40ವರ್ಷ ಮೇಲ್ಪಟ್ಟ ಹಿರಿಯ ಆಟಗಾರರ ಕ್ರಿಕೆಟ್ ಪಂದ್ಯಾವಳಿ
ಹನೂರು: ಪಟ್ಟಣದ ಶ್ರೀ ಮಹದೇಶ್ವರ ಕ್ರೀಡಾಂಗಣದಲ್ಲಿ 24/8/24 ಮತ್ತು 25/8/24 ರ ಶನಿವಾರ ಹಾಗೂ ಭಾನುವಾರ 40ವರ್ಷ ಮೇಲ್ಪಟ್ಟ ಹಿರಿಯ ಕ್ರಿಕೆಟ್ ಆಟಗಾರರ ಸಮಾಗಮ ಕಾರ್ಯಕ್ರಮ ಹಾಗೂ ಕ್ರಿಕೆಟ್ ಪಂದ್ಯಾವಳಿಯನ್ನು ಆಯೋಜಿಸಲಾಗಿದೆ ಎಂದು ಆಯೋಜಕರಾದ ಲಿಂಗರಾಜು ತಿಳಿಸಿದರು.
ಹಿರಿಯ ಆಟಗಾರರ ಶಶಿ ಮಾತನಾಡಿ ನಮ್ಮ ಎಲ್ಲಾ ಸ್ನೇಹಿತರು ಈ ಕ್ರಿಕೆಟ್ ಪಂದ್ಯಾವಳಿಗೆ ಪಾಲ್ಗೊಳ್ಳಲು ಹೊರರಾಜ್ಯ ಹಾಗೂ ಹೊರದೇಶದಲ್ಲಿರುವ ಹನೂರಿನ ಹಿರಿಯ ಆಟಗಾರರೆಲ್ಲರೂ ಕೂಡ ಭಾಗವಹಿಸುತ್ತಿರುವುದು ಈ ಟೂರ್ನಿಯ ವಿಶೇಷತೆಯಾಗಿದೆ. ಈ ಟೂರ್ನಿಯಲ್ಲಿ ಐದು ತಂಡಗಳು ಭಾಗವಹಿಸುತ್ತಿದ್ದು ಗೋಲ್ಡನ್ ಈಗಲ್ಸ್, ರೆಬಲ್ ಸ್ಟಾರ್, ಜಿಸಿಸಿ, ಹನೂರು ವಾರಿಯರ್ಸ್ 11, ಹಾಗೂ ಲೆಜೆಂಡ್ ಸ್ಟ್ರೈಕರ್ ತಂಡಗಳು ಪಾಲ್ಗೊಳ್ಳಲಿದೆ ಎಂದು ತಿಳಿಸಿದರು.
ಈ ಸಂದರ್ಭದಲ್ಲಿ ಆಯೋಜಕರಾದ ಕುಮಾರಸ್ವಾಮಿ, ಬಾಬು, ನಿಂಗರಾಜು, ಆನಂದ್ ಸಂತೋಷ್ ಹಾಗೂ ನಾಗರಾಜ್ ಇನ್ನು ಮುಂತಾದವರು ಹಾಜರಿದ್ದರು.
ವರದಿ:ಚೇತನ್ ಕುಮಾರ್ ಎಲ್,ಚಾಮರಾಜನಗರ ಜಿಲ್ಲೆ
