ಭೀಮೆಯ ಭಾಗದಲ್ಲಿ ಆತಂಕ ಸೃಷ್ಠಿಸಿದ್ದ ಚಿರತೆ ಹಾವಳಿ..! ಅಧಿಕಾರಿ ವರ್ಗ ಹೇಳಿದ್ದೇನು ಗೊತ್ತಾ..?
ವಿಜಯಪುರ : ಜಿಲ್ಲೆಯ ಮುದ್ದೇಬಿಹಾಳ ಭಾಗದಲ್ಲಿ ಆತಂಕ ಸೃಷ್ಠಿಸಿದ್ದ ಚಿರತೆ ಹಾವಳಿ ಇದೀಗ ಇಂಡಿ, ಸಿಂದಗಿ ಭಾಗಕ್ಕೂ ಹಬ್ಬಿದೆ. ಈ ಮಧ್ಯೆ ಕೆಲವು ವಿಡಿಯೋ ತುಣುಕುಗಳು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದ್ದು, ಇದರಿಂದ ಜನ ಮತ್ತಷ್ಟು ಗಾಬರಿಗೊಂಡಿದ್ದಾರೆ. ಆದರೆ, ಆ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿರುವ ವಿಡಿಯೋಗಳು ಹಳೆಯದಾಗಿದ್ದು, ನೆರೆಯ ಮಾರಾಷ್ಟ್ರದಲ್ಲಿ ಕಂಡು ಬಂದಿರುವಂಥದ್ದು ಎಂದು ಅರಣ್ಯಾಧಿಕಾರಿಗಳು ಅಂದಾಜಿಸಿದ್ದಾರೆ.
ಆದರೆ, ಆ ಕಾಡು ಪ್ರಾಣಿಯ ಚಿರತೆ ಆಗಿರಬಹುದೇ ಎಂಬುದು ಸ್ಪಷ್ಟವಾಗಿಲ್ಲ. ಸಿಂದಗಿ ಮತ್ತು ಇಂಡಿ ಭಾಗದಲ್ಲಿ ಈಗಾಗಲೇ ಬೋನು (ಪಂಜರ) ಇರಿಸಲಾಗಿದೆ. ಹೀಗಾಗಿ ಯಾವುದಕ್ಕೂ ಜನ ಆತಂಕ ಪಡುವ ಅಗತ್ಯ ಇಲ್ಲ. ಆದರೂ ಸಾರ್ವಜನಿಕರು ಏಕಾಂಗಿಯಾಗಿ ಓಡಾಡದೇ ಗುಂಪು-ಗುಂಪಾಗಿ ಸಂಚರಿಸುವುದು ಒಳಿತು. ಕಬ್ಬು ದಟ್ಟವಾಗಿರುವ ಕಾರಣ ಅಷ್ಟು ಸುಲಭವಾಗಿ ಪ್ರಾಣಿಗಳು ಕಾಣಿಸಿಕೊಳ್ಳುವುದಿಲ್ಲ. ಹೀಗಾಗಿ ಅಲ್ಲಲ್ಲಿ ಬೋನು ಇರಿಸಲಾಗಿದೆ. ಆತಂಕ ಬೇಡ ಎಂದು ಅರಣ್ಯಾಧಿಕಾರಿಗಳು ತಿಳಿಸಿದ್ದಾರೆ.
