ಕರವೇ ಕಾರ್ಯಕರ್ತರ ಬಂಧನಕ್ಕೆ ಆಕ್ರೋಷದ ಕಿಡಿ..!
ಇಂಡಿ: ಕನ್ನಡ ನಾಡಿನ ಉಳಿವಿಗಾಗಿ ಸದಾ ಹೋರಾಟ
ಮಾಡುತ್ತಿರುವ ಕರವೇ ರಾಜ್ಯಾಧ್ಯಕ್ಷರಾದ ಟಿ.ಎ.
ನಾರಾಯಣಗೌಡ ನೇತೃತ್ವದ ಕರವೇ ಕಾರ್ಯಕರ್ತರನ್ನು ಬಂಧಿಸಿರುವುದನ್ನು ಖಂಡಿಸಿ ಗುರುವಾರ ಕರವೇ ಝಳಕಿ ವಲಯ ಅಧ್ಯಕ್ಷ ರವಿಕುಮಾರ್ ಹೂಗಾರ್ ನೇತೃತ್ವದಲ್ಲಿ ಕಾರ್ಯಕರ್ತರು ಪ್ರತಿಭಟನೆ ನಡೆಸಿ ಬಳ್ಳೊಳ್ಳಿಯ ಉಪ – ತಹಸೀಲ್ದಾರ ಎಸ್.ಎ.ಗೋಟ್ಯಾಳ ಅವರಿಗೆ ಮನವಿ ಸಲ್ಲಿಸಿದರು.
ಈ ಸಂದರ್ಭದಲ್ಲಿ ಮಾತನಾಡಿದ ರವಿಕುಮಾರ್ ಹೂಗಾರ್, ಬೆಂಗಳೂರು ಸೇರಿದಂತೆ ರಾಜ್ಯಾದ್ಯಂತ ಕನ್ನಡದ ನಾಮಫಲಕಗಳನ್ನು ಅಳವಡಿಸದೆ ತಮಗೆ ಬೇಕಾದ ಭಾಷೆಯಲ್ಲಿ ನಾಮಫಲಕ ಅಳವಡಿಸುತ್ತಿರುವು – ದಕ್ಕೆ ಕರವೇ ಹೋರಾಟ ನಡೆಸುತ್ತಿದೆ. ಅದಕ್ಕೆ ಬೆಂಬಲಿಸಬೇಕಿದ್ದ ರಾಜ್ಯ ಸರಕಾರ ಕನ್ನಡಪರ ಹೋರಾಟಗಾರರನ್ನೇ ಬಂಧಿಸಿರುವುದು ಎಷ್ಟು ಸರಿ ಎಂದು ಕಾರ್ಯಕರ್ತರು ಪ್ರಶ್ನಿಸಿದ್ದಾರೆ.
ಜಿಲ್ಲೆಯ ಕರವೇ ಕಾರ್ಯಕರ್ತರಾದ ಎಮ್.ಸಿ. ಮುಲ್ಲಾ,
ಬಾಳು ಮುಳಜಿ, ಸಂತೋಷ ಪಾಟೀಲ್ ಡಂಬಳ್ ಅವರೂ ಸಹಹೋರಾಟದಲ್ಲಿ ಪಾಲ್ಗೊಂಡಿದ್ದು, ಅವರನ್ನೂ ಬಂಧಿಸಲಾಗಿದೆ ಎಂದು ತಿಳಿಸಿದ ಅವರು ಹೋರಾಟಗಾರರ ಮೇಲೆ ಕೇಸ್ ದಾಖಲಿಸಿದರೆ ರಾಜ್ಯಾದ್ಯಂತ ಉಗ್ರ ಹೋರಾಟ ಮಾಡಬೇಕಾಗುತ್ತದೆ ಎಂದು ಎಚ್ಚರಿಸಿದ್ದಾರೆ. ರವಿ ಹೂಗಾರ, ಬಾಲಕೃಷ್ಣ ಭೋಸಲೆ, ಪ್ರವೀಣ್ ಕಾಪಸೆ, ಅಮೋಗಿ ದಾಳೆ, ನಿರಂಜನ್ ಪೂಜಾರಿ, ಉಮೇಶ್ ಕಾರ್ಕಲ,
ರೇವಣ್ಣ ತಳವಾರ, ಹೇಮಂತ್ ಹಡಸಂಗಿ, ಪ್ರಕಾಶ್
ಬಿರಾದಾರ, ರಾಜು ಕಾಸರ, ಶಂಕರ್ ಬಡಿಗೇರ, ಆನಂದ್ ಕ್ಷತ್ರಿ ಸೇರಿದಂತೆ ಕರವೇ ಪದಾಧಿಕಾರಿಗಳು ಇದ್ದರು.
ಇಂಡಿ: ಕರವೇ ಕಾರ್ಯಕರ್ತರನ್ನು ಬಂಧಿಸಿರುವುದನ್ನು ಖಂಡಿಸಿ ಕರವೇ ಝಳಕಿ ವಲಯ ಅಧ್ಯಕ್ಷ ರವಿಕುಮಾರ್ ಹೂಗಾರ್ ನೇತೃತ್ವದಲ್ಲಿ ಕಾರ್ಯಕರ್ತರು ಪ್ರತಿಭಟನೆ ನಡೆಸಿ ಬಳ್ಳೊಳ್ಳಿಯ ಉಪತಹಸೀಲ್ದಾರ ಎಸ್.ಎ. ಗೋಟ್ಯಾಳ ಅವರಿಗೆ ಮನವಿ ಸಲ್ಲಿಸಿದರು.
