ವೃದ್ಧಾಶ್ರಮದಲ್ಲಿ ಕಳ್ಳತನ..! ಆರೋಪಿ ಅಂದರ್..!
ವಿಜಯಪುರ : ವೃದ್ಧಾಶ್ರಮದಲ್ಲಿ ಕಳ್ಳತನ ಮಾಡಿಕೊಂಡು ಎಸ್ಕೇಪ್ ಆಗುತ್ತಿದ್ದ ವೇಳೆ ಪೊಲೀಸರು ದಾಳಿಗೈದು ಆರೋಪಿಯನ್ನು ಬಂಧಿಸಿರುವ ಘಟನೆ ವಿಜಯಪುರ ನಗರದ ಸಿಂದಗಿ ನಾಕಾ ಬಳಿ ನಡೆದಿದೆ. ದೇವೇಂದ್ರ ನಿಂಗಪ್ಪ ಹದಗಲ ಬಂಧಿತ ಆರೋಪಿ. ಇನ್ನು ಬಂಧಿತ ಆರೋಪಿಯಿಂದ ಎರಡು ಬೈಕ್, 37 ಗ್ರಾಂ ಚಿನ್ನ ಸೇರಿದಂತೆ 1 ಲಕ್ಷದ 90 ಸಾವಿರ ಮೌಲ್ಯದ ವಸ್ತುಗಳನ್ನು ಪೊಲೀಸರು ಜಪ್ತಿಗೈದಿದ್ದಾರೆ. ಜುಮನಾಳ ಗ್ರಾಮದ ಶರಣಗೌಡ ಬಿರಾದಾರ ವೃದ್ಧಾಶ್ರಮದಿಂದ ಕಳ್ಳತನ ಮಾಡಿದ್ದನು. ಈ ಕುರಿತು ವಿಜಯಪುರ ಗ್ರಾಮೀಣ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
