ಈ ಪಂದ್ಯದಲ್ಲಿ ಸೋತರೆ ಮಾಜಿ ಚಾಂಪಿಯನ್ ತಂಡ ಬಹುತೇಕ ಗುಂಪು ಹಂತದಲ್ಲೇ ಹೊರಬೀಳಬಹುದು..?
ICC T20 MEN’S WORLD CUP : ಇಂದು ಹೈವೋಲ್ಟೆಜ್ ಭಾರತ vs ಪಾಕ್ ಕದನ
VOICE OF JANATA : SPORTS NEWS : ICC T20 MEN’S WORLD CUP : ನ್ಯೂಯಾರ್ಕ್: 2024ರ ಟಿ20 ವಿಶ್ವಕಪ್ನ ಬಹುನಿರೀಕ್ಷಿತ ಭಾರತ ಹಾಗೂ ಪಾಕಿಸ್ತಾನ ನಡುವಿನ ಮಹಾಕದನಕ್ಕೆ ಇಲ್ಲಿನ ನಾಸೌ ಕ್ರೀಡಾಂಗಣದಲ್ಲಿ ವೇದಿಕೆ ಸಜ್ಜಾಗಿದ್ದು, ಬದ್ಧವೈರಿಯನ್ನು ಹೊಸಕಿ ಸೂಪರ್-8 ಹಂತದತ್ತ ದಾಪುಗಾಲಿರಿಸಲು ಟೀಂ ಇಂಡಿಯಾ ಕಾತರಿಸುತ್ತಿದೆ.
ಮೊದಲ ಪಂದ್ಯದಲ್ಲಿ ಐರ್ಲೆಂಡ್ ವಿರುದ್ಧ ಸುಲಭ ಜಯ ಸಾಧಿಸಿ ಭಾರತ ಟೂರ್ನಿಯಲ್ಲಿ ಭರ್ಜರಿ ಆರಂಭ ಪಡೆದಿದ್ದರೆ, ಪಾಕಿಸ್ತಾನ ಆತಿಥೇಯ ಅಮೆರಿಕಕ್ಕೆ ಸೂಪರ್ ಓವರ್ನಲ್ಲಿ ಶರಣಾಗಿ, ಭಾರಿ ಆಘಾತಕ್ಕೊಳಗಾಗಿದೆ. ಆ ಆಘಾತದಿಂದ ಹೊರಬರುವ ಮೊದಲೇ ಬಲಿಷ್ಠ ಭಾರತದ ಸವಾಲು ಎದುರಾಗಲಿದ್ದು, ಈ ಪಂದ್ಯದಲ್ಲಿ ಸೋತರೆ ಮಾಜಿ ಚಾಂಪಿಯನ್ ತಂಡ ಬಹುತೇಕ ಗುಂಪು ಹಂತದಲ್ಲೇ ಹೊರಬೀಳಬಹುದು.
ಸಂಭವನೀಯ ಆಟಗಾರರ ಪಟ್ಟಿ
ಭಾರತ: ರೋಹಿತ್(ನಾಯಕ), ಕೊಹ್ಲಿ, ಪಂತ್, ಸೂರ್ಯ, ದುಬೆ, ಹಾರ್ದಿಕ್, ಜಡೇಜಾ, ಅಕ್ಷರ್/ಕುಲ್ದೀಪ್, ಬುಮ್ರಾ, ಸಿರಾಜ್, ಅರ್ಶ್ದೀಪ್.
ಪಾಕಿಸ್ತಾನ: ರಿಜ್ವಾನ್, ಬಾಬರ್, ಉಸ್ಮಾನ್, ಫಖರ್, ಶದಾಬ್, ಆಜಂ ಖಾನ್, ಇಫ್ತಿಕಾರ್, ಶಾಹೀರ್, ಹ್ಯಾರಿಸ್ ರೌಫ್, ನಸೀಂ, ಅಮೀರ್.
