ಇಂಡಿ | ಅಕ್ರಮ ಅಕ್ಕಿ ಸಾಗಾಟ, ಜಂಟಿ ದಾಳಿ..! ಸಿಕ್ಕಿದೇನು..? ಎಷ್ಟು ಮೌಲ್ಯ..?
ಇಂಡಿ: ಸರ್ಕಾರದಿಂದ ಬಡವರಿಗಾಗಿ ನೀಡುತ್ತಿರುವ ಅಕ್ಕಿಯನ್ನು ಖದೀಮರು ಅಕ್ರಮವಾಗಿ ನೆರೆಯ ಮಹಾರಾಷ್ಟ್ರದ ಸೋಲಾಪುರಕ್ಕೆ ಸಾಗಿಸುತ್ತಿರುವಾಗ ಆಹಾರ ಇಲಾಖೆಯ ಅಧಿಕಾರಿ ಪರಮಾನಂದ ಹೂಗಾರ ಹಾಗೂ ಇಂಡಿ ಶಹರ ಪೋಲಿಸ್ ಠಾಣೆ ಅಧಿಕಾರಿ ಪ್ರದೀಪ ಭಿಸೆ ಅವರು ದಾಳಿ ನಡೆಸಿ ಅಂದಾಜು 32,000 ರೂಪಾಯಿ ಮೌಲ್ಯದ ಅಕ್ಕಿಯನ್ನು 5 ಲಕ್ಷ ಮೌಲ್ಯದ ವಾಹನವನ್ನು ವಶಪಡಿಸಿಕೊಂಡಿದ್ದಾರೆ.
ಗುರುವಾರ ರಾತ್ರಿ 9:00 ಸುಮಾರಿಗೆ ಇಂಡಿ ಪಟ್ಟಣದ ರೈಲು ನಿಲ್ದಾಣದ ಹತ್ತಿರ ಅಶೋಕ್ ಲೈಲ್ಯಾಂಡ್ ಕಂಪನಿಯ ದೋಸ್ತ್ ವಾಹನ ಕೆಎ 28 ಎಎ 5706 ನೇದ್ದರಲಿ 25 ಪ್ಲಾಸ್ಟಿಕ್ ಚೀಲಗಳಲ್ಲಿ ಅಕ್ಕಿಯನ್ನು ತುಂಬಿಕೊಂಡು ಸಾಗಾಟ ಮಾಡುತ್ತಿರುವುದು ದಾಳಿಯಲ್ಲಿ ಖಚಿತವಾಗಿದೆ.
ಈ ಕುರಿತು ಪೊಲೀಸರು ವಕಾಸ್ ಅಲೀಮ್ ಶೇಖ್, ಹಾಗೂ ಸೋಹೈಲ್ ಕಲಬುರ್ಗಿ ಎಂಬುವರನ್ನು ಬಂಧಿಸಿದ್ದಾರೆ.
ಈ ಕುರಿತು ಇಂಡಿ ಶಹರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ
