ರೈತರ ಹಿತಕಾಯುವ ಜೆಡಿಎಸ್ ಅಭ್ಯರ್ಥಿ ಬಿ ಡಿ ಪಾಟೀಲರಿಗೆ ವ್ಯಾಪಕ ಬೆಂಬಲ..
ಇಂಡಿ : ನೆನೆಗುದಿಗೆ ಬಿದ್ದಿರುವ ಗುತ್ತಿ ಬಸವಣ್ಣ ಏತ ನೀರಾವರಿ ಯೋಜನೆ ಅನುಷ್ಠಾನಕ್ಕೆ ಮಾಜಿ ಮುಖ್ಯಮಂತ್ರಿ ಎಚ್ ಡಿ ಕುಮಾರಸ್ವಾಮಿಯವರು ಸಂಕಲ್ಪ ಮಾಡಿದ್ದಾರೆ. ಈ ಬಾರಿ ಇಂಡಿ ಮತಕ್ಷೇತ್ರದಲ್ಲಿ ಜೆಡಿಎಸ್ ಪಕ್ಷಕ್ಕೆ ಮತನೀಡಿ ಬಿ.ಡಿ ಪಾಟೀಲರನ್ನು ಆಯ್ಕೆ ಮಾಡಬೇಕು ಎಂದು ಜಿಲ್ಲಾ ಪಂಚಾಯತ ಮಾಜಿ ಅಧ್ಯಕ್ಷ ಶಿವಯೋಗೆಪ್ಪ ನೆದಲಗಿ ಹೇಳಿದರು.
ತಾಲ್ಲೂಕಿನ ಸಂಗೋಗಿ, ತಡವಲಗಾ ಗ್ರಾಮದಲ್ಲಿ ಜೆಡಿಎಸ್ ಕಾರ್ಯಕರ್ತರ ಸಭೆ ಹಾಗೂ ಪಕ್ಷ ಸೇರ್ಪಡೆ ಸಮಾರಂಭದಲ್ಲಿ ಭಾಗವಹಿಸಿ ಹೇಳಿದರು.
ಬಿ.ಡಿ ಪಾಟೀಲರು ಶಾಸಕರಾದರೆ ಜನಸಾಮಾನ್ಯರೆ ಶಾಸಕರಾದ್ದಂತೆ ಎಂದು ಮಾಜಿ ಶಾಸಕ ರವಿಕಾಂತ ಪಾಟೀಲ ಹೇಳಿದರು. ಡಾ ಬಾಬಾ ಸಾಹೇಬ ಅಂಬೇಡ್ಕರ್ ಅವರ ಆಶಯದಂತೆ ಜನಸಾಮಾನ್ಯ ಕೂಡಾ ಶಾಸಕರಾಗಿ ಜನಸೇವೆ ಮಾಡಬೇಕು ಎಂದು ಹೇಳಿದರು.
ಇದೇ ಸಂದರ್ಭದಲ್ಲಿ ಅಭ್ಯರ್ಥಿ ಬಿ ಡಿ ಪಾಟೀಲ ಮಾತನಾಡಿದ ಅವರು, 2018ರಲ್ಲಿ ಪರಾಭವಗೊಂಡು ಮನೆಯಲ್ಲಿ ಕೂಡಲಿಲ್ಲ. ರೈತ ಪರ, ವಿದ್ಯಾರ್ಥಿಗಳಪರ, ಕಾರ್ಮಿಕ ಪರವಾದ ಹೋರಾಟಗಳನ್ನು ಹಾಗೂ ಮತಕ್ಷೇತ್ರದ ಪ್ರತಿಮನೆ ಮನೆಗೆ ಬೇಟಿ ನೀಡಿ ಬಡವರ ಸಮಸ್ಯೆಗಳನ್ನು ಅರಿತಿದ್ದೇನೆ. ಈ ಚುನಾವಣೆಯಲ್ಲಿ ಒಬ್ಬ ಹೋರಾಟಗಾರಾರನ ದುಡಿಮೆಗೆ ಸೂಕ್ತ ಪ್ರಾತಿನಿಧ್ಯ ನೀಡಬೇಕು ಎಂದು ಮನವಿ ಮಾಡಿದರು.
ವೇದಿಕೆಯಲ್ಲಿ ವಿಧಾನ ಪರಿಷತ್ ಮಾಜಿ ಸದಸ್ಯ ಬಿ ಜಿ ಪಾಟೀಲ ಹಲಸಂಗಿ, ತೌಫಿಕ್ ಪೈಲ್ವಾನ್, ಜಿಲ್ಲಾ ಪಂಚಾಯತ್ ಮಾಜಿ ಸದಸ್ಯ ಸುನಂದಾ ವಾಲಿಕಾರ, ಚಿದಾನಂದ ಹಿರೇಮಠ, ಮುತ್ತಪ್ಪ ಪೋತೆ, ಅಖ್ತರ್ ಪಟೇಲ್, ಮಲ್ಲಪ್ಪ ಶಿರಶ್ಯಾಡ, ರಾಮು ರಾಠೋಡ, ಶ್ರೀಶೈಲಗೌಡ ಪಾಟೀಲ, ನಾಗೇಶ ತಳಕೇರಿ, ಅಯೂಬ್ ನಾಟೀಕರ, ಸಿದ್ದು ಡಂಗಾ, ಸದ್ದಾಂ ಅರಬ್, ಸಿದ್ದಪ್ಪ ಗುನ್ನಾಪೂರ, ರಮೇಶ್ ರಾಠೋಡ, ಪೀರಪ್ಪ ಹೂಟಗಾರ, ವಿಜು ಭೋಸಲೆ, ಸಂತೋಷ ಕೆಂಭಾವಿ, ರಾಜು ಮುಲ್ಲಾ, ನಿಯಾಝ್ ಅಗರಖೇಡ, ಶಿವಾನಂದ ಅಂಗಡಿ, ನಾಗಪ್ಪ ಮಕಣಿ, ರವಿ ಮಸಳಿ, ಅನೀಲ ರೇಬಿನಾಳ, ಶಕೀಲ ಬಳಮ್, ಡಾ ಪದ್ಮರಾಜ ಪೂಜಾರಿ, ಮಲ್ಲು ಹೂನವಾಡ, ರಾಜು ಕ್ಷೇತ್ರಿ, ವಿಜಯಕುಮಾರ್ ಲೋಕುರ, ಅಶೋಕ ಹೂಸಮನಿ, ಶಟ್ಟಪ್ಪ ಮಾಸ್ತರ, ಮಹಿಬೂಬ ಬೇವನೂರ, ನಾರಾಯಣ ವಾಲಿಕಾರ, ದುಂಡು ಬಿರಾದಾರ, ಜಾಕೀರ್ ಗಣಿಮಾರ, ರವಿ ಶಿಂದೆ ಮುಂತಾದ ನಾಯಕರು ಉಪಸ್ಥಿತರಿದ್ದರು.
