ಲಿಂಗಸೂಗೂರು: 2023 ನೇ ವಿಧಾನಸಭಾ ಚುನಾವಣೆ ಟಿಕೆಟ್ಗಾಗಿ ಕಾಂಗ್ರೆಸ್ನ ಆಕಾಂಕ್ಷಿಗಳು ಎಲ್ಲಿಲ್ಲದ ಲಾಭಿ ಶುರು ಮಾಡಿಕೊಂಡಿದ್ದರು. ಕೊನೆಗೂ 4 ನೇ ಲಿಸ್ಟ್ ನಲ್ಲಿ 7 ಅಭ್ಯರ್ಥಿಗಳ ಹೆಸರುಗಳನ್ನು ಕಾಂಗ್ರೆಸ್ AICC ಘೋಷಣೆ ಮಾಡಿದೆ.
ಲಿಂಗಸೂಗೂರು ಎಸ್.ಸಿ. ಮೀಸಲು ಮತ ಕ್ಷೇತ್ರದಿಂದ ಕಾಂಗ್ರೆಸ್ ಟಿಕೆಟ್ಗಾಗಿ ಒಟ್ಟು 5 ಜನ ಆಕಾಂಕ್ಷಿಗಳು ಚುನಾವಣಾ ಅಖಾಡಕ್ಕೆ ನುಗ್ಗಲು ಮುಂದಾಗಿದ್ದರು.
ಅದರಲ್ಲೂ ಹಾಲಿ ಶಾಸಕ ಡಿ. ಎಸ್. ಹೂಲಗೇರಿ ಹಾಗೂ ಆರ್. ರುದ್ರಯ್ಯ ಕಾಂಗ್ರೆಸ್ ವರಿಷ್ಟರನ್ನು ಆಗಾಗ ಬೇಟಿ ಮಾಡುತ್ತಿದ್ದರು. ಈ ನಡುವೆ ಟಿಕೆಟ್ ಗಿಟ್ಟಿಸಲು ಇಬ್ಬರ ನಡುವೆ ಭಾರಿ ಪೈಪೋಟಿ ನಡೆದಿತ್ತು.
ಇನ್ನು ಕಾಂಗ್ರೆಸ್ ಟಿಕೆಟ್ ಆರ್. ರುದ್ರಯ್ಯ ಅವರಿಗೆ
ಸಿಗುತ್ತೆ, ಡಿ. ಎಸ್. ಹೂಲಗೇರಿಗೆ ಸಿಗುತ್ತೆ ಅಂತಾ ತಾಲೂಕಿನಲ್ಲಿ ಬೆಟ್ಟಿಂಗ್ ಕೂಡಾ ಶುರುವಾಗಿತ್ತು.
ಕೊನೆಗೂ ನಾಲ್ಕನೇ ಲಿಸ್ಟ್ನಲ್ಲಿ ಡಿ. ಎಸ್. ಹೂಲಗೇರಿ ಟಿಕೆಟ್ ಗಿಟ್ಟಿಸಿಕೊಂಡಿರುವದು ಕಾಂಗ್ರೆಸ್ ಕಾರ್ಯಕರ್ತರಲ್ಲಿ ಸಂತಸ ಮೂಡಿಸಿದೆ.
