ಗೌರಿ ಗಣೇಶ ದೇವರ ದರ್ಶನ ಪಡೆದ ಶಾಸಕ ಎಂಆರ್ ಮಂಜುನಾಥ್
ಹನೂರು: ಗೌರಿ ಗಣೇಶದ ಹಬ್ಬದ ಪ್ರಯುಕ್ತ ಹನೂರು ಪಟ್ಟಣದ ವಿವಿಧ ಬಡಾವಣೆಯಲ್ಲಿ ಪ್ರತಿಷ್ಠಾಪನೆ ಮಾಡಲಾಗಿದ್ದ ಗೌರಿ ಗಣೇಶ ದೇವರ ದರ್ಶನ ಪಡೆದ ಶಾಸಕ ಎಂಆರ್ ಮಂಜುನಾಥ್.
ಹನೂರು ಪಟ್ಟಣದ ಹೃದಯ ಭಾಗದಲ್ಲಿರುವ ಶ್ರೀ ಬೆಟ್ಟಳ್ಳಿ ಮಾರಮ್ಮ ದೇವಿಯ ಆಶೀರ್ವಾದ ಪಡೆದು, ಅಲ್ಲಿ ಪ್ರತಿಷ್ಠಾಪಿಸಲಾಗಿರುವ ವಿಜ್ಞ ನಿವಾರಕ ಶ್ರೀ ಗಣಪತಿಯ ದರ್ಶನವನ್ನು ಪಡೆದರು. ನಂತರ ವಿವಿಧ ಬಡಾವಣೆಗಳಿಗೆ ಭೇಟಿ ನೀಡಿ ಗಣೇಶನ ದರ್ಶನವನ್ನು ಪಡೆದರು. ನಿವಾಸಿಗಳಿಗೆ ಹಾಗೂ ಅಭಿಮಾನಿಗಳಿಗೆ ಗೌರಿ ಗಣೇಶ ಹಬ್ಬದ ಶುಭಾಶಯಗಳನ್ನು ಶಾಸಕ ಎಂ ಆರ್ ಮಂಜುನಾಥ್ ಅವರು ತಿಳಿಸಿದರು.
ಹನೂರು ವಿಧಾನಸಭಾ ಕ್ಷೇತ್ರದ ಶಾಸಕರಾಗಿರುವ ಎಂ.ಆರ್ ಮಂಜುನಾಥ್ ಅವರು ಜನ ಸಾಮಾನ್ಯರಲ್ಲಿ ಸಾಮಾನ್ಯರಂತೆ ಒಬ್ಬರಾಗಿ ಬೆರೆತು ನೆರೆದಿದ್ದವರ ಕುಶಲೋಪಕಾರಿಯನ್ನು ವಿಚಾರಿಸಿ ಹಬ್ಬದ ಸಂಭ್ರಮವನ್ನು ವಿಶೇಷವಾಗಿ ಆಚರಿಸಿದರು. ಅಲ್ಲದೆ ಬಡಾವಣೆಯ ಕೆಲವು ಆತ್ಮೀಯರ ಮನೆಗಳಿಗೆ ಭೇಟಿ ನೀಡಿ ಶುಭ ಕೋರಿದ್ರಲ್ಲದೆ ಸಿಹಿ ಸವಿದು ಸಂಭ್ರಮಿಸಿದರು. ಸುತ್ತಮುತ್ತಲಿನ ಗ್ರಾಮಗಳಿಂದ ಆಗಮಿಸಿದ ಸಾರ್ವಜನಿಕರಿಂದ ಸಮಸ್ಯೆಗಳನ್ನು ಆಲಿಸಿ ಮಾಹಿತಿಯನ್ನು ಪಡೆದುಕೊಂಡು, ಈ ಸಂಬಂಧ ಸಮಸ್ಯೆಗಳಿಗೆ ಅಗತ್ಯ ಕ್ರಮ ವಹಿಸಲಾಗುವುದು ಎಂದು ಭರವಸೆ ನೀಡಿದರು.
ಈ ಸಂದರ್ಭದಲ್ಲಿ ಮಂಜೇಶ್, ಕೃಷ್ಣಣ್ಣ ,ಕೇಬಲ್ ರಾಜುಗೌಡ, ದೆಸೇಗೌಡ,ವಿಜಯಕುಮಾರ್ ಅಮೀನ್,ರಾಮು,ಮುರುಗೇಶ್,ಮುನಿಯಪ್ಪ,ಸಿಂಗಾನಲ್ಲೂರು ರಾಜಣ್ಣ ,ಶಿವು, ಚಿನ್ನಸ್ವಾಮಿ,ಮಾದೇವ, ಶರತ್, ವೆಂಕಟೇಶ್, ಟೈಲರ್ ಮಹಾದೇವ್, ಮತ್ತು ಮುಖಂಡರುಗಳು ಉಪಸ್ಥಿತರಿದ್ದರು.
ವರದಿ: ಚೇತನ್ ಕುಮಾರ್ ಎಲ್,ಹನೂರು ತಾಲೂಕು, ಚಾಮರಾಜನಗರ ಜಿಲ್ಲೆ.
