ಮುದ್ದೇಬಿಹಾಳ : ಪಟ್ಟಣದ ಮೈಹಿಬೂಬುನಗರದ ನಾಲತವಾಡ ರಸ್ತೆಕ್ಕೆ ಹತ್ತಿರ ಬರುವ ಬಿಬಿಆರ್ ಹಾರ್ವರ್ಡ್ ಪಿಯು ಸೈನ್ಸ್ ಕಾಲೇಜ ೨೦೨೫ನೇ ಸಾಲಿನ ದ್ವಿತೀಯ ಪಿಯುಸಿ ವಾರ್ಷಿಕ ಪರೀಕ್ಷೆಯಲ್ಲಿ ಈ ಬಾರಿಯೂ ಉತ್ತಮ ಫಲಿತಾಂಶ ಪಡೆದಿದೆ. ಕಳೆದ ಮಾರ್ಚ್ ನಲ್ಲಿ ನಡೆದ ವಾರ್ಷಿಕ ಪರೀಕ್ಷೆ-೧ಕ್ಕೆ ೪೫ ವಿದ್ಯಾರ್ಥಿಗಳು ಹಾಜರಾಗಿದ್ದರು. ಕಾಲೇಜು ವಿಜ್ಞಾನ ವಿಭಾಗವನ್ನು ಮಾತ್ರ ಹೊಂದಿದ್ದು, ಪರೀಕ್ಷೆಗೆ ಹಾಜರಾದ ೪೫ ವಿದ್ಯಾರ್ಥಿಗಳ ಪೈಕಿ ೩೮ ವಿದ್ಯಾರ್ಥಿಗಳು ತೇರ್ಗಡೆ ಹೊಂದುವ ಮೂಲಕ ಶೇ ೮೪.೪೪ರಷ್ಟು ಫಲಿತಾಂಶ ಪಡೆದಿದೆ.
ಗಗನ ಪೂಜಾರಿ ೬೦೦ಕ್ಕೆ ೫೬೪ (ಶೇ.೯೪) ಅಂಕ ಪಡೆದು ಕಾಲೇಜಿಗೆ ಪ್ರಥಮ ಸ್ಥಾನ, ಬಿಬಿಖುತಿಜಾ ಮಹಿಬೂಬ ಗಣಿ ೫೪೧ ಅಂಕ ಪಡೆದು (ಶೇ. ೯೦.೧೯) ದ್ವಿತೀಯ ಸ್ಥಾನ, ವರುಣಕುಮಾರ ಸಂಗಮೇಶ ತಂಗಡಗಿ ೫೨೩ಅಂಕ ಪಡೆದು (ಶೇ.೮೭.೧೬) ತೃತೀಯ ಸ್ಥಾನ ಗಳಿಸಿದ್ದಾರೆ. ಇನ್ನು ಉಮರ್ಫರೂಕ್ ಲಾಲಸಾಬ್ ಮಕಾಶಿ ಶೇ.೮೬.೫೦, ಶ್ವೇತಾ ಎಂ.ನಾಲತವಾಡ ಶೇ.೮೩.೬೬, ರಾಮಕುಮಾರ ಶೇ.೮೩.೩೩ರಷ್ಟು ಅಂಕ ಪಡೆದು ಉತ್ತಮ ಸಾಧನೆ ಮಾಡಿದ್ದಾರೆ. ನಮ್ಮ ೪ ವಿದ್ಯಾರ್ಥಿಗಳು ಡಿಸ್ಟಿಂಶನ್ ಶ್ರೇಣಿಯಲ್ಲಿ, ೨೧ ವಿದ್ಯಾರ್ಥಿಗಳು ಪ್ರಥಮ ಶ್ರೇಣಿಯಲ್ಲಿ ಹಾಗೂ ೧೩ ವಿದ್ಯಾರ್ಥಿಗಳು ದ್ವಿತೀಯ ಶ್ರೇಣಿಯಲ್ಲಿ ತೇರ್ಗಡೆಯಾಗಿ ಉತ್ತಮ ಸಾಧನೆ ಮಾಡಿದ್ದಾರೆ.
ಈ ಅತ್ಯುತ್ತಮ ಸಾಧನೆಗಾಗಿ ಶ್ರಮಿಸಿದಂಥವರಿಗೆ ಅಭಿನಂದನೆಗಳನ್ನು ಬಿಬಿಆರ್ ಹಾರ್ವರ್ಡ ಪಿ.ಯು.ಸೈನ್ಸ್ ಕಾಲೇಜನ ಅಧ್ಯಕ್ಷ ಎಸ್ ಎಮ್.ನೆರಬೆಂಚಿ,
ಪ್ರಾಂಶುಪಾಲರಾದ ಶ್ರೀಮತಿ ಆರ್.ಬಿ.ರೂಡಗಿ, ಹಾಗೂ ಎಲ್ಲ ಉಪನ್ಯಾಸಕರಿಗೆ ಅಭಿನಂದನೆಗಳನ್ನು ಹರ್ಷ ವ್ಯಕ್ತಪಡಿಸಿದ್ದಾರೆ.
