ಸಾಮೂಹಿಕವಾಗಿ ನಾಮಪತ್ರ ಸಲ್ಲಿಸಲಾಯಿತು. ಚುನಾವಣೆಗೆ ಒಟ್ಟು 21 ಜನರು ನಾಮಪತ್ರ ಸಲ್ಲಿಸಿದ್ದಾರೆ. ಹೀಗಾಗಿ ಚುನಾವಣೆ ಕಾವು ರಂಗೇರಿದೆ.
ಶಾಸಕ ಯಶವಂತರಾಯಗೌಡ ಪಾಟೀಲ ಮಾತನಾಡಿ, ನನೆಗುದಿಗೆ ಬಿದ್ದ ಸಕ್ಕರೆ ಕಾರ್ಖಾನೆಗೆ ಹಗಲಿರುಳು ಶ್ರಮಿಸಿ, ಇಲ್ಲಿಯವರೆಗೆ ಒಳ್ಳೆಯ ರೀತಿಯಲ್ಲಿ ಕಾರ್ಖಾನೆ ನಿರ್ಮಾಣ ಮಾಡಿದ್ದೇನೆ. ಹೀಗಾಗಿ ಜನರು ನಮ್ಮ ಮೇಲೆ ಇಟ್ಟಿರುವ ನಂಬಿಕೆ, ವಿಶ್ವಾಸಕ್ಕೆ ಚ್ಯುತಿ ಬರದಂತೆ ಗೌರವದಿಂದ ನಾನು, ನನ್ನ ಸರ್ವೆ ಸದಸ್ಯರ ಬೆಂಬಲದೊಂದಿಗೆ ಕಾರ್ಖಾನೆ ಮುಂದುವರಿಸಲು ಬಯಸಿದ್ದೇನೆ ಎಂದರು.
ಬಸಣ್ಣಾ ಕೋರೆ, ಆಶೋಕ ಗಜಾಕೋಶ, ಸಿದ್ದಣ್ಣ ಬಿರಾದಾರ, ಸುರೇಶ ಪಾಟೀಲ, ರೇವಗೊಂಡಪ್ಪ ಪಾಟೀಲ, ಜಟ್ಟೆಪ್ಪ ರವಳಿ, ಮಲ್ಲಣಗೌಡ ಪಾಟೀಲ, ದಾನಮ್ಮ ಪಾಟೀಲ, ಲಲಿತಾ ನಡಗೇರಿ, ಬಸವರಾಜ ಧನಶ್ರೀ, ರಾಜಶೇಖರ ಡೋಣಗಾಂವ, ವಿಶ್ವನಾಥ ಬಿರಾದಾರ ಸೇರಿ 13 ಜನರು ಶಾಸಕರ ನೇತೃತ್ವದಲ್ಲಿ ನಾಮಪತ್ರ ಸಲ್ಲಿಸಿದರು.
ಈ ಸಂದರ್ಭದಲ್ಲಿ ಸಣ್ಣಪ್ಪ ತಳವಾರ, ನೀಲಕಂಠ ರೂಗಿ, ವಿಲಾಸ ಪಾಟೀಲ, ಸಾಹೇಬಗೌಡ ಬಿರಾದಾರ, ಅವಿನಾಶ ಬಗಲಿ, ಶಾಹಾಜಿ ಮಿಸಾಳೆ, ಸಂತೋಷಗೌಡ ಪಾಟೀಲ, ರುಕಮುದಿನ ತದ್ದೇವಾಡಿ, ಕಲ್ಲಣಗೌಡ ಬಿರಾದಾರ, ಶಂಕರ ಕಂಬಳೆ ದಯಾನಂದ ಪಾಟೀಲ, ಲಕ್ಷ್ಮಣಗೌಡ ಬಿರಾದಾರ ಇದ್ದರು.