ಲೆಜೆಂಡ್ ಲೀಗ್ ನ ಪ್ರಶಸ್ತಿ ಮುಡಿಗೇರಿಸಿದ ರೆಬಲ್ ಸ್ಟಾರ್ ತಂಡ
ಹನೂರು: ಪಟ್ಟಣದ ಶ್ರೀ ಮಹದೇಶ್ವರ ಕ್ರೀಡಾಂಗಣದಲ್ಲಿ 24/8/24 ಮತ್ತು 25/8/24 ರ ಶನಿವಾರ ಹಾಗೂ ಭಾನುವಾರ 40ವರ್ಷ ಮೇಲ್ಪಟ್ಟ ಹಿರಿಯ ಕ್ರಿಕೆಟ್ ಆಟಗಾರರ ಸಮಾಗಮ ಕಾರ್ಯಕ್ರಮ ಹಾಗೂ ಕ್ರಿಕೆಟ್ ಪಂದ್ಯಾವಳಿಯನ್ನು ಆಯೋಜಿಸಿದ್ದು ಈ ಕ್ರೀಡಾಕೂಟದಲ್ಲಿ ರೆಬಲ್ ಸ್ಟಾರ್ ತಂಡವು ಪ್ರಶಸ್ತಿಯನ್ನು ಮುಡಿಗೆರಿಸಿತು.
ಈ ಕ್ರೀಡಾಕೂಟದಲ್ಲಿ ಮುಖ್ಯ ಅತಿಥಿಯಾಗಿ ಆಗಮಿಸಿದ್ದ ಎಸಿಪಿ ನಾಗೇಂದ್ರ ರವರು ಮಾತನಾಡಿ ನಮ್ಮ ಎಲ್ಲಾ ಸ್ನೇಹಿತರು ಈ ಕ್ರಿಕೆಟ್ ಪಂದ್ಯಾವಳಿಗೆ ಪಾಲ್ಗೊಳ್ಳುತ್ತಿರುವುದು ಸಂತೋಷದ ವಿಷಯವಾಗಿದೆ. ಈ ನೆಪದಲ್ಲಾದರೂ ನಮ್ಮ ಹಳೆಯ ಸ್ನೇಹಿತರನ್ನು ಭೇಟಿಯಾದದ್ದು ನನಗೆ ಸಂತೋಷವಾಗಿದೆ. ಈ ಕ್ರೀಡಾಕೂಟದಲ್ಲಿ ಪಾಲ್ಗೊಳ್ಳಲು ಸ್ನೇಹಿತರು ರಾಜ್ಯ ಅಲ್ಲದೆ ವಿದೇಶದಿಂದ ಪಾಲ್ಗೊಂಡಿರುವುದು ವಿಶೇಷವಾಗಿದೆ ಎಂದು ತಿಳಿಸಿದರು.
ಲೆಜೆಂಟ್ ಲೀಗ್ ನ ಮೊದಲನೇ ಬಹುಮಾನವನ್ನ ಆನಂದ್ ಕುಮಾರ್ ನೇತೃತ್ವದ ರೆಬಲ್ ಸ್ಟಾರ್ ತಂಡ ಪ್ರಥಮ ಬಹುಮಾನ ಪಡೆದರೆ, ಬಾಬು ನೇತೃತ್ವದ ಹನೂರು ವಾರಿಯರ್ಸ್ ತಂಡವು ದ್ವಿತೀಯ ಬಹುಮಾನವನ್ನು ಪಡೆದುಕೊಂಡಿತು. ಫೈನಲ್ ಪಂದ್ಯದ ಪಂದ್ಯ ಶ್ರೇಷ್ಠ ಪ್ರಶಸ್ತಿಯನ್ನು ರಿಯಾಜ್ ಪಡೆದುಕೊಂಡರು. ಈ ಟೂರ್ನಿಯಾ ಸರಣಿ ಶ್ರೇಷ್ಠ ಸುಜಯ್, ಉತ್ತಮ ಬ್ಯಾಟ್ಸ್ಮನ್ ಶಶಿ, ಉತ್ತಮ ಬೋಲರ್ ಅಶೋಕ್, ಹಾಗೂ ಉತ್ತಮ ಫೀಲ್ಡರ್ ಸಂತೋಷ್ ಪ್ರಶಸ್ತಿಯನ್ನು ಪಡೆದುಕೊಂಡರು.
ಈ ಸಂದರ್ಭದಲ್ಲಿ ಮಂಜೇಶ್, ಗಂಗಣ್ಣ, ಲಾಯರ್ ಪ್ರಕಾಶ್, ಹಾಗೂ ಆಯೋಜಕರಾದ ಲಿಂಗರಾಜು, ಕುಮಾರಸ್ವಾಮಿ, ಶಶಿ ,ನಿಂಗರಾಜು, ನಾಗರಾಜ್ ಹಾಗೂ ಎಲ್ಲಾ ತಂಡದ ಆಟಗಾರರು ಹಾಜರಿದ್ದರು.
ವರದಿ:ಚೇತನ್ ಕುಮಾರ್ ಎಲ್,ಚಾಮರಾಜನಗರ ಜಿಲ್ಲೆ
