ನೆದರ್ಲ್ಯಾಂಡ್ಸ್ ಮಿಂಚಿನ ಆಟಕ್ಕೆ ಹರಿಣಗಳು ದಿಕ್ಕಾಪಾಲು!
ICC ODI WORLD CUP 2023
Voice of Janata News Desk : ಧರ್ಮಾಶಾಲಾ: ಇಲ್ಲಿನ ಹಿಮಾಚಲ ಪ್ರದೇಶ ಕ್ರಿಕೆಟ್ ಆಸೋಶಿಯನ್ಸ್ ಕ್ರೀಡಾಂಗಣದಲ್ಲಿ ನಡೆದ ವಿಶ್ವಕಪ್ ಟೂರ್ನಿಯ ಲೀಗ್ ಪಂದ್ಯದಲ್ಲಿ ನೆದರ್ಲ್ಯಾಂಡ್ಸ್ ತಂಡವು ದಕ್ಷಿಣ ಆಫ್ರಿಕಾ ವಿರುದ್ಧ 38 ರನ್ ಗಳ ಗೆಲುವು ಸಾಧಿಸಿದೆ.
ಟಾಸ್ ಗೆದ್ದ ದಕ್ಷಿಣ ಆಫ್ರಿಕಾ ತಂಡವು ಮೊದಲು ಫೀಲ್ಡಿಂಗ್ ಆಯ್ದುಕೊಂಡಿತು, ಅಲ್ಲದೆ ನೆದರ್ಲ್ಯಾಂಡ್ಸ್ ತಂಡವನ್ನು 43 ಓವರ್ ಗಳಲ್ಲಿ ಎಂಟು ವಿಕೆಟ್ ನಷ್ಟಕ್ಕೆ 245 ರನ್ ಗಳಿಗೆ ಕಟ್ಟಿ ಹಾಕಿತು.ನೆದರ್ಲ್ಯಾಂಡ್ಸ್ ತಂಡದ ಪರವಾಗಿ ಭರ್ಜರಿ ಬ್ಯಾಟಿಂಗ್ ಪ್ರದರ್ಶನ ನೀಡಿದ ನಾಯಕ ಎಡ್ವರ್ಡ್ಸ್ 69 ಎಸೆತಗಳಲ್ಲಿ ಹತ್ತು ಬೌಂಡರಿ ಹಾಗೂ ಒಂದು ಸಿಕ್ಸರ್ ನೆರವಿನಿಂದ 78 ರನ್ ಗಳನ್ನು ಗಳಿಸಿ ತಂಡಕ್ಕೆ ನೆರವಾದರು.
ಇದೆ ವೇಳೆ 246 ರನ್ ಗಳ ಗುರಿಯನ್ನು ಬೆನ್ನತ್ತಿದ ದಕ್ಷಿಣ ಆಫ್ರಿಕಾ ತಂಡವು ನೆದರ್ಲ್ಯಾಂಡ್ಸ್ ತಂಡದ ಕರಾರುವಕ್ಕಾದ ಬೌಲಿಂಗ್ ದಾಳಿಗೆ 42.5 ಓವರ್ ಗಳಲ್ಲಿ ಎಲ್ಲ ವಿಕೆಟ್ ಗಳನ್ನು ಕಳೆದುಕೊಂಡು 207 ರನ್ ಗಳನ್ನು ಮಾತ್ರ ಗಳಿಸುವಲ್ಲಿ ಯಶಸ್ವಿಯಾಯಿತು.
ಎರಡು ತಂಡಗಳ ಸ್ಕೋರ್ ವಿವರ್..
ನೆದರ್ಲೆಂಡ್ಸ್: 43 ಓವರ್ಗಳಿಗೆ 245-8 (ಸ್ಕಾಟ್ ಎಡ್ವರ್ಡ್ಸ್ 78*, ವಾನ್ ಡೆರ್ ಮಾರ್ವೆ 29, ಆರ್ಯನ್ ದತ್ 23*; ಮಾರ್ಕೊ ಯೆನ್ಸನ್ 27ಕ್ಕೆ 2, ಕಗಿಸೊ ರಬಾಡ 56ಕ್ಕೆ 2, ಲುಂಗಿ ಎನ್ಗಿಡಿ 57ಕ್ಕೆ 2
ದಕ್ಷಿಣ ಆಫ್ರಿಕಾ: 42.5 ಓವರ್ಗಳಿಗೆ 207-10 (ಡೇವಿಡ್ ಮಿಲ್ಲರ್ 43, ಕೇಶವ್ ಮಹಾರಾಜ್ 40, ಹೆನ್ರಿಕ್ ಕ್ಲಾಸೆನ್ 28; ವಾನ್ ಬೀಕ್ 60ಕ್ಕೆ 3, ವಾನ್ ಮೀಕರನ್ 40 ಕ್ಕೆ 2, ವಾನ್ ಡೆರ್ ಮಾರ್ವೆ 34ಕ್ಕೆ 2, ಬಾಸ್ ಡೀ ಲೀಡೆ 36ಕ್ಕೆ 2)
ಪಂದ್ಯ ಶ್ರೇಷ್ಠ ಪ್ರಶಸ್ತಿ: ಸ್ಕಾಟ್ ಎಡ್ವರ್ಡ್ಸ್
