ENG vs AUS ICC World Cup
Voice Of Janata News Desk: ಅಹಮದಾಬಾದ್: ಹಾಲಿ ಚಾಂಪಿಯನ್ ಇಂಗ್ಲೆಂಡ್ ಮತ್ತು ಐದು ಸಲದ ಪ್ರಶಸ್ತಿ ವಿಜೇತ ಆಸ್ಟ್ರೇಲಿಯಾ ತಂಡಗಳು ಶನಿವಾರ ಏಕದಿನ ಕ್ರಿಕೆಟ್ ವಿಶ್ವಕಪ್ ಟೂರ್ನಿಯಲ್ಲಿ ಮುಖಾಮುಖಿಯಾಗಲಿವೆ.
ಆದರೆ ಈ ಸಲದ ಲೀಗ್ನಲ್ಲಿ ಉಭಯ ತಂಡಗಳು ತದ್ವಿರುದ್ಧ ಸ್ಥಿತಿಯಲ್ಲಿವೆ. ಇಂಗ್ಲೆಂಡ್ ತಂಡವು ಸತತ ಸೋಲುಗಳಿಂದ ಕಂಗೆಟ್ಟಿದ್ದು, ಸೆಮಿಫೈನಲ್ ಹಾದಿಯಿಂದ ಹೊರಬಿದ್ದಿದೆ. ಆಡಿದ ಆರು ಪಂದ್ಯಗಳಲ್ಲಿ ಗೆದ್ದಿರುವುದು ಒಂದೇ ಪಂದ್ಯ. ಕಳಪೆ ಬ್ಯಾಟಿಂಗ್ ನಿಂದಾಗಿಯೇ ಹೆಚ್ಚು ಸೋಲುಗಳನ್ನು ಅನುಭವಿಸಿದೆ.
ಇದೀಗ ತನ್ನ ಸಾಂಪ್ರದಾಯಿಕ ಎದುರಾಳಿ ಆಸ್ಟ್ರೇಲಿಯಾ ಎದುರು ಯಾವ ರೀತಿ ಆಡಲಿದೆ ಎಂಬ ಕುತೂಹಲ ಗರಿಗೆದರಿದೆ. ಆದರೆ ಮೊದಲೆರಡು ಪಂದ್ಯಗಳಲ್ಲಿ ಸೋತಿದ್ದ ಪ್ಯಾಟ್ ಕಮಿನ್ಸ್ ಬಳಗವು ನಂತರದ ನಾಲ್ಕರಲ್ಲಿ ಸತತ ಗೆಲುವು ಸಾಧಿಸಿದೆ. ಆ ಮೂಲಕ ನಾಲ್ಕರ ಘಟ್ಟದತ್ತ ದಾಪುಗಾಲಿಟ್ಟಿದೆ.
ಎರಡು ತಂಡಗಳ ಆಟಗಾರರು
ಇಂಗ್ಲೆಂಡ್: ಜೋಸ್ ಬಟ್ಲರ್ (ವಿಕೆಟ್ಕೀಪರ್–ನಾಯಕ) ಜಾನಿ ಬೆಸ್ಟೊ ಡೇವಿಡ್ ಮಲಾನ್ ಜೋ ರೂಟ್ ಬೆನ್ ಸ್ಟೋಕ್ಸ್ ಮೋಯಿನ್ ಅಲಿ ಲಿಯಾಮ್ ಲಿವಿಂಗ್ಸ್ಟೋನ್ ಕ್ರಿಸ್ ವೋಕ್ಸ್ ಡೇವಿಡ್ ವಿಲಿ ಆದಿಲ್ ರಶೀದ್ ಮಾರ್ಕ್ ವುಡ್ ಸ್ಯಾಮ್ ಕರನ್ ಹ್ಯಾರಿ ಬ್ರೂಕ್ ಗಸ್ ಅಟ್ಕಿನ್ಸನ್ ಬ್ರೈಡನ್ ಕೇರ್ಸ್.
ಆಸ್ಟ್ರೇಲಿಯಾ: ಪ್ಯಾಟ್ ಕಮಿನ್ಸ್ (ನಾಯಕ) ಡೇವಿಡ್ ವಾರ್ನರ್ ಟ್ರಾವಿಸ್ ಹೆಡ್ ಮಿಚೆಲ್ ಮಾರ್ಷ್ ಸ್ಟೀವನ್ ಸ್ಮಿತ್ ಮಾರ್ನಸ್ ಲಾಬುಷೇನ್ ಗ್ಲೆನ್ ಮ್ಯಾಕ್ಸ್ವೆಲ್ ಜೋಶ್ ಇಂಗ್ಲಿಸ್ (ವಿಕೆಟ್ಕೀಪರ್) ಮಿಚೆಲ್ ಸ್ಟಾರ್ಕ್ ಆ್ಯಡಂ ಜಂಪಾ ಜೋಸ್ ಹ್ಯಾಜಲ್ವುಡ್ ಮಾರ್ಕಸ್ ಸ್ಟೊಯಿನಿಸ್ ಅಲೆಕ್ಸ್ ಕ್ಯಾರಿ ಕ್ಯಾಮರಾನ್ ಗ್ರೀನ್ ಸೀನ್ ಅಬಾಟ್.
ಪಂದ್ಯ ಆರಂಭ: ಮಧ್ಯಾಹ್ನ 2 ನೇರಪ್ರಸಾರ: ಸ್ಟಾರ್ ಸ್ಪೋರ್ಟ್ ನೆಟ್ವರ್ಕ್ ಹಾಟ್ಸ್ಟಾರ್ ಆ್ಯಪ್.
