ಜೀವನಶೈಲಿಯ ಆಯ್ಕೆಗಳ ಬಗ್ಗೆ ಸಾಮಾನ್ಯ ಜನರಲ್ಲಿ ಅರಿವು ಅವಶ್ಯಕ 

ಜೀವನಶೈಲಿಯ ಆಯ್ಕೆಗಳ ಬಗ್ಗೆ ಸಾಮಾನ್ಯ ಜನರಲ್ಲಿ ಅರಿವು ಅವಶ್ಯಕ 

ವಿಜಯಪುರ, ಜೂ. 29: ಲೈಫ್ ಸ್ಟೈಲ್ ಮೆಡಿಸೀನ್ ಸಪ್ತಾಹದ ಅಂಗವಾಗಿ ನಗರದ ಪ್ರತಿಷ್ಠಿತ ಬಿ. ಎಲ್. ಡಿ. ಇ ಡೀಮ್ಡ್ ವಿಶ್ವವಿದ್ಯಾಲಯದ ಶ್ರೀ ಬಿ.ಎಂ.ಪಾಟೀಲ್ ವೈದ್ಯಕೀಯ ಮಹಾವಿದ್ಯಾಲಯದ ಆಸ್ಪತ್ರೆ ಮತ್ತು ಸಂಶೋಧನೆ ಕೇಂದ್ರದ ಫಿಸಿಯಾಲಜಿ ವಿಭಾಗದ ವತಿಯಿಂದ ಜೀವನಶೈಲಿ ಔಷಧದ ತತ್ವಗಳು, ಆರೋಗ್ಯ ಮತ್ತು ಯೋಗಕ್ಷೇಮದ ಮೇಲೆ ಅದರ ಪ್ರಭಾವವನ್ನುದ ಕುರಿತು ಜಾಗೃತಿ ಒಂದು ವಾರ ಪ್ರತಿ ದಿನ ನಾನಾ ಕಾರ್ಯಕ್ರಮಗಳು ನಡೆದವು.

ವಿಶ್ವಾದ್ಯಂತ ಪ್ರತಿ ವರ್ಷ ಜೂನ್ ತಿಂಗಳಲ್ಲಿನಲ್ಲಿ ಈ ಸಪ್ತಾಹ ಆಚರಿಸಲಾಗುತ್ತಿದ್ದು, ಬಿ.ಎಲ್.ಡಿ.ಈ ಡೀಮ್ಡ್ ವಿವಿ ಆವರಣದಲ್ಲಿ ಈ ತಿಂಗಳ ಕೊನೆಯ ವಾರ ಈ ಸಪ್ತಾಹ ಆಚರಿಸಲಾಯಿತು. ಆರೋಗ್ಯದ ಆರು ಪ್ರಮುಖ ಆಧಾರ ಸ್ತಂಭಗಳಾದ ದೈಹಿಕ ಚಟುವಟಿಕೆ, ನಿದ್ರೆ, ಒತ್ತಡ ನಿರ್ವಹಣೆ, ಸಾಮಾಜಿಕ ಸಂಪರ್ಕಗಳು ಮತ್ತು ಹಾನಿಕಾರಕ ಪದಾರ್ಥಗಳನ್ನು ತಪ್ಪಿಸುವುದರ ಮೇಲೆ ಈ ಕಾರ್ಯಕ್ರಮಗಳು ಕೇಂದ್ರೀಕೃತವಾಗಿದ್ದವು.

ಫಿಸಿಯಾಲಜಿ ವಿಭಾಗದ ಮುಖ್ಯಸ್ಥೆ ಡಾ. ಲತಾ ಮುಳ್ಳೂರ ಅವರ ಮಾರ್ಗದರ್ಶನದಲ್ಲಿ ಶರೀರಶಾಸ್ತ್ರ ವಿಭಾಗದ ಸಹ ಪ್ರಾಧ್ಯಾಪಕಿ ಮತ್ತು ಜೀವನಶೈಲಿ ವೈದ್ಯಕೀಯ ವೈದ್ಯ ಡಾ. ಅನಿತಾ ತೇಲಿ ಅವರ ಉಸ್ತುವಾರಿಯಲ್ಲಿ ಈ ಕಾರ್ಯಕ್ರಮಗಳು ನಡೆದವು.

ಮೊದಲ ದಿನದ ಕಾರ್ಯಕ್ರಮಕ್ಕೆ ವಿವಿ ಕುಲಪತಿ ಡಾ. ಆರ್. ಎಸ್. ಮುಧೋಳ ಚಾಲನೆ ನೀಡಿದರು. ಈ ಸಂದರ್ಭದಲ್ಲಿ ರಜಿಸ್ಟ್ರಾರ್ ಡಾ. ಆರ್. ವಿ. ಕುಲಕರ್ಣಿ, ಪ್ರಾಚಾರ್ಯ ಡಾ. ಅರವಿಂದ ಪಾಟೀಲ ಉಪಸ್ಥಿತರಿದ್ದರು. ಡಾಕ್ನೊಂದಿಗೆ ನಡೆಯಿರಿ ಕಾರ್ಯಕ್ರಮದಲ್ಲಿ ಶನಿವಾರ ಒಂದು ಗಂಟೆಗಳ ಕಾಲ ನಡೆದ ಕಾರ್ಯಕ್ರಮಗದಲ್ಲಿ ವೈದ್ಯರೊಂದಿಗೆ 60 ಸದಸ್ಯರು ಮತ್ತು ಸಾರ್ವಜನಿಕರು 5 ಕಿ. ಮೀ. ವಾಕಿಂಗ್ ಮಾಡಿದರು.

ರವಿವಾರ 2ನೇ ದಿನದ ಕಾರ್ಯಕ್ರಮದಲ್ಲಿ ಯೋಗ ಮತ್ತು ಧ್ಯಾನ ಕಾರ್ಯಾಗಾರ ನಡೆಯಿತು. ಈ ಸಂದರ್ಭದಲ್ಲಿ 50 ವೈದ್ಯಕೀಯ ವಿದ್ಯಾರ್ಥಿಗಳು ಭಾಗವಹಿಸಿದ್ದರು. ಸೋಮವಾರ 3ನೇ ದಿನ ಕಾರ್ಯಕ್ರದಮಲ್ಲಿ ವೈದ್ಯಕೀಯ ಕಾಲೇಜಿನ ಬಾಣಸಿಗರಿಗೆ ಪೌಷ್ಟಿಕತೆ ಮತ್ತು ಆರೋಗ್ಯಕರ ಆಹಾರ ಜಾಗೃತಿ ಕಾರ್ಯಾಗಾರನಡೆಯಿತು. ಈ ಕಾರ್ಯಕ್ರಮದಲ್ಲಿ 50 ಬಾಣಸಿಗರು ಭಾಗವಹಿಸಿದ್ದರು. ಅಡುಗೆ ಕೆಲಸಗಾರರಿಗೆ ಆರೋಗ್ಯಕರ ಆಹಾರದ ಮಹತ್ವದ ಬಗ್ಗೆ ಅರಿವು ಮೂಡಿಸಲು ಮತ್ತು ಬಾಣಸಿಗರಿಗೆ ಆರೋಗ್ಯಕರ ಆಹಾರ ತಯಾರಿಕೆಯ ಬಗ್ಗೆ ವಿದ್ಯಾರ್ಥಿಗಳಿಗೆ ತಿಳುವಳಿಕೆ ನೀಡಲಾಯಿತು. ಅಲ್ಲದೇ, ಕರಿದ ತಿಂಡಿಗಳ ಬದಲು ಕೆಲವು ಆರೋಗ್ಯಕರ ತಿಂಡಿ ಪಾಕವಿಧಾನಗಳನ್ನು ಬಾಣಸಿಗರೊಂದಿಗೆ ಹೇಳಿಕೊಡಲಾಯಿತು. 4 ದಿನದ ಕಾರ್ಯಕ್ರಮದಲ್ಲಿ ರೇಡಿಯೋ ಟಾಕ್- ಆರೋಗ್ಯಕರ ಜೀವನಕ್ಕಾಗಿ ಜೀವನಶೈಲಿ ಮಾರ್ಪಾಡುಗಳು, ಆರೋಗ್ಯಕರ ಜೀವನಕ್ಕಾಗಿ ಜೀವನಶೈಲಿಯ ಆಯ್ಕೆಗಳ ಬಗ್ಗೆ ಸಾಮಾನ್ಯ ಜನರಲ್ಲಿ ಅರಿವು ಮೂಡಿಸಲು ಡಾ. ಅನಿತಾ ತೇಲಿ ಅವರು ರೇಡಿಯೋ ಭಾಷಣ ಮಾಡಿದರು.

5ನೇ ದಿನದ ಕಾರ್ಯಕ್ರಮದ ಅಂಗವಾಗಿ ಹೃದಯ ಶಸ್ತ್ರಚಿಕಿತ್ಸೆ ರೋಗಿಗಳಿಗೆ ಸಿಟಿವಿಎಸ್ ವಿಭಾಗದ ಸಹಯೋಗದಲ್ಲಿ ಗುಂಪು ಸಮಾಲೋಚನೆ ನಡೆಸಲಾಯಿತು. ಈ ಸಂದರ್ಭದಲ್ಲಿ 20 ರೋಗಿಗಳು ತೆರೆದ ಹೃದಯ ಶಸ್ತ್ರಚಿಕಿತ್ಸೆಯ ನಂತರದ ಜೀವನಶೈಲಿಯ ಬದಲಾವಣೆಗಳ ಬಗ್ಗೆ ರೋಗಿಗಳಿಗೆ ಮಾಹಿತಿ ನೀಡಲಾಯಿತು. 6ನೇ ದಿನ ಆರೋಗ್ಯ ಜಾಗೃತಿ ಶಿಬಿರ ನಡೆಯಿತು. ವಿಭಾಗದಲ್ಲಿ ನಡೆದ ಈ ಕಾರ್ಯಕ್ರಮದಲ್ಲಿ ಪೂರ್ವ, ಪ್ಯಾರಾ, ಕಾಲೇಜು ಕಚೇರಿ, ವಿಶ್ವವಿದ್ಯಾಲಯದ ಕಚೇರಿ ಮತ್ತು ಐಟಿ ವಿಭಾಗಗಳಿಂದ 65 ಸಿಬ್ಬಂದಿ ಭಾಗವಹಿಸಿದ್ದರು. ದೇಹದ ಸಂಯೋಜನೆ ವಿಶ್ಲೇಷಣೆ, ಬಿಪಿ ಮತ್ತು ರಕ್ತದ ಸಕ್ಕರೆಯ ಮಾಪನ, ಬಿಎಂಐ ಮತ್ತು ಸೊಂಟದ ಸುತ್ತಳತೆ ಸೇರಿದಂತೆ ನಾನಾ ನಿಯತಾಂಕಗಳನ್ನು ಮಾಡಲಾಯಿತು. ಅಧಿಕ ರಕ್ತದೊತ್ತಡ, ಅಧಿಕ ಸಕ್ಕರೆ ಹಾಗೂ ದೇಹದ ಕೊಬ್ಬಿನಂಶದ ಬಗ್ಗೆ ಆರೋಗ್ಯ ಸಮಾಲೋಚನೆ ನಡೆಸಲಾಯಿತು. 7ನೇ ದಿನ ಮಹಿಳಾ ಸಿಬ್ಬಂದಿ ಮತ್ತು ವೈದ್ಯಕೀಯ ಸ್ನಾತಕೋತ್ತರ ವಿದ್ಯಾರ್ಥಿಗಳಿಗಾಗಿ ಪ್ಲ್ಯಾಂಕ್ ವ್ಯಾಯಾಮ ಕಾರ್ಯಾಗಾರವನ್ನು ನಡೆಸಲಾಯಿತು. 20 ಸಿಬ್ಬಂದಿ ಭಾಗವಹಿಸಿ ಈ ಕಾರ್ಯಾಗಾರದ ಲಾಭ ಪಡೆದರು. ಮಹಿಳೆಯರಿಗೆ ಕೋರ್ ಸ್ನಾಯು ಮತ್ತು ಕೆಳ ಬೆನ್ನಿನ ಬಲವರ್ಧನೆಯ ಬಗ್ಗೆ ಜ್ಞಾನವನ್ನು ಹೊರಹಾಕಲು ಪ್ಲ್ಯಾಂಕ್ ವ್ಯಾಯಾಮವನ್ನು ನಡೆಸಲಾಯಿತು. 8ನೇ ಮತ್ತು ಕೊನೆಯ ದಿನ ಡಾ. ಅನಿತಾ ತೇಲಿ ಅವರು ವಿಜಯಪುರದ ಸಂತೋಷ್ ಆಟೋ ವಿಂಗ್ಸ್ನ ಕಾರ್ಮಿಕರಿಗಾಗಿ ಆರೋಗ್ಯ ಭಾಷಣವನ್ನು ಮಾಡಿದರು. ಜೀವನಶೈಲಿ ಔಷಧದ ಆರು ಸ್ತಂಭಗಳ ಬಗ್ಗೆ ಅರಿವು ಮೂಡಿಸಿದರು. ಅಲ್ಲದೇ, ಸಮಗ್ರ ಆರೋಗ್ಯದ ಮಹತ್ವವನ್ನು ತಿಳಸಿದರು. ಈ ಕಾರ್ಯಕ್ರಮದಲ್ಲಿ 100 ಮಂದಿ ಭಾಗವಹಿಸಿದ್ದರು.

ಲೈಫಸ್ಟೈಲ್ ಮೆಡಿಸೀನ್ ಸಪ್ತಾಹ: ವಿಜಯಪುರದ ಬಿ.ಎಲ್.ಡಿ.ಇ ಡೀಮ್ಡ್ ವಿಶ್ವವಿದ್ಯಾಲಯದಲ್ಲಿ ಲೈಫ್ ಸ್ಟೈಲ್ ಮೆಡಿಸೀನ್ ಸಪ್ತಾಹದ ಅಂಗವಾಗಿ ನಡೆದ ಮೊದಲ ದಿನದ ಜನಜಾಗೃತಿ ಕಾರ್ಯಕ್ರಮದಲ್ಲಿ ಶ್ರೀ ಬಿ. ಎಂ. ಪಾಟೀಲ ಸೂಪರ್ ಸ್ಪೇಷಾಲಿಟಿ ಆಸ್ಪತ್ರೆಯ ವೈದ್ಯಕೀಯ ನಿರ್ದೇಶಕ ಡಾ. ವಿಜಯಕುಮಾರ ಕಲ್ಯಾಣಪ್ಪಗೊಳ, ಉಪಪ್ರಾಚಾರ್ಯೆ ಡಾ. ಸುಮಂಗಲಾ ಪಾಟೀಲ, ಡಾ. ಉದಯ ನುಚ್ಚಿ, ಪ್ರಾಧ್ಯಾಪಕರು, ವೈದ್ಯಕೀಯ ವಿದ್ಯಾರ್ಥಿಗಳು ಉಪಸ್ಥಿತರಿದ್ದರು.

2. ಲೈಫ,ಸ್ಟೈಲ್ ಮೆಡಿಸೀನ್ ಸಪ್ತಾಹ : ವಿಜಯಪುರದ ಬಿ.ಎಲ್.ಡಿ.ಇ ಡೀಮ್ಡ್ ವಿಶ್ವವಿದ್ಯಾಲಯದಲ್ಲಿ ಲೈಫ್ ಸ್ಟೈಲ್ ಮೆಡಿಸೀನ್ ಸಪ್ತಾಹದ ಅಂಗವಾಗಿ ನಡೆದ ಎಂಟನೇ ದಿನದ ಕಾರ್ಯಕ್ರಮದಲ್ಲಿ ಸಂತೋಷ ಅಟೋವಿಂಗ್ಸ್ ವ್ಯವಸ್ಥಾಪಕ ನಿರ್ದೇಶಕ ರಮೇಶ ಶಿರಾಡೋಣ, ಡಾ. ಅನಿತಾ ತೇಲಿ, ಫಿಜಿಯಾಲಜಿ ವಿಭಾಗದ ಸಿಬ್ಬಂದಿ, ವೈದ್ಯಕೀಯ ವಿದ್ಯಾರ್ಥಗಳು ಉಪಸ್ಥಿತರಿದ್ದರು.