ಅಂತರ್ ರಾಜ್ಯ ಕಳ್ಳರ ಬಂಧನ..! ಇದೊಂದು ಗ್ಯಾಂಗ್, ಇನ್ನೂ ಐವರು ಪರಾರಿ : ಎಸ್ಪಿ ಋಷಿಕೇಶ್
ವಿಜಯಪುರ: ಇಬ್ಬರು ಅಂತರ್ ರಾಜ್ಯ ಕಳ್ಳರನ್ನು ಬಂಧಿಸಲಾಗಿದೆ ಎಂದು ಎಸ್ಪಿ ಋಷಿಕೇಶ್ ಸೋನವಾಣೆ ಮಾಹಿತಿ ನೀಡಿದರು. ವಿಜಯಪುರ ನಗರದಲ್ಲಿ ನಡೆದ ಮಾಧ್ಯಮಗೋಷ್ಠಿಯಲ್ಲಿ ಮಾತನಾಡಿದ ಅವರು, ಮಹಾರಾಷ್ಟ್ರದ ಸಾಂಗಲಿಯ ನಿವಾಸಿಗಳಾದ ವಿಕಿ ಚವ್ಹಾಣ, ಸಂಜು ಪವಾರ ಬಂಧಿತ ಆರೋಪಿಗಳು. ಇನ್ನು ವಿಜಯಪುರ ಗಡಿಭಾಗವಾದ ಸಾಂಗಲಿಯ ಸಂಖ ಗ್ರಾಮದಲ್ಲಿ ಅನುಮಾಸ್ಪದವಾಗಿ ವಿಕಿ ಚವ್ಹಾಣ ತಿರುಗಾಡುತ್ತಿದ್ದನು. ಈತನನ್ನು ಪೊಲೀಸರು ವಶಕ್ಕೆ ಪಡೆದುಕೊಂಡು ವಿಚಾರಿಸಿದ್ದಾರೆ. ಬಂಧಿತರು ಇಂಡಿ ತಾಲ್ಲೂಕಿನ ಹೊರ್ತಿ, ಅಗಸನಾಳ, ಹಲಗುಣಕಿ, ಇಂಚಗೇರಿ ಗ್ರಾಮಗಳ ಸುತ್ತಮುತ್ತಲಿನ ಕಡೆಗಳಲ್ಲಿನ ಮನೆಯಲ್ಲಿ 184.57 ಗ್ರಾಂ ಚಿನ್ನ, 80 ಗ್ರಾಂ ಬೆಳ್ಳಿ, ಕೃತ್ಯಕ್ಕೆ ಬಳಸಿದ ಕಾರು ಹೀಗೆ 9,55,200 ಮೌಲ್ಯದ ವಸ್ತುಗಳನ್ನು ಪೊಲೀಸರು ವಶಕ್ಕೆ ಪಡೆದುಕೊಂಡಿದ್ದಾರೆ. ಅಲ್ಲದೇ, ಇದೊಂದು ಗ್ಯಾಂಗ್ನಲ್ಲಿ ಇನ್ನು ಐವರು ಪರಾರಿಯಾಗಿದ್ದಾರೆ. ಒಟ್ಟು 8 ಕೇಸ್ಗಳು ಇವರ ಮೇಲೆ ಇವೆ. ಅದಕ್ಕಾಗಿ ಉಳಿದ ಆರೋಪಗಳ ಬಂಧನಕ್ಕೆ ಪೊಲೀಸರು ಬಲೆ ಬೀಸಿದ್ದಾರೆ. ಆದಷ್ಟು ಬೇಗನೆ ಆರೋಪಗಳನ್ನು ಬಂಧಿಸಲಾಗುತ್ತದೆ ಎಂದರು.
