ಗಾಂಜಾ ಮಾರಾಟ ವ್ಯಕ್ತಿಯ ಬಂಧನ
ಹನೂರು: ತಾಲೂಕಿನ ಶೆಟ್ಟಳ್ಳಿ ಗ್ರಾಮದ ಶಿವಕುಮಾರ( ಶಿವು ಜ್ಯೂಸ್) ಒಣಗಾಂಜಾ ಸಾಗಣಿಕೆ ಮಾಡುತ್ತಿದ್ದ ವ್ಯಕ್ತಿಯೊಬ್ಬನನ್ನು ರಾಮಾಪುರ ಠಾಣೆ ಪೊಲೀಸರು ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ.
ಶೆಟ್ಟಳ್ಳಿ ಗ್ರಾಮದ ಶಿವಕುಮಾರ ಬಿನ್ ಮುನಿಸ್ವಾಮಿ ಶೆಟ್ಟಿ ಬಂಧಿತ ಆರೋಪಿಯಾಗಿದ್ದಾನೆ. ಶೆಟ್ಟಳ್ಳಿ ಗ್ರಾಮದ ಶಿವಕುಮಾರ ಒಣಗಾಂಜಾ ಮಾರಾಟಮಾಡಲು ಸಾಗಣಿಕೆ ಮಾಡುತ್ತಿದ್ದ ಬಗ್ಗೆ ದೊರೆತ ಖಚಿತ ಮಾಹಿತಿ ಮೇರೆಗೆ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಪದ್ಮಿನಿ ಸಾಹು ಹಾಗೂ ಪೊಲೀಸ್ ಉಪಾಧ್ಯಕ್ಷರು ಕೊಳ್ಳೇಗಾಲ ಉಪ ವಿಭಾಗ ಮತ್ತು ಡಿ ವೈ ಎಸ್ ಪಿ ಮಾರ್ಗದರ್ಶನದಲ್ಲಿ ರಾಮಾಪುರ ಪೊಲೀಸ್ ಠಾಣೆಯ ಉಪ ನಿರೀಕ್ಷಕ (ಪಿ ಎಸ್ ಐ) ರಾಧಾ ಅವರ ನೇತೃತ್ವದಲ್ಲಿ ಹಾಗೂ ಸಿಬ್ಬಂದಿ ವರ್ಗದವರು ದಾಳಿ ಮಾಡಿದಾಗ ಕುರಟ್ಟಿ ಹೊಸೂರು ಗ್ರಾಮದ ಕಡೆಯಿಂದ ಒಡಕೆಹಳ್ಳ ಗ್ರಾಮದ ಮುಖಾಂತರ ಮಲೆ ಮಾದೇಶ್ವರ ಬೆಟ್ಟದ ಕಡೆಗೆ ಒಣಗಾಂಜಾ ಮಾರಾಟ ಮಾಡಲು ಸಾಗಾಣಿಕೆ ಮಾಡುತ್ತಿರುವುದು ಪತ್ತೆ ಹಚ್ಚಲಾಯಿತು.
940ಗ್ರಾಂ ಗಾಂಜಾ ಹಾಗೂ ಆರೋಪಿ ಶಿವಕುಮಾರ (ಶಿವು ಜ್ಯೂಸ್) ನನ್ನು ವಶಕ್ಕೆ ಪಡೆದು ಪ್ರಕರಣ ದಾಖಲಿಸಿಕೊಂಡು ಮುಂದಿನ ಕ್ರಮ ಕೈಗೊಂಡಿದ್ದಾರೆ.
ದಾಳಿಯಲ್ಲಿ ರಾಮಾಪುರ ಪೊಲೀಸ್ ಸಿಬ್ಬಂದಿ ವರ್ಗದವರಾದ ಸಿದ್ದೇಶ್, ನಾಗೇಂದ್ರ,ಮಹೇಂದ್ರ, ಮಂಜು, ಉಪಸ್ಥಿತರಿದ್ದರು.
