ತಾಂಬಾ ಚೌಡೇಶ್ವರಿ ದೇವಿಯ ಜಾತ್ರಾ ಮಹೋತ್ಸವ
ಇಂಡಿ : ತಾಲೂಕಿನ ತಾಂಬಾ ಗ್ರಾಮದಲ್ಲಿ ಮಂಗಳವಾರ ಆರಾಧ್ಯ ದೇವತೆ ಚೌಡೇಶ್ವರಿ ದೇವಿಯ ಜಾತ್ರಾ ಮಹೋತ್ಸವವು ವಿಜೃಂಭಣೆಯಿಂದ ಜರುಗಿತು.
ಬೆಳಿಗ್ಗೆ ಆರಾಧ್ಯ ದೇವತೆ ಚೌಡೇಶ್ವರಿ ದೇವಿಯ ಮೂರ್ತಿಗೆ ಭಕ್ತರಿಂದ ವಿಶೇಷ ಸಲ್ಲಿಸಲಾಯಿತು. ಸಾಯಂಕಾಲ ಜಾತ್ರಾ ಮಹೋತ್ಸವದ ಅಂಗವಾಗಿ ವ್ರತಾಧಾರಿ ದೇವಸ್ಥಾನದಿಂದ ದೇವಿಯ ಮುಖವಾಡ ಕಟ್ಟಿಕೊಂಡು ಕೈಯಲ್ಲಿ ಖಡ್ಗ ಹಿಡಿದು ಗ್ರಾಮದ ಪ್ರಮುಖ ಬೀದಿಗಳಲ್ಲಿ ಭವ್ಯ ಮೆರವಣ ಗೆ ನಡೆಯಿತು. ಗ್ರಾಮದ ಮಾರುತೇಶ್ವರ ದೇವಸ್ಥಾನದ ಹತ್ತಿರ ಚೌಡೇಶ್ವರ ದೇವಿಯ ಕುಣ ತ ಮತ್ತು ಕೋಲಾಟ ಭಕ್ತರ ಮನಸ್ಸನ್ನು ಸೆಳೆಯಿತು.
ಈ ಅಪರೂಪದ ದೃಶ್ಯವನ್ನು ನೋಡಿ ಕಣ್ತುಂಬಿಕೊಳ್ಳಲು ನಾಡಿನ ನಾನಾ ಭಾಗದ ಭಕ್ತರು ತಮ್ಮ ಕೆಲಸ ಕಾರ್ಯಗಳ ಬದಿಗೊತ್ತಿ ಗ್ರಾಮಕ್ಕೆ ಆಗಮಿಸಿ ದೇವಸ್ಥಾನದಲ್ಲಿ ಕಿಕ್ಕಿರಿದ ಸಂಖ್ಯೆಯಲ್ಲಿ ಜಮಾಯಿಸಿದ್ದರು. ದೂರದಿಂದ ಬಂದ ಹಲವು ಭಕ್ತರು ಈ ದೃಶ್ಯವನ್ನು ತುದಿಗಾಲದ ಮೇಲೆ ನಿಂತು ವಿಕ್ಷಿಸಿದರು.
ಬಾಳಬಟ್ಟಲ ವಿಶಿಷ್ಟ ಆಚರಣೆ: ಗ್ರಾಮದ ಭೂತ ಪ್ರೇತಗಳ ಸಂಹಾರಕ್ಕಾಗಿ ಸೋಮವಾರ ದಿನ ವಿಶಿಷ್ಟ ಬಾಳಬಟ್ಟಲ ಆಚರಣೆ ನಡೆಯುತ್ತು. ಗ್ರಾಮದ ಎಲ್ಲ ಹಿರಿಕರ ಅಣತಿಯಂತೆ ಆಯ್ಕೆಯಾಗುವ ಕುಂಬಾರ ಸಮುದಾಯದ ಒಬ್ಬ ವಿವಾಹಿತ ಪುರುಷ ಉಪವಾಸ ವ್ರತಧಾರಿ ಇರುತ್ತಾನೆ. ತೆಲೆಗೆ ಎಣ ್ಣ, ಕುಂಕುಮ, ಭಂಡರ ಲೇಪಿತನಾಗಿ ದೇವಿಯ ಬಣ್ಣಬಣ್ಣದ ಉಡಿಗೆ ತೊಡುತ್ತಾರೆ. ಬಲಗೈಯಲ್ಲಿ ಖಡ್ಗ ಎಡಗೈಯಲ್ಲಿ ಸಕಲ ಮಂಗಲ್ಯ ವಸ್ತುಗಳು ಬೆಳ್ಳಿಯ ಬಾಳಬಟ್ಟಲನ್ನು ಹಿಡಿದು ಗ್ರಾಮದಲ್ಲೆಡೆ ಸಂಚರಿಸುತ್ತಾ ಈ ವ್ರತಧಾರಿಗೆ ಗೋಚರಿಸುವ ಭೂತ, ಪ್ರೇತ, ಪಿಶಾಚಿಗಳ ಚೇಷ್ಟೆ ಅಣಕನ್ನು ಪ್ರದರ್ಶಿಸುತ್ತ ದೇವಿ ಸಂಹಾರ ಮಾಡುತ್ತಾಳೆ.
ಚೌಡೇಶ್ವರಿ ದೇವಿ ಗ್ರಾಮದ ಭಕ್ತರ ಮನೆ ಮನೆಗಳಿಗೆ ತೆರಳಿ ಮುತ್ಯದೆಯರಿಂದ ಉಡಿ ತುಂಬಿಕೊಂಡು ಹರಕೆಗಳನ್ನು ಹೇಳಿ ಶುಭ ಹಾರೈಸಿ ದೇವಸ್ಥಾನಕ್ಕೆ ಆಗಮಿಸಿದಳು. ಈ ಜಾತ್ರಾ ಮಹೋತ್ಸವದಲ್ಲಿ ಗ್ರಾಮದ ಸರ್ವ ಧರ್ಮದವರು ಭಾಗವಹಿಸಿ ದೇವಿ ಚೌಡೇಶ್ವರಿ ತಾಯಿ ಆರ್ಶಿರ್ವಾದ ಪಡೆದುಕೊಂಡು ಹೋಗುವ ದೃಶ ಕಂಡು ಬಂದಿತು.
ತಾಂಬಾ: ಗ್ರಾಮದ ಚೌಡೇಶ್ವರಿ ದೇವಿಯ ಮುಖವಾಡ ಕಟ್ಟಿಕೊಂಡು ಗ್ರಾಮದ ಪ್ರಮುಖ ಬೀದಿಗಳಲ್ಲಿ ಭವ್ಯ ಮೆರವಣೆಗೆ ವಿಜೃಂಭಣೆಯಿಂದ ನಡೆಸಲಾಯಿತು.
