ಇಂಡಿ : ಲಿಂಬೆನಾಡಿನ ಇಂಡಿ ತಾಲೂಕಿನ ನೂತನ ತಹಸೀಲ್ದಾರರಾಗಿ ನಾಗಯ್ಯ ಹಿರೇಮಠ ಅವರು ಮೇ 12ರಂದು ಅಧಿಕಾರ ಸ್ವೀಕರಿಸಿದರು.
ವಿಜಯಪುರ ಜಿಲ್ಲೆಯ ಇಂಡಿ ತಾಲ್ಲೂಕಿನ ನೂತನ ತಹಶಿಲ್ದಾರ ನಾಗಯ್ಯ ಹಿರೇಮಠ ಅವರು, 2014ನೇ ಬ್ಯಾಚನ ಕೆಎಎಸ್ ಅಧಿಕಾರಿಯಾಗಿರುವ ಇವರು, ಮೂಲತಃ ಕಲಬರುಗಿ ಜಿಲ್ಲೆಯ ಜೇವರಗಿ ತಾಲೂಕಿನ ಮಂಗಳೂರು ಗ್ರಾಮದವರು. ಈ ಮೊದಲು ಹೈಸ್ಕೂಲ್ ಶಿಕ್ಷಕರಾಗಿ ವೃತ್ತಿ ಜೀವನ ಆರಂಭಿಸಿದ ನಾಗಯ್ಯ ಅವರು 4 ವರ್ಷಗಳ ಕಾಲ ಹಾಸನ ಜಿಲ್ಲೆಯಲ್ಲಿ ಬಳಿಕ 6 ವರ್ಷಗಳ ಕಾಲ ಬೀದರ ಜಿಲ್ಲೆಯಲ್ಲಿ ಸೇರಿ ಸುಧೀರ್ಘ 10 ವರ್ಷಗಳ ಕಾಲ ಸೇವೆ ಸಲ್ಲಿಸಿದ್ದಾರೆ. ನಂತರ ಶ್ರದ್ಧೆ, ಪರಿಶ್ರಮದಿಂದಾಗಿ ಉನ್ನತ ದರ್ಜೆಯ ಕೆಎಎಸ್ ಪರೀಕ್ಷೆ ಪಾಸು ಮಾಡಿಕೊಂಡು ತಹಸೀಲ್ದಾರ ಹುದ್ದೆಗೆ ಏರಿದರು.
ಈ ಮೊದಲು 3 ವರ್ಷಗಳ ಕಾಲ ಹುಮನಾಬಾದನಲ್ಲಿ ತಹಸೀಲ್ದಾರರಾಗಿ, ಬಸವಕಲ್ಯಾಣದ ಉಪ ಚುನಾವಣೆಯಲ್ಲಿ ಸಹಾಯಕ ಚುನಾವಣಾ ಅಧಿಕಾರಿ ಸೇರಿದಂತೆ ವಿವಿಧ ಹುದ್ದೆಗಳಲ್ಲಿ ಸೇವೆ ಸಲ್ಲಿಸಿ ಉತ್ತಮ ಅಧಿಕಾರಿ ಎಂದೇ ಹೆಸರಾಗಿದ್ದಾರೆ.
