ಮಕ್ಕಳಲ್ಲಿ ಸಾಹಿತ್ಯದ ಅಭಿರುಚಿ ಶಾಲೆಗಳಿಂದ ನೀಡಬೇಕಿದೆ.

ಮುದ್ದೇಬಿಹಾಳ; ಮುದ್ದೇಬಿಹಾಳ ತಾಲೂಕ ಕನ್ನಡ ಸಾಹಿತ್ಯ ಪರಿಷತ್ತು ನಿಂದ ಕನ್ನಡ ರಾಜ್ಯೋತ್ಸವ ಅಂಗವಾಗಿ ಸೋಮವಾರ ಸಂಜೆ ಪಟ್ಟಣದ ಬೆಂಗಳೂರು ಬೇಕರಿ ಸಭಾ ಭವನದಲ್ಲಿ ವಿಶೇಷವಾಗಿ ಕನ್ನಡ ಗೀತ ಗಾಯನ ಮತ್ತು ಕವಿಗಳಿಂದ ಕವನ ವಾಚನ ಕಾರ್ಯಕ್ರಮ ಗಮನಸೆಳೆಯಿತು ಕಾರ್ಯಕ್ರಮದಲ್ಲಿ  ವಚನ ಗಾಯನ,ಭಾವಗೀತೆ,ಸಂಪ್ರದಾಯ ಪದ,ಹಂತಿಪಗಳು ಮೂಲ ಕನ್ನಡ ನೆಲದ ಗ್ರಾಮ್ಯಸೂಗಡು ಕನ್ನಡ ಸಾಂಸ್ಕೃತಿಕ ಬಿಂಬಿಸಿತು.

ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿರ  ಸರಕಾರಿ ಪದವಿ ಮಹಾವಿದ್ಯಾಲಯಯದ ಪ್ರಾಚಾರ್ಯ ಶರಣು ಪಾಟೀಲ ಕನ್ನಡಕ್ಕೆ ಬಂದ ಜ್ಞಾನಪೀಠ ಪ್ರಶಸ್ತಿಗಳಲ್ಲಿ 5 ಪ್ರಶಸ್ತಿ ಇಂಗ್ಲಿಷ್ ಪ್ರೋಪೆಸರ್ ಗಳೇ ಪಡೆದಿದ್ದಾರೆ ಇಂಗ್ಲಿಷಯನ್ನು ಬೈಯುವುದರಿಂದ ಯಾವ ಪ್ರಯೋಜನವಿಲ್ಲ ಕನ್ನಡ ಬೆಳುಸುವ ಚಿಂತನೆ ಇರಲಿ ಇಂಗ್ಲಿಷ್ ಭಾಷೆಯನ್ನು ಮೆಟ್ಟಲಾಗಿಸಿಕೂಂಡು ಕನ್ನಡ ಭಾಷೆ ಕಟ್ಟೋಣ ಇಂಗ್ಲಿಷ್ ಭಾಷೆ ಪಸರಿಸಲು ಈಸ್ಟ್ ಇಂಡಿಯಾ ಕಂಪನಿ ಕ್ರೈಸ್ತ ಮಶನರಿಗಳು ಕಾರಣ  ಕನ್ನಡ ಮಡವಂತಿಕೆಯ ಭಾಷೆಯಾಗದೆ ಅದನ್ನು ಹೆಚ್ಚು ಹೆಚ್ಚು ಬಳಸಬೇಕು ಎಂದರು.

ಹಿರಿಯ ಸಾಹಿತಿ ಬಿ ಎಂ ಹಿರೇಮಠ ಮಾತನಾಡಿ ಇಂದಿನ   ಎಐ ಯುಗದಲ್ಲಿ ಇಂಗ್ಲಿಷ್ ಅನಿವಾರ್ಯ ಕನ್ನಡ ಹೃದಯದ ಭಾಷೆ ಇಂಗ್ಲಿಷ್ ಹೊಟ್ಟೆ ತುಂಬಿಸುವ ಭಾಷೆಯಾಗಬೇಕು ತಾಲೂಕ ಕಸಾಪ ದತ್ತಿ ಕಾರ್ಯಕ್ರಮಗಳನ್ನು ಮುಂದುವರೆಸಿಕೊಂಡು ಹೋಗಬೇಕೆಂದು ಒತ್ತಾಯಿಸಿದರು.

ತಾಲೂಕ ಕಸಾಪ ಅಧ್ಯಕ್ಷ ಕಾಮರಾಜ ಬಿರಾದಾರ ಮಾತನಾಡಿ ಕನ್ನಡ ಭಾಷೆ ಇಂದು ಕನ್ನಡ ಶಾಲೆಯ ಶಿಕ್ಷಕರಿಂದ ಉಳಿದಿದೆ

ಹಿಂದಿ ಇಂಗ್ಲಿಷ್ ಶಿಕ್ಷಕರು ಸಹ ಕನ್ನಡ ಸಾಹಿತ್ಯದ ಮೂಲಕ ಕನ್ನಡ ಬೆಳೆಸುವ ಕೆಲಸವನ್ನು ಮಾಡುತ್ತಿದ್ದಾರೆ ಬರಲಿರುವ ಪಿಳಿಗೆ ಸಾಹಿತ್ಯ ಸಂಕಲನ ಅಂತ ಬರುವ ಲಕ್ಷಣಗಳು ಇಲ್ಲ ಮಕ್ಕಳಲ್ಲಿ ಸಾಹಿತ್ಯದ ಅಭಿರುಚಿ ಶಾಲೆಗಳಿಂದ ನೀಡಬೇಕಿದೆ ಎಂದರು.

ಪ್ರಾಸಾವಿಕವಾಗಿ ಮಾತನಾಡಿದ ವೈ ಹೆಚ್ ವಿಜಯಕರ ಕನ್ನಡ ಶಾಲೆಗಳು ಮುಚ್ಚುವ ದುಸ್ಥಿತಿಗೆ ಸರಕಾರಗಳು ಮುಂದಾಗಿರುವುದು ದುರಂತವೆಂದರು.

ಸಂಗಮೇಶ ಶಿವಣಗಿ ಬಳಗ ವಚನ ಗಾಯನ, ಶ್ರೀಮತಿ ಕಾಳಮ್ಮ‌ ಪತ್ತಾರ ಭಾವಗೀತೆ,  ಶ್ರೀಮತಿ ಮಮ್ತಾಜಬಿ ಇನಾಮದಾರ ಸಂಗಡಿಗರು ಸಂಪ್ರದಾಯ ಪದ, ಮರೆಪ್ಪ ವಾಳೆದವರ ಹಂತಿ ಪದ ಹಾಡಿದರು.

ಕವನ ವಚನವನ್ನು ; ಹೆಚ್ ಆರ್ ಬಾಗವಾನ, ಎಂ ಹೆಚ್ ಹಾಲ್ಯಾಳ, ಶಿವಪುತ್ರ ಅಜಮನಿ, ಸುಮಿತ್ರಾ ಗಡಿಯಪ್ಪನವರ,ಅಂಬಿಕಾ ಕರಪ್ಪಗೋಳ, ಸಿದ್ದನಗೌಡ ಬಿಜ್ಜೂರ, ರುದ್ರೇಶ ಕಿತ್ತೂರ, ವಿಜಯಮಹಾಂತೇಶ ಬಂಗಾರಗುಂಡ, ಪ್ರಭುಗೌಡ ರಾಯರೆಡ್ಡಿ, ಬಸವರಾಜ ನಾಗೂರ,ಹೇಮಾ ಬಿರಾದಾರ,ಅನಿಲ್ ಕುಮಾರ್ ತೇಲಂಗಿ, ಸಿದ್ದನಗೌಡ ಕಾಶಿನಕುಂಟೆ, ಗಂಪಾ, ಪ್ರಕಾಶ ನರಗುಂಡ ‌ಬಸವರಾಜ ಹಾವೇರಿ,ಉದಯಸಿಂಗ್ ರಾಯಚೂರು ಮಾಡಿದರು.

ಕಾರ್ಯಕ್ರಮದಲ್ಲಿ ಆದರ್ಶ ಶಿಕ್ಷಕ ಪ್ರಶಸ್ತಿ ಪುರಸ್ಕೃತ ಪ್ರಭುಗೌಡ ರಾಯರೆಡ್ಡಿ,ಫರಿದಾ ಬಾಗವಾನ, ಶೈಲಾ ಗೂಂಗಡಿ ಅವರನ್ನು ಗೌರವಿಸಲಾಯಿತು.

ಸಿಆರ್ ಪಿ ಗುಂಡು ಚವ್ಹಾಣ ಸ್ವಾಗತಿಸಿದರು ಕಸಾಪ ಗೌರವಕಾರ್ಯದರ್ಶಿ ಸಿದ್ದನಗೌಡ ಬಿಜ್ಜೂರ ನಿರೂಪಿಸಿ ವಂದಿಸಿದರು

ಕಾರ್ಯಕ್ರಮದಲ್ಲಿ ಅಶೋಕ ಮಣಿ ಸೇರಿದಂತೆ ಪಟ್ಟಣದ ಹಿರಿಯ ಸಾಹಿತಿಗಳು ಜನಪದ ,ಶರಣ ಸಾಹಿತ್ಯ ಪರಿಷತ್ತಿನ ,ಮನೆಯಲ್ಲಿ ಮಹಾಮನೆ ಸದಸ್ಯರು ಕನ್ನಡ ಅಭಿಮಾನಿಗಳು ಭಾಗವಹಿಸಿದ್ದರು.