ಗ್ರಾ.ಪಂ ಅಧಿಕಾರಿಯಿಂದ ಯುವಕನೊರ್ವನಿಗೆ ಕಪಾಳ ಮೋಕ್ಷ..! ಎಲ್ಲಿ..? ಯಾವುದಕ್ಕೆ..? ಗೊತ್ತಾ..!
ಇಂಡಿ : ಕುಡಿಯುವ ನೀರು ಪೂರೈಕೆಗೆ ಆಗ್ರಹಿಸಿ ಯುವಕನೋರ್ವ ಅರೆಬೆತ್ತಲೆ ಸ್ಥಿತಿಯಲ್ಲಿ ಪ್ರತಿಭಟನೆ ನಡೆಸಿರುವ ಘಟನೆ ಜಿಲ್ಲೆ ಇಂಡಿ ತಾಲೂಕಿನ ಹಿರೇಮಸಳಿ ಗ್ರಾಮದಲ್ಲಿ ನಡೆದಿದೆ. ಅರೆ ಬೆತ್ತಲೆಯಾಗಿ ಸಂತೋಷ ಬಿಜಾಪುರ ಗ್ರಾಮ ಪಂಚಾಯತಿಗೆ ಆಗಮಿಸಿ ಆಕ್ರೋಶ ವ್ಯಕ್ತಪಡಿಸಿದ್ದಾನೆ. ಅಲ್ಲದೇ, ರಾಜ್ಯಾದ್ಯಂತ ಮಳೆ‌ಯಾಗಿಲ್ಲ. ಅದಕ್ಕಾಗಿ ಇರುವ ನೀರಿನಲ್ಲಿ ಕುಡಿಯಲು ನೀರು ಬಿಡುತ್ತಿಲ್ಲ. ನೀರು ಕೇಳಿದರೆ ಬೇಕಾಬಿಟ್ಟಿ ಉತ್ತರ ಕೊಡುತ್ತಾರೆ. ಪರಿಸ್ಥಿತಿ ಹೀಗೆ ಮುಂದುವರಿದರೆ ಏನು ಕುಡಿಯುವುದು..? ಯಾರಿಗೆ ಹೇಳುವುದು ಎಂದು ಯುವಕ ಪಂಚಾಯತಲ್ಲಿ ಜಗಳ ತೆಗೆದಿದ್ದಾನೆ.
ಈ ವೇಳೆ ಕುಡಿದ ಮತ್ತಿನಲ್ಲಿ ಸಂತೋಷ ಬಂದಿದ್ದಾನೆಂದು ಪಿಡಿಓ ಶೋಭಾ ಹೊರಪೇಟ ಕಪಾಳಮೋಕ್ಷ ಮಾಡಿದ್ದಾರೆ. ಇದರಿಂದ ಸ್ಥಳೀಯರು ಪಿಡಿಓ ಶೋಭಾ ವಿರುದ್ಧ ಆಕ್ರೋಶ ಹೊರಹಾಕಿದ್ದಾರೆ.
