ವಿಜಯಪುರ : ವಾಯವ್ಯ ಶಿಕ್ಷಕರ ಮತಕ್ಷೇತ್ರದ ಚುನಾವಣೆ ಜೂ.13 ರಂದು ನಡೆಯಲಿದ್ದು, ಈಗಾಗಲೇ ಸಕಲ ಸಿದ್ದತೆ ಪೂರ್ಣಗೊಳಿಸಲಾಗಿದೆ ಎಂದು ನಗರದಲ್ಲಿ ಜಿಲ್ಲಾಧಿಕಾರಿ ವಿಜಯಮಹಾಂತೇಶ ದಾನಮ್ಮನವರ ತಿಳಿಸಿದರು.
ಜಿಲ್ಲೆಯಲ್ಲಿ ಒಟ್ಟು 47 ಮತಗಟ್ಟೆ ಸ್ಥಾಪಿಸಲಾಗಿದೆ. ಮೂಲ 40 ಇದ್ದು ಹೆಚ್ಚುವರಿಯಾಗಿ 7 ಮತಗಟ್ಟೆ ಸ್ಥಾಪಿಸಲಾಗಿದೆ. ಜಿಲ್ಲೆಯಲ್ಲಿ ಶಿಕ್ಷಕರ ಕ್ಷೇತ್ರಕ್ಕೆ 6928 ಮತದಾರರಿದ್ದಾರೆ. ಇದರಲ್ಲಿ 4985 ಗಂಡು ಹಾಗೂ 1943 ಮಹಿಳೆಯರಿದ್ದಾರೆ.
ಪದವೀಧರ ಕ್ಷೇತ್ರದಲ್ಲಿ 20823 ಮತದಾರಿದ್ದು, ಇದರಲ್ಲಿ 15722 ಗಂಡು, 5100 ಹೆಣ್ಣು ಹಾಗೂ 1 ಇತರೆ ಮತದಾರರಿದ್ದಾರೆ ಎಂದರು. ಜೂ. 13 ರಂದು ಬೆಳಗ್ಗೆ 8 ರಿಂದ ಸಂಜೆ 5 ರವರೆಗೆ ಮತದಾನ ನಡೆಯಲಿದೆ ಎಂದರು.
