16 ವರ್ಷದ ಬಾಲಕಿ ಅಪಹರಣ..! ಎಲ್ಲಿ..?
ವಿಜಯಪುರ: 16 ವರ್ಷದ ಬಾಲಕಿಯನ್ನು ದುಷ್ಕರ್ಮಿಗಳು ಅಪಹರಿಸಿದ ಘಟನೆ ವಿಜಯಪುರ ನಗರದ ಜಮಖಂಡಿ ರಸ್ತೆಯಲ್ಲಿರುವ ಶಿವಾನಂದ ಪೆಟ್ರೋಲ್ ಪಂಪ್ ಬಳಿ ನಡೆದಿದೆ. ಸೃಷ್ಠಿ ಗಂಗಾಧರ ಮಠ (16 ವರ್ಷ 11 ತಿಂಗಳು) ಬಾಲಕಿ ಅಪಹರಣ. ರಾತ್ರಿ ಊಟ ಮಾಡಿದ ಬಳಿಕ ಎಲ್ಲರೂ ನಿದ್ರೆಗೆ ಜಾರಿದ್ದಾರೆ. ಆದರೆ ಬೆಳಗಿನ ಜಾವ ಮಗಳಿಗೆ ಎಬ್ಬಿಸಿ ಓದಿಸಬೇಕೆಂದರೆ ಮಗಳು ಮನೆಯಲ್ಲಿರಲಿಲ್ಲ. ಗಾಬರಿಯಾಗಿ ಮನೆ ಸುತ್ತ-ಮುತ್ತ ಹಾಗೂ ಸಂಬಂಧಿಕರ ಬಳಿ ವಿಚಾರಣೆ ನಡೆಸಿದರೂ, ಮಗಳು ಸಿಕ್ಕಿಲ್ಲ. ಹಾಗಾಗಿ ಮಗಳನ್ನು ದುಷ್ಕರ್ಮಿಗಳು ಅಪಹರಿಸಿಕೊಂಡು ಹೋಗಿರಬಹುದೆಂದು ವಿಜಯಪುರ ಮಹಿಳಾ ಪೊಲೀಸ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ್ದಾರೆ. ಕಾಣೆಯಾದ ಬಾಲಕಿಯ ವಿವರ 4.10 ಅಡಿ ಎತ್ತರ, ಕನ್ನಡ ಮಾತನಾಡುತ್ತಾಳೆ. ಮೈಮೇಲೆ ನೀಲಿ ಬಣ್ಣದ ಟಾಪ್, ಕಪ್ಪು ಬಣ್ಣದ ಪ್ಯಾಂಟ್ ಧರಿಸಿದ್ದಾಳೆ. ಸುಳಿವು ಸಿಕ್ಕಲ್ಲಿ ವಿಜಯಪುರ ಮಹಿಳಾ ಠಾಣೆ, ಎಸ್ಪಿ ಕಚೇರಿಗೆ ಮಾಹಿತಿ ನೀಡಬಹುದಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.
