ಅದ್ದೂರಿಯಾಗಿ ಜರುಗಿದ ಶ್ರೀ ಜಟ್ಟಿಂಗೇಶ್ವರ ಜಾತ್ರಾ ಮಹೋತ್ಸವ.

ಅದ್ದೂರಿಯಾಗಿ ಜರುಗಿದ ಶ್ರೀ ಜಟ್ಟಿಂಗೇಶ್ವರ ಜಾತ್ರಾ ಮಹೋತ್ಸವ..!

ಇಂಡಿ: ನರಸಿಂಹ ಅವತಾರಿ ಶ್ರೀ ಜಟ್ಟಿಗೇಶ್ವರ ದೇವರಿಂದ ಭೀಮಾತೀರದ ಇಂಡಿ ತಾಲ್ಲೂಕಿನ ಹಿರೇರೂಗಿ ಗ್ರಾಮ ಸಂತ ಮಹಾಂತರಿಗೆ ನೆಚ್ಚಿನ ತಾಣವಾಗಿದೆ. ಮಲೆನಾಡಿನಿಂದ ಲೋಕ ಸಂಚಾರ ಮಾಡುತ್ತಾ ನಾನಾ ಸ್ಥಳಗಳಲ್ಲಿ ನೆಲೆಸಿ ನಂತರ ಹಿರೇರೂಗಿ ಗ್ರಾಮಕ್ಕೆ ಬಂದು ಇಲ್ಲಿಯೇ ನಾನು ನೆಲೆಸುತ್ತೇನೆ, ಇದೇ ನನಗೆ ಸೂಕ್ತ ಸ್ಥಳ ಎಂದು ನಿರ್ಧರಿಸಿದ ಜೆಟ್ಟಿಂಗೇಶ್ವರರು ಶ್ರೀ ಭೀರಲೀಂಗೇಶ್ವರ ದೇವಾಲಯದಲ್ಲಿ ಬಂದು ಇಲ್ಲಿ ನನಗೆ ಇರಲು ಸ್ಥಳ ಬೇಕೆಂದು ಕೇಳಿದರಂತೆ. ಆಗ ಭೀರಲಿಂಗೇಶ್ವರರು ದಕ್ಷಿಣ ಮುಖಿಯಾಗಿ ನಿಲ್ಲು ಎಂದು ಹೇಳಿದರಂತೆ.
ಆಗ ಶ್ರೀ ಜೆಟ್ಟಿಂಗೇಶ್ವರು ಸ್ವಯಂ ಉದ್ಭವ ಮೂರ್ತಜಯ ರೂಪದಲ್ಲಿ ನಿಂತು ಕಷ್ಟ ಅಂತ ಬಂದ ಭಕ್ತರಿಗೆ ಉದ್ದರಿಸುತ್ತ, ಭಕ್ತರ ಕಾಮದೇನು ಕಲ್ಪವೃಕ್ಷವಾಗಿ ಲಕ್ಷಾಂತರ ಭಕ್ತರ ಆರಾಧ್ಯ ದೈವರಾಗಿ ಭಕ್ತರ ಮನೆ ಮನಗಳಲ್ಲಿ ಮಲ್ನಾಡ್ ಗೂಳಿ ಎಂದು ಪ್ರಸಿದ್ಧಿ ಹೊಂದಿದ ಮಹಿಮಾಂತಕನಾಗಿದ್ದಾರೆ. ಶ್ರೀ ಜೆಟ್ಟಿಂಗೇಶ್ವರರ ಜಾತ್ರೆ ವರ್ಷದಲ್ಲಿ ಮೂರು ಬಾರಿ ನಡೆಯುವ ವಾಡಿಕೆಯಾಗಿದೆ.

ಪ್ರತೀ ವರ್ಷ ಯುಗಾದಿ, ದೀಪಾವಳಿ ಹಾಗೂ ಗಣೇಶ ಚತುರ್ತಿಯಂದು ೧೧ ಗ್ರಾಮಗಳ ಪಲ್ಲಕ್ಕಿ ಉತ್ಸವ ನಡೆಯುವರು. ಸಿಂದಗಿ ತಾಲ್ಲೂಕಿನ ಬಳಗಾನೂರ ಗ್ರಾಮದ ಶ್ರೀ ಕೇದಾರ ಲಿಂಗೇಶ್ವರ, ಬನ್ನಟ್ಟಿ ಗ್ರಾಮದ ಶ್ರೀ ಲಾಯಮ್ಮತಾಯಿ, ಇಂಡಿ ತಾಲ್ಲೂಕಿನ ತೆನಹಳ್ಳಿ ಗ್ರಾಮದ ಶ್ರೀ ಜನವೇರಿಸಿದ್ದ, ಬೋಳೆಗಾಂವ ಗ್ರಾಮದ ಶ್ರೀ ಭೀರಲೀಂಗೇಶ್ವರ, ತಡವಲಗಾ ಗ್ರಾಮದ ಶ್ರೀ ಶವರಸಿದ್ದ, ರೂಗಿ ಗ್ರಾಮದ ಸರಗನಾಳ ಶ್ರೀ ರೇವಣಸಿದ್ದ ಹಾಗೂ ಶ್ರೀ ನರಸಮ್ಮ ತಾಯಿಯ ಚೌಕಿ, ಪ್ರಮುಖವಾಗಿ ಉಪಸ್ಥಿತಿಯಾಗುತ್ತವೆ.

ಇನ್ನುಳಿದ ಒಟ್ಟು ೧೧ ಗ್ರಾಮಗಳ ದೇವರ ಪಲ್ಲಕಿಗಳು ಗಣೇಶ ಚತುರ್ತಿಯಂದು ಹೂವಿನಲ್ಲಿ ಕೂಡುವುದು ವಿಶೇಷ. ದೇವರಿಗೆ ಮಹಾ ಅಭಿಷೇಕ, ಬಂದ ಭಕ್ತರಿಗೆ ದಾಸೋಹ, ವಾಲಗ, ಡೊಳ್ಳಿನ ಗಾಯನ, ಹಾಗೂ ಗಣೇಶ ಚತುರ್ತಿ ದಿನ ಶನಿವಾರ ರಂದು ಹಿರೇರೂಗಿ ಗ್ರಾಮದ ನಡುರ ಲಕ್ಷ್ಮಿ ದೇವಾಲಯದ ಹತ್ತಿರ ಪಟ್ಟದ ಪೂಜಾರಿಗಳಿಂದ ಮಳೆ ಬೆಳೆಗಳಿಗೆ ಸಂಬAಧಿಸಿದ ದೇವರ ಹೇಳಿಕೆಗಳು ನಡೆಯುವವು,
ಈ ಜಾತ್ರೆಗೆ ಮಹಾರಾಷ್ಟ್ರ, ಗೋವಾ, ಕರ್ನಾಟಕ ರಾಜ್ಯದ ನಾನಾ ಭಾಗಗಳಿಂದ ಸಾವಿರಾರು ಭಕ್ತರು ಆಗಮಿಸುತ್ತಾರೆ. ಕೂನೆಯಲ್ಲಿ ಎಲ್ಲಾ ದೇವರುಗಳು ಬೆಟ್ಟಿ ನಡೆಯುವುದು ವಿಶೇಷ. ಈ ಸಂದರ್ಭದಲ್ಲಿ ಸಾವಿರಾರು ಭಕ್ತರು ಈ ದೇವರ ಬೆಟ್ಟಿಯನ್ನು ಭಕ್ತಿಭಾವದಿಂದ ಕಣ್ಣು ತುಂಬಿಕೂಳ್ಳುತ್ತಾರೆ. ಶ್ರೀ ಜೆಟ್ಟಿಂಗೇಶ್ವರ ದೇವರನ್ನು ಶ್ರೀ ನರಸಿಂಹ ದೇವರ ಅವತಾರಿಯಂದು ಪುರಾಣ ಇತಿಹಾಸ ತಿಳಿಸುತ್ತವೆ. ದೇವಾಸ್ಥಾನ ಕಮೀಟಿಯ ಸದಸ್ಯರು ಗಣೇಶ ಚತುರ್ತಿಯ ಸಂದರ್ಭದಲ್ಲಿ ನಡೆಯುವ ೩ ದಿನಗಳ ಈ ಜಾತ್ರಾ ಮಹೋತ್ಸವದ ವ್ಯವಸ್ಥೆಯನ್ನು ಅಚ್ಚುಕಟ್ಟಾಗಿ ನಿರ್ವಹಿಸುತ್ತಾರೆ.

ಇಂಡಿ: ತಾಲ್ಲೂಕಿನ ಹಿರೇರೂಗಿ ಗ್ರಾಮದ ಜೆಟ್ಟಿಂಗೇಶ್ವರ ಜಾತ್ರಾ ಮಹೋತ್ಸವದ ಅಂಗವಾಗಿ ಶನಿವಾರ ವಿವಿಧ ಗ್ರಾಮಗಳ ಒಟ್ಟು ೧೧ ದೇವರುಗಳ ಪಲ್ಲಕ್ಕಿ ಮೆರವಣ ಗೆ ನಡೆಯಿತು.