ಲಿಂಗಸೂಗೂರು: ಮುದಗಲ್ ಭಾಗ ಸೇರಿ ಲಿಂಗಸುಗೂರು ಹಾಗೂ ಮಸ್ಕಿ ತಾಲೂಕಿನ ವ್ಯಾಪ್ತಿಯಲ್ಲಿ ಹಟ್ಟಿಯಲ್ಲಿ ಸಾಕಿದ ಮತ್ತು ಮನೆ ಮುಂದೆ ಕಟ್ಟಿ ಹಾಕಿದ್ದ ಮೇಕೆ ಹಾಗೂ ಕುರಿಗಳನ್ನು ಕಳ್ಳತನ ಮಾಡಲಾಗುತ್ತಿದೆ. ಸಾವಿರಾರು ರೂಪಾಯಿ ಬೆಲೆ ಬಾಳುವ ಕುರಿ ಮೇಕೆಗಳನ್ನು ಹಾಡು ಹಗಲು ಹಾಗೂ ರಾತ್ರಿ ಹೊತ್ತಲ್ಲಿ ಗೂಡ್ಸ್ ಗಾಡಿ ಹಾಗೂ ಬೈಕ್ನಲ್ಲಿ ಕಳ್ಳರು ಕಳ್ಳತನ ಮಾಡುತ್ತಿರುವ ಪ್ರಕರಣಗಳು ಮೇಲಿಂದ ಮೇಲೆ ಜರುಗುತ್ತಿವೆ. ಕುರಿ, ಮೇಕೆಯನ್ನು ಕಳೆದುಕೊಂಡವರು ಕೆಲವರು ಈ ಬಗ್ಗೆ ಮುದಗಲ್ ಪೊಲೀಸ್ ಠಾಣೆಗೆ ದೂರು ನೀಡಿದರೆ, ಇನ್ನೂ ಅನೇಕರು ದೂರು ನೀಡದೆ ತಾವೆ ಹುಡುಕಾಟ ನಡೆಸಿ ವಿಫಲರಾಗಿದ್ದಾರೆ. ಆದರೆ ವಾಹನದ ಮೂಲಕ ಮಾರಕಾಸ್ತ್ರಗಳೊಂದಿಗೆ ಕುರಿ ಹಟ್ಟಿ ಹಾಗೂ ಅಡವಿಯಲ್ಲಿ ಮೇಯುತಿದ್ದ ಕುರಿ, ಮೇಕೆ ಮತ್ತು ಮನೆ ಮುಂದೆ ಕಟ್ಟಿ ಹಾಕಿದ ಕುರಿ, ಮೆಕೆಯನ್ನು ಕಳ್ಳತನದ ಗ್ಯಾಂಗ್ ಕಳೆದ ಎರಡು ವರ್ಷದಿಂದ ತಾಲೂಕಿನಾಧ್ಯಂತ ತಿರುಗಾಡುತ್ತಿದೆ. ಇವರಿಂದ ನೂರಾರು ಕುರಿಗಾಯಿಗಳು ಹತ್ತಾರು ಕುರಿ, ಮೇಕೆಗಳನ್ನು ಕಳೆದುಕೊಂಡು ಲಕ್ಷಾಂತರ ರೂಪಾಯಿ ನಷ್ಟ ಅನುಭವಿಸುತಿದ್ದಾರೆ. ಕಳೆದ ಎರಡ್ಮೂರು ತಿಂಗಳಲ್ಲಿಯೇ ಮುದಗಲ್ ಪಟ್ಟಣ ಸೇರಿ ಈ ಭಾಗದ ಹಳ್ಳಿಗಳಲ್ಲಿ 50 ಕ್ಕೂ ಅಧಿಕ ಕುರಿಗಾರರ ಹಾಗೂ ಕುರಿ ಸಾಕಣಿಕೆದಾರರ ಕುರಿ,ಮೇಕೆ ಕಳ್ಳತನವಾಗಿರುವದು ಇದೆ. ಇದಕ್ಕೆ ಲೋಕಪ್ಪಯ್ಯ ಮೇಗಳಪೇಟೆ 9, ಬಸಪ್ಪ ಹೊನಗುಡಿ 5, ಗ್ಯಾನಪ್ಪ ದೇವರ ಮನಿ 4, ಮಾರತವ್ವ 4, ರಂಗಯ್ಯ 6, ಮಲ್ಲಮ್ಮ ಗೋದೆರ್ 4, ಹೊಳಿಯಪ್ಪ ಕನ್ನಾಪುರಹಟ್ಟಿ 1 ಮೇಕೆ ಸೇರಿ ಅನೇಕ ಕುರಿಗಾರರ ಕುರಿ, ಮೇಕೆಗಳನ್ನು ಕದ್ದು ಹೊಯ್ಯಲಾಗಿದೆ. ಅದರಂತೆ ಭಾನುವಾರ ದಿನಾಂಕ 23-01-2021 ರಂದು ಕಳ್ಳತನಕ್ಕೆ ಮುಂದಾಗಿದ್ದ ಬುಲೋರು ಗಾಡಿಯನ್ನು ಕುರಿಗಾರರು ಸೇರಿ ಹಿಡಿದ್ದಾರೆ. ಆದ್ದರಿಂದ ಕುರಿ ಕಳ್ಳತನ ಮಾಡುತಿದ್ದ ಗ್ಯಾಂಗ್‌ನ್ನು ಪತ್ತೆ ಹಚ್ಚಿ ಕುರಿ ಕಳೆದುಕೊಂಡು ನಷ್ಟಕ್ಕೆ ಸಿಲುಕಿರುವ ನಮ್ಮ ಕುರಿಗಾಯಿ ಹಾಗೂ ಕುರಿ,ಮೇಕೆ ಸಾಕಣಿಕೆದಾರರಿಗೆ ಸೂಕ್ತ ನ್ಯಾಯ ಕೊಡಿಸಬೇಕು ಎಂದು ಕುರಿ, ಮೇಕೆ ಕಳೆದುಕೊಂಡವರು ಪೊಲೀಸ್ ಅಧಿಕಾರಿಗಳಿಗೆ ಮನವಿ ಸಲ್ಲಿಸಿದ್ದಾರೆ.
