ಇಂಡಿಯಲ್ಲಿ ಶ್ರೀಗಂಧ ಜಪ್ತಿ..! 

ಇಂಡಿ : ಅಕ್ರಮ ಶ್ರೀಗಂಧ ತುಂಡುಗಳನ್ನು ಸಾಗಣೆ ಮಾಡುತ್ತಿದ್ದುದನ್ನು ಪತ್ತೆ ಮಾಡಿರುವ ಪೊಲೀಸರು, 25,500 ರೂ. ಶ್ರೀಗಂಧ ಹಾಗೂ ಬೈಕ್ ವಶಪಡಿಸಿಕೊಂಡಿದ್ದಾರೆ.

ಶ್ರೀಗಂಧ ಸಾಗಣೆ ಮಾಡುತ್ತಿದ್ದ ಆರೋಪಿಗಳು ಬೈಕ್ ಬಿಟ್ಟು ಪರಾರಿಯಾಗಿದ್ದಾರೆ. ಸರಕಾರದ ಪರವಾನಗಿ – ಯಿಲ್ಲದೇ ಆರೋಪಿಗಳು ಬೈಕ್‌ನಲ್ಲಿ ಶ್ರೀಗಂಧ ಕಟ್ಟಿಗೆ ತುಂಡುಗಳನ್ನು ಸಾಗಣೆ ಮಾಡುತ್ತಿದ್ದಾರೆಂಬ ಖಚಿತ ಮಾಹಿತಿ ಆಧರಿಸಿ ಪೊಲೀಸರು ದಾಳಿ ಮಾಡಿದ್ದಾರೆ. ಸಂಗೋಗಿ ಗ್ರಾಮದ ಬಳಿಯಿರುವ ಹಿರೇಮಸಳಿ ಕ್ರಾಸ್ ಬಳಿ ಪೊಲೀಸರು ಬರುತ್ತಿದ್ದಾರೆಂದು ತಿಳಿದು ಆರೋಪಿಗಳು ಪರಾರಿಯಾಗಿದ್ದಾರೆ. ಆರೋಪಿಗಳಿಂದ 12.750 ಕಿಗ್ರಾ ಶ್ರೀಗಂಧ ಕಟ್ಟಿಗೆ ಹಾಗೂ ಬೈಕ್ ವಶಪಡಿಸಿಕೊಂಡಿದ್ದಾಗಿ ಪ್ರಕರಣ ದಾಖಲಿಸಿಕೊಂಡಿರುವ ಇಂಡಿ ಗ್ರಾಮಾಂತರ ಠಾಣೆ ಪೊಲೀಸರು ತಿಳಿಸಿದ್ದಾರೆ.