ಇಂಡಿ : ಅಭಿವೃದ್ಧಿಯ ಹರಿಕಾರರಿಗೆ ಸಚಿವ ಸ್ಥಾನ ಕೊಡಿ ಎಂದು ಪ್ರಥಮ ದರ್ಜೆ ಗುತ್ತೆಗದಾರ ಪ್ರಭುಗೌಡ ಬಿರಾದಾರ ಶುಕ್ರವಾರ ಹೇಳಿದರು.
ಪಟ್ಟಣದಲ್ಲಿ ಸುದ್ದಿಗಾರರೊಂದಿಗೆ ಮಾತಾನಾಡಿದ ಅವರು, ಜಿಲ್ಲೆಯ ಇಂಡಿ ಮತಕ್ಷೇತ್ರದ ಹಾಲಿ ಶಾಸಕ ಯಶವಂತರಾಯಗೌಡ ಪಾಟೀಲ ಅವರು ಸತತವಾಗಿ 3 ಬಾರಿ ಇಂಡಿ ವಿಧಾನಸಭೆಯ ಸದಸ್ಯರಾಗಿ ತಾಲೂಕಿಗೆ ಹ್ಯಾಟ್ರಿಕ್ ಸಾಧನೆಗೈದಿದ್ದಾರೆ. ಕ್ಷೇತ್ರಕ್ಕೆ ಶಾಸಕರಿಟ್ಟ ಅಭಿಮಾನ, ಮತಪ್ರಭುಗಳ ವಿಶ್ವಾಸ ಸಂಪೂರ್ಣವಾಗಿ ಗೆದ್ದು ಶಾಸಕರಾಗಿದ್ದಾರೆ. ರಾಜಕೀಯದಲ್ಲಿ ಸಾವ೯ಜನಿಕರ ಮನಸ್ಸು ಗೆದ್ದು ತಾಲೂಕಿನ ಅಭಿವೃದ್ಧಿ ಪರ್ವ ಮಾಡಿದ್ದಾರೆ. ಈ ಬಾರಿ ಕಾಂಗ್ರೇಸ್ ಪಕ್ಷದ ಹೈಕಮಾಂಡ್ ಇಂಡಿ ಮತಕ್ಷೇತ್ರದ ಶಾಸಕರಿಗೆ ಸಚಿವ ಸ್ಥಾನ ಕೊಡಬೇಕೆಂದು ಒತ್ತಾಯ ಮಾಡುತ್ತೆನೆ ಎಂದು ಹೇಳಿದರು.
