ಟನ್ ಟನ್ ಪಡಿತರ ಅಕ್ಕಿ ಜಪ್ತಿ..! ಎಲ್ಲಿ ಗೊತ್ತಾ..?
ವಿಜಯಪುರ : ಅಕ್ರಮವಾಗಿ ವಾಹನಗಳಲ್ಲಿ ಪಡಿತರ ಅಕ್ಕಿ ಸಾಗಾಟ ವೇಳೆ ಪೊಲೀಸರು ದಾಳಿಗೈದಿರುವ ಘಟನೆ ವಿಜಯಪುರದ ಆದರ್ಶನಗರದಲ್ಲಿ ನಡೆದಿದೆ. ರಾಹುಲ್ ಪವಾರ, ನಾಗೇಶ ವಡ್ಡರ ಬಂಧಿತ ಆರೋಪಿಗಳು. ಇನ್ನು ಪರವಾನಗಿ ಇಲ್ಲದೇ ಅಕ್ರಮವಾಗಿ ಪಡಿತರ ಅಕ್ಕಿ ಸಾಗಾಟ ವೇಳೆ ಪೊಲೀಸರು ದಾಳಿಗೈದು ಅಶೋಕ ಲೇಲ್ಯಾಂಡ್ ಗೂಡ್ಸ್ ವಾಹನದಲ್ಲಿ 4 ಟನ್ 320 ಕೆಜಿ ಅಕ್ಕಿ ಹಾಗೂ ಬಜಾಜ್ ಮಾಕ್ಸಿಮೋ ಟಂಟಂ ವಾಹನದಲ್ಲಿ 1 ಟನ್ 300 ಕೆಜಿ ಅಕ್ಕಿ ಜಪ್ತಿಗೈದಿದ್ದಾರೆ. ಈ ಕುರಿತು ಆದರ್ಶನಗರ ಪೊಲೀಸ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ಅಲ್ಲದೇ, ಮತ್ತೊಡೆಗೆ ಅಕ್ರಮವಾಗಿ ಅಕ್ಕಿ ಸಂಗ್ರಹಿಸಿ ಕಾಳಸಂತೆಯಲ್ಲಿ ಮಾರಾಟಕ್ಕೆ ಯತ್ನಿಸಿದಾಗ ಪೊಲೀಸರು ದಾಳಿಗೈದು ಅಕ್ಕಿ ಜಪ್ತಿಗೈದಿರುವ ಘಟನೆ ವಿಜಯಪುರದ ಜಲನಗರದಲ್ಲಿ ನಡೆದಿದೆ. ಮುಜೀಬ್ ಕಲಾದಗಿ ಹಾಗೂ ರಫೀಕ್ ಪಟೇಲ್ ಬಂಧಿತರು. ಇನ್ನು ಸರ್ಕಾರದ ಯೋಜನೆಯಲ್ಲಿ ಹಂಚಿಕೆಯಾಗಿರುವ ಅಕ್ಕಿಯನ್ನು ಅಕ್ರಮವಾಗಿ ಸಂಗ್ರಹಿಸಿ ಮಾರಾಟಕ್ಕೆ ಯತ್ನಿಸಿದಾಗ 54,128 ಮೌಲ್ಯದ 15 ಕ್ವಿಂಟಲ್ 92 ಕೆಜಿ ಅಕ್ಕಿಯನ್ನು ವಶಕ್ಕೆ ಪಡೆದುಕೊಂಡಿದ್ದಾರೆ. ಈ ಕುರಿತು ಜಲನಗರ ಪೊಲೀಸ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
