ವಿಶ್ವ ಭಾರತಿ ಶಾಲೆಯಲ್ಲಿ ಸಂಭ್ರಮ ಶಿಕ್ಷಕರ ದಿನಾಚರಣೆ
ಇಂಡಿ : “ಗುರು ಎಂಬ ಶಬ್ದ ಅಜ್ಞಾನವನ್ನು ಕಳೆದು ಸುಜ್ಞಾನದೆಡೆಗೆ ಕರೆದೊಯ್ಯುತ್ತದೆ” ಎಂದು ತಾಲೂಕು ಪ್ರಾಥಮಿಕ ಶಾಲಾ ಶಿಕ್ಷಕರ ಸಹಕಾರಿ ಸಂಘದ ಉಪಾಧ್ಯಕ್ಷರಾದ ಶ್ರೀ ಪಿ. ಜಿ. ಕಲ್ಮನಿ ಅವರು ಹೇಳಿದರು.
ಅವರು ವಿಶ್ವ ಭಾರತಿ ವಿದ್ಯಾಕೇಂದ್ರ ಪ್ರಾಥಮಿಕ ಪ್ರೌಢ ಶಾಲೆ ಹಾಗೂ ಭೀರಲಿಂಗೇಶ್ವರ ಪಬ್ಲಿಕ್ ಆಂಗ್ಲ ಮಾಧ್ಯಮ ಶಾಲೆಯಲ್ಲಿ ಶಿಕ್ಷಕರ ದಿನಾಚರಣೆಯ ಉದ್ಘಾಟಿಸಿ ಮಾತನಾಡಿ ಸ್ವಾಮಿ ವಿವೇಕನಂದವರ ವಾಣಿಯಂತೆ ಗುರು ಎಂದರೇ ಒಬ್ಬ ವ್ಯಕ್ತಿಯಲ್ಲ ಇದೊಂದು ಶಕ್ತಿ, ಗುರುಗಳು ಅಜ್ಞಾನವನ್ನು ಕಳೆದು ಸುಜ್ಞಾದೆಡೆಗೆ ಕರೆದೊಯ್ಯುತ್ತಾರೆ ಶಿಕ್ಷಕ ವೃತ್ತಿಯೆಂಬುವುದು ಎಲ್ಲ ವೃತ್ತಿಗಳಲ್ಲಿ ಅತ್ಯಂತ ಪವಿತ್ರವಾದ ವೃತ್ತಿ. ಅದರ ಪವಿತ್ರತೆಯನ್ನು ಕಾಪಾಡಿ ಡಾ. ಸರ್ವಪಲ್ಲಿ ರಾಧಾಕೃಷ್ಣನ್ ಅವರ ಆದರ್ಶಗಳನ್ನು ಶಿಕ್ಷಕ ವೃತ್ತಿಯಲ್ಲಿರುವ ನಾವೆಲ್ಲರೂ ಮೈಗೂಡಿಸಿಕೊಳ್ಳಬೇಕು. ನಮ್ಮ ಶಾಲೆಗೆ ಬರುವ ಪ್ರತಿಯೊಂದು ಮಗುವನ್ನು ನಮ್ಮ ಸ್ವಂತ ಮಕ್ಕಳಂತೆ ಆತ್ಮೀಯತೆಯಿಂದ ಅವರ ವರ್ತನೆಗಳನ್ನು ತಿದ್ದುವುದು, ಸಮಾಜದಲ್ಲಿ ಮಾನವೀಯ ಮೌಲ್ಯಗಳನ್ನು ಹೊಂದಿ ಅವರ ತಪ್ಪುಗಳನ್ನು ತಿದ್ದಿ ಉತ್ತಮ ನಾಗರಿಕರಾಗುವಂತೆ ಮಾಡುವುದು ನಮ್ಮೆಲ್ಲರ ಜವಾಬ್ದಾರಿಯಾಗಿದೆ. ವಿದ್ಯಾರ್ಥಿಗಳು ಗುರು ಶಿಷ್ಯರ ಸಂಬAಧವನ್ನು ತಿಳಿದು ಗುರುಗಳನ್ನು ಕಂಡರೆ ಪೂಜ್ಯ ಭಾವನೆಯಿಂದ ಕಾಣುವುದು, ಅವರು ಹೇಳುವ ಸಲಹೆ ಸೂಚನೆಗಳನ್ನು ತಪ್ಪದೆ ಪಾಲಿಸಿದಲ್ಲಿ ವಿದ್ಯಾರ್ಥಿಗಳ ಭವಿಷ್ಯ ಉಜ್ವಲವಾಗುತ್ತದೆ. ಆ ದೆಸೆಯಲ್ಲಿ ಈ ಶಾಲೆಯಲ್ಲಿ ಓದುತ್ತಿರುವ ಹತ್ತನೇ ತರಗತಿಯ ವಿದ್ಯಾರ್ಥಿಗಳು ಸತತವಾಗಿ ಅಧ್ಯಯನ ಮಾಡಿ ಪಠ್ಯ ಪುಸ್ತಕದಲ್ಲಿನ ಎಲ್ಲ ಅಂಶಗಳನ್ನು ಮನನ ಮಾಡಿಕೊಂಡು ಮುಂಬರುವ ವಾರ್ಷಿಕ ಪರೀಕ್ಷೆಯಲ್ಲಿ ಜಿಲ್ಲೆ, ರಾಜ್ಯಕ್ಕೆ ಪ್ರಥಮ ಸ್ಥಾನ ಗಳಿಸುವಂತ ಸಾಮರ್ಥ್ಯ ನಿಮ್ಮಲ್ಲಿದೆ, ಆ ಸಿನಿಟ್ಟಿನಲ್ಲಿ ಶ್ರಮವಹಿಸಿ ಸತತವಾಗಿ ಅಧ್ಯಯನ ಮಾಡಿ ಅತೀ ಹೆಚ್ಚು ಅಂಕ ಪಡೆದು ತಂದೆ ತಾಯಿಗಳಿಗೆ,ಗುರುಗಳಿಗೆ, ಶಾಲೆಗೆ, ಗ್ರಾಮಕ್ಕೆ ಕೀರ್ತಿ ತರಬೇಕೆಂದು ಹೇಳಿದರು. ಕಾರ್ಯಕ್ರಮದಲ್ಲಿ ಡಾ. ಸರ್ವಪಲ್ಲಿ ರಾಧಾ ಕೃಷ್ಣನ್, ಮೊದಲ ಮಹಿಳಾ ಶಿಕ್ಷಕಿ ಸಾವಿತ್ರಿ ಬಾಪುಲ್ಲೆ ಅವರ ಭಾವಚಿತ್ರಕ್ಕೆ ಪೂಜೆ ಸಲ್ಲಿಸಿ ಕೇಕ್ ಕತ್ತರಿಸುವುದರ ಮೂಲಕ ಶಿಕ್ಷಕರ ದಿನಾಚರಣೆಗೆ ಚಾಲನೆ ನೀಡಲಾಯಿತು. ಶಿಕ್ಷಕರಿಗಾಗಿ ವಿವಿಧ ಸ್ಪರ್ಧೆಗಳನ್ನು ಏರ್ಪಡಿಸಿ ವಿಜೇತರಾದ ಗುರುಗಳು ಗುರುಮಾತೆಯರಿಗೆ ಪ್ರಶಸ್ತಿ ನೀಡಿ ಗೌರವಿಸಲಾಯಿತು. ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಸಂಸ್ಥೆಯ ಆಡಳಿತ ಅಧಿಕಾರಿಗಳಾದ ಶ್ರೀಮತಿ ಶ್ರೀದೇವಿ ಕಲ್ಮನಿ ಅವರು ವಹಿಸಿಕೊಂಡಿದ್ದರು.
ಕಾರ್ಯಕ್ರಮದಲ್ಲಿ ಮುಖ್ಯ್ಯೊಪಾಧ್ಯಯರಾದ ಪ್ರಕಾಶ್ ಕಲ್ಮನಿ, ಶಿವಾನಂದ ಕಲ್ಮನಿ, ಹಿರಿಯ ಶಿಕ್ಷಕರಾದ ತುಕಾರಾಮ್ ಚವ್ಹಾಣ, ಹಸನ್ ಚಿಕ್ಕಳ್ಳಿ , ಸಚೀನ್ ಅಡಿಗುಂಡಿ, ಭೀಮರಾಜ್ ಆಡಿನ್, ಶಿವರಾಜ್ ಬಸ್ಸಿನ್ ಕರ್, ಜಾನ್ ವೈಶ್ಲಿ, ಚೇತನ್ ಗೌಡ ಪಾಟೀಲ್, ಲಕ್ಕಪ್ಪ ಕರ್ಜಗಿ, ಮಹಮದ್ ಮುನ್ನವರ್, ಶ್ರೀಧರ್ ರೇವಶೆಟ್ಟಿ, ಅಶೋಕ್ ತಡ್ಲಗಿ,ಜೆ. ಎ. ಬಿರಾದರ, ಎಸ್. ಎಂ. ಬಾಸ್ಲಿ ,ಬಿ. ಕೆ. ಉಕ್ಕಲಿ, ಎಸ್. ವಿ. ಮಾನೆ, ರಾಜೇಶ್ವರಿ ಎಂ. ಗೌಡ, ಆರ್. ಎಚ್. ಚವ್ಹಾಣ, ಸ್ವಪ್ನ ನಂದಿಮಠ್, ಎಸ್. ಬಿ. ವಳಸಂಗ, ಅಶ್ವಿನಿ ತು ಚವ್ಹಾಣ, ಕಲ್ಪನಾ ಮಿರ್ಜಾನ, ಅಶ್ವಿನಿ ಕುಂಬಾರ, ಬಿ. ಎಸ್. ನಾಟಿಕರ್, ರಾಜಶ್ರೀ ಸಂಗಮ್, ಮೀಣಾಕ್ಷಿ ಚವ್ಹಾಣ, ಗಾಯತ್ರಿ ಚೌದ್ರಿ, ಅಶ್ವಿನಿ ಬಡಿಗೇರ್, ಮಹಾಲಕ್ಷ್ಮಿ ಮಾನೆ, ಪಾತಿಮ ಮಕಂದರ್, ಅಲಿನಾ ಎಲಿಯಾಸ್, ರೂಪಾ ಹೆಬ್ಬಾಳ್ ಉಪಸ್ಥಿತರಿದ್ದರು. ಕಾರ್ಯಕ್ರಮವನ್ನು ಹತ್ತನೇ ತರಗತಿಯ ವಿದ್ಯಾರ್ಥಿಗಳಾದ ವೈಷ್ಣವಿ ಭೋಸ್ಲೆ , ಸ್ನೇಹಾ ಧೂಳೆ, ರೋಹಿಣಿ ನಾವಿ, ಮಲ್ಲಿಕಾರ್ಜಿನ್ ಮೈತ್ರಿ ನಿರೂಪಿಸಿ ಸ್ವಾಗತಿಸಿ ವಂದಿಸಿದರು.
