ಇಂಡಿ : ಕಳ್ಳರು ಕೈಚಳಕ ತೋರಿಸಿ ಸರಣಿ ಅಂಗಡಿಗಳ ಕಳ್ಳತನಗೈದಿರುವ ಘಟನೆ ವಿಜಯಪುರ ಜಿಲ್ಲೆಯ ಇಂಡಿ ತಾಲ್ಲೂಕಿನ ನಾದ ಕೆಡಿ ಗ್ರಾಮದಲ್ಲಿ ನಡೆದಿದೆ. ಶಿವಯ್ಯ ಬರಡೋಲರ ಜುವಾರಿ ಫಾರ್ಮಹಬ್ ಲಿಮಿಟೆಡ್ ಜೈಕಿಸಾನ್ ಅಂಗಡಿಯಲ್ಲಿ 1 ಗೋಗ್ರೆಜ್, ಲಾಕರ್‌ನಲ್ಲಿ 1145 ರೂಪಾಯಿ ನಗದು, ವಿನಾಯಕ ಕೋಳಿಯವರ ಸಾಯಿ ಬೇಕರಿ ಹಾಗೂ ಪಾನ್ ಶಾಪ್ ಅಂಗಡಿಯಲ್ಲಿ 2 ದೊಡ್ಡ ಆರ್‌‌ಎಮ್‌‌ಡಿ ಬಾಕ್ಸ್, 5 ಲೈಟ್ ಕಿಂಗ್ ಸಿಕ್ರೇಟ್ ಬಾಕ್ಸ್, ಸ್ಮಾಲ್ ಸಿಕ್ರೇಟ್ ಬಾಕ್ಸ್, ಹೀಗೆ 5 ಸಾವಿರ ನಗದು ದೋಚಿದ್ದಾರೆ. ದೇಸಾಯಿ ಅಟೋಮೋಬೈಲ್ಸ್‌‌ದಲ್ಲಿ ಹಣದ ಲಾಕರ್ ಒಡೆದಿದ್ದಾರೆ.
ಇನ್ನು ಅನತಿ ದೂರದಲ್ಲಿರುವ ಪೊಲೀಸ ಚೌಕ್ ಹತ್ತಿರವೇ ಈ ಸರಣಿ ಅಂಗಡಿಗಳ ಕಳ್ಳತನ ನಡೆದಿದೆ. ಅದಕ್ಕಾಗಿ ತಕ್ಷಣವೇ ಕಳ್ಳತನಗೈದಿರುವ ಕಳ್ಳರನ್ನು ಬಂಧಿಸುವಂತೆ ಸ್ಥಳೀಯರು ಆಗ್ರಹಿಸಿದರು. ಇಂಡಿ ಗ್ರಾಮೀಣ ಪೊಲೀಸ ಠಾಣಾ ವ್ಯಾಪ್ತಿಯಲ್ಲಿ ಘಟನೆ ನಡೆದಿದೆ.
