ನ್ಯಾಯಾಲಯಕ್ಕೆ ಕರೆದುಯ್ಯುವ ವೇಳೆ ವಿಚಾರಣಾಧೀನ ಕೈದಿಗಳು ಪಾರಾರಿ:

ರಾಯಚೂರು: ನ್ಯಾಯಾಲಯಕ್ಕೆ ಕರೆದೊಯ್ಯುವ ವೇಳೆ ಮೂವರು ವಿಚಾರಣಾಧೀನ ಕೈದಿಗಳು ಪರಾರಿಯಾದ ಘಟನೆ ರಾಯಚೂರು ನಗರದ ನ್ಯಾಯಾಲಯದ ಬಳಿ ಜರುಗಿದೆ.

ರಾಯಚೂರು ಜಿಲ್ಲೆಯ ಮಾನ್ವಿ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ದಾಖಲಾಗಿದ್ದ ಕೊಲೆ ಪ್ರಕರಣದ ಆರೋಪಿಗಳನ್ನು ನಗರದ 2ನೇ ಜಿಲ್ಲಾ ಸತ್ರ ನ್ಯಾಯಾಲಯದಲ್ಲಿದ್ದ ಪ್ರಕರಣದ ವಿಚಾರಣೆ ನಡೆಯುತ್ತಿತ್ತು. ಇನ್ನು ನ್ಯಾಯಾಧೀಶರ ಮುಂದೆ ವಿಚಾರಣೆಗೆ ಹಾಜರುಪಡಿಸುವ ಮುನ್ನ ಕೈದಿಗಳು ಪರಾರಿಯಾಗಿದ್ದರೆ. 2018 ರಲ್ಲಿ ಕೊಲೆ ಪ್ರಕರಣದಲ್ಲಿ ಮಹಾರಾಷ್ಟ್ರ ಮೂಲದ ನಾಲ್ವರನ್ನು ಬಂಧಿಸಲಾಗಿತ್ತು. ಓರ್ವ ಕೈದಿ ಈಗಾಗಲೇ ಸಾವನ್ನಪ್ಪಿದ್ದು ಇನ್ನುಳಿದವರನ್ನು, ನ್ಯಾಯಾಲಯಕ್ಕೆ ಹಾಜರುಪಡಿಸಲು ಕರೆದೊಯ್ಯಲಾಗುತ್ತಿತ್ತು. ರಾಜೇಶ ಖನ್ನಾ ಮತ್ತು ಅರ್ಜುನ ಭೊಸ್ಲೆ, ರಾಜೇಶ ಎಂಬ ಮೂವರು ಪರಾರಿಯಾದ ಕೈದಿಗಳು ಎನ್ನಲಾಗುತ್ತಿದೆ. ಈ ಮೂವರು ಜಿಲ್ಲಾ ಕೇಂದ್ರ ಕಾರಾಗೃಹದಲ್ಲಿದ್ದರು. ಇಂದು ನ್ಯಾಯಾಲಯದಲ್ಲಿ ಕೈದಿಗಳನ್ನು ವಿಚಾರಣೆಗೆ ಕರೆತರಲಾಗಿತ್ತು. ಈ ವೇಳೆ ಕೈದಿಗಳು ಪರಾರಿಯಾಗಿದ್ದಾರೆ.