ಕ್ರೀಡಾಕೂಟದಲ್ಲಿ ವಿಧ್ಯಾರ್ಥಿಗಳ ಸಾಧನೆ..!
ಅಭಿನಂದನೆ ಸಲ್ಲಿಸಿದ ಆಡಳಿತ ಮಂಡಳಿ..!
ಹನೂರು : ಶ್ರೀ ಮಹದೇಶ್ವರ ಕ್ರೀಡಾಂಗಣದಲ್ಲಿ ಆಯೋಜಿಸಿದ್ದ ಹನೂರು ಶೈಕ್ಷಣಿಕ ವಲಯದ ಮಾರ್ಟಳ್ಳಿ, ಕೂಡ್ಲೂರು ಕ್ಲಸ್ಟರ್ಗಳ 14 ನೇ ವಯೋಮಾನದೊಳಗಿನ ಹಿರಿಯ ಪ್ರಾಥಮಿಕ ಶಾಲಾ ವಿದ್ಯಾರ್ಥಿಗಳ ಹೋಬಳಿ ಮಟ್ಟದ ಕ್ರೀಡಾಕೂಟ ಜರುಗಿತು.
ಮಾರ್ಟಳ್ಳಿ ಗ್ರಾಮ ಪಂಚಾಯತ್ ವ್ಯಾಪ್ತಿಯ ಸಂದನಪಾಳ್ಯಂ ಸೇಂಟ್ ಆಂಟೋನೀಸ್ ಹಿರಿಯ ಪ್ರಾಥಮಿಕ ಶಾಲೆಯ ಕೆಳಕಂಡ ವಿದ್ಯಾರ್ಥಿಗಳು ಉತ್ತಮ ಸಾಧನೆಗೈದಿದ್ದು ಅವರಿಗೆ ಶಾಲಾ ಮುಖ್ಯ ವ್ಯವಸ್ಥಾಪಕ ಫಾ ಟೆನ್ನಿಕುರಿಯನ್ ಹಾಗೂ ಮುಖ್ಯಶಿಕ್ಷಕಿ ಅರುಲ್ ಮೇರಿ ಮತ್ತು ಪ್ರೌಢಶಾಲಾ ಮುಖ್ಯ ಶಿಕ್ಷಕ ಲೂಯಿಸ್ ನೇಸನ್ ಅವರು ಕ್ರೀಡಾಕೂಟದಲ್ಲಿ ಬಹುಮಾನ ವಿಜೇತ ಕ್ರೀಡಾಪಟುಗಳನ್ನು, ಅವರಿಗೆ ತರಬೇತಿ ನೀಡಿದ ಶಾಲಾ ದೈಹಿಕ ಶಿಕ್ಷಕ ಜೇಮ್ಸ್ ಚಾರ್ಲ್ಸ್ ಜಯರಾಜ್ ಮತ್ತು ಗಿಲ್ಬರ್ಟ್ ಸಗಾಯರಾಜ್ ಅವರುಗಳನ್ನು ಅಭಿನಂದಿಸಿದ್ದಾರೆ.
ಬಾಲಕರ ವಿಭಾಗದಲ್ಲಿ, ಶ್ರೀರಾಮ 100 ಮತ್ತು 200 ಮೀ ಓಟದಲ್ಲಿ ಪ್ರಥಮ ಸ್ಥಾನ, ಉದ್ದಜಿಗಿತದಲ್ಲಿ ತೃತೀಯ ಸ್ಥಾನ, ಹರ್ಷಿತ್ 400 ಮೀ ಹಾಗೂ, 600 ಮೀ ಓಟದಲ್ಲಿ ತೃತೀಯ ಸ್ಥಾನ, 4*100 ಮೀ ರಿಲೇ ಪಂದ್ಯದಲ್ಲಿ ದ್ವಿತೀಯ
ಬಾಲಕಿಯರ ವಿಭಾಗದಲ್ಲಿ ಅಂಜಲಿ 100 ಮೀ ಓಟ ಹಾಗೂ ಗುಂಡು ಎಸೆತದಲ್ಲಿ ಪ್ರಥಮ ಸ್ಥಾನ, ಪ್ರಿನ್ಸಿಯ 400 ಮೀ ಹಾಗೂ 600 ಮೀ ಓಟದಲ್ಲಿ ದ್ವಿತೀಯ ಸ್ಥಾನ, ಕಬಡ್ಡಿ ಪಧ್ಯದಲ್ಲಿ ಪ್ರಥಮ ಸ್ಥಾನ, 4×100 ಮೀ ರಿಲೇ ದ್ವಿತೀಯ ಸ್ಥಾನ, ಬೆರ್ಸಾರೂತ್ 200 ಮೀ ಓಟದಲ್ಲಿ ತೃತೀಯ ಸ್ಥಾನ ಪಡೆದು ಶಾಲೆಗೆ ಕೀರ್ತಿ ತಂದುಕೊಟ್ಟಿದ್ದಾರೆ.
