ವಿಜಯಪುರ : ಬಡವರಿಗೆ ಒಳ್ಳೆಯ ಆಗುವ ಬಜೆಟ್ ಸಿಎಂ ಬೊಮ್ಮಾಯಿ ನೀಡ್ತಾರೆ. ಚುನಾವಣೆ ಇರೋದಕ್ಕೆ ಬಜೆಟ್ ಮಾಡ್ತಾ ಇದ್ದಾರೆ ಎಂದು ವಿಜಯಪುರದಲ್ಲಿ ನಡೆದ ಮಾಧ್ಯಮಗೋಷ್ಠಿಯಲ್ಲಿ ಗುರುವಾರ ಸಂಸದ ರಮೇಶ ಜಿಗಜಿಣಗಿ ಹೇಳಿದರು. ಎಲ್ಲ ರಾಜ್ಯದಲ್ಲಿ ಇಂತಹ ಬಜೆಟ್ ಇರುವುದು ಸಾಮಾನ್ಯ. ಒಳ್ಳೆಯ ಬಜೆಟ್ ಮಂಡನೆ ಆಗುವ ವಿಶ್ವಾಸ ಇದೆ. ಚುನಾವಣೆ ವರ್ಷದಲ್ಲಿ ಚುನಾವಣೆ ಬಜೆಟ್ ಮಂಡನೆ ಆಗುತ್ತದೆ. ಅಲ್ಲದೇ, ರಾಜ್ಯದಲ್ಲಿ ದಲಿತ ಸಿಎಂ ಆಗೋದು ಪಕ್ಕಾ .ಒಂದಿಲ್ಲ ಒಂದು ದಿನ ದಲಿತ ಸಿಎಂ ಆಗ್ತಾರೆ ಎಂದರು.
ದ್ರಾಕ್ಷಿ ಪ್ರದರ್ಶನ ಹಾಗೂ ಮಾರಾಟ ಮೇಳವನ್ನು ಸಂಸದ ರಮೇಶ ಜಿಗಜಿಣಗಿ ಉದ್ಘಾಟಿಸಿದರು. ವಿಜಯಪುರ ನಗರದ ತೋಟಗಾರಿಕೆ ಇಲಾಖೆಯ ಆವರಣದಲ್ಲಿ ಗುರುವಾರ ರಿಬ್ಬನ್ ಕತ್ತರಿಸುವ ಮೂಲಕ ಸಂಸದ ಜಿಗಜಿಣಗಿ ಚಾಲನೆ ನೀಡಿದರು. ಅಲ್ಲದೇ, ತೋಟಗಾರಿಕೆ ಇಲಾಖೆಯಿಂದ ಸಂಸದ ಜಿಗಜಿಣಗಿ, ಡಿಸಿ ದಾನಮ್ಮನವರ ದ್ರಾಕ್ಷಿ ಕುರಿತು ಮಾಹಿತಿ ಪಡೆದುಕೊಂಡರು. ಅಲ್ಲದೇ, ವಿವಿಧ ತಳಿಗಳ ದ್ರಾಕ್ಷಿ ಸವಿದರು. ಈ ವೇಳೆ ಜಿಲ್ಲಾ ಪಂಚಾಯತ ಸಿಇಓ ರಾಹುಲ್ ಶಿಂಧೆ ಸೇರಿದಂತೆ ಅಧಿಕಾರಿಗಳು ಉಪಸ್ಥಿತರಿದ್ದರು.
