ಮಡಿವಾಳ ಜನಾಂಗದ ಬೇಡಿಕೆಗೆ ಸಕಾರಾತ್ಮಕ ಸ್ಪಂದನೆ; ಶಾಸಕ ಎಮ್ ಆರ್ ಮಂಜುನಾಥ.
ಮಡಿವಾಳ ಜನಾಂಗದ ಮುಖಂಡರುಗಳು ಸಮುದಾಯ ಭವನ ನಿರ್ಮಾಣಕ್ಕೆ ಶಾಸಕ ಎಂಆರ್ ಮಂಜುನಾಥ್ ರವರಿಗೆ ಮನವಿ ಸಲ್ಲಿಸಿದರು.
ಹನೂರು : ಪಟ್ಟಣದ ಶಾಸಕ ಎಂ ಆರ್ ಮಂಜುನಾಥ್ ಅವರ ಕಛೇರಿಯಲ್ಲಿ ತಾಲೂಕು ಮಡಿವಾಳ ಸಮುದಾಯದ ಮುಖಂಡರಿಂದ ಶಾಸಕರಿಗೆ ಸನ್ಮಾನಿಸಿ ಗೌರವಿಸಿದರು. ತಾಲೂಕು ಅಧ್ಯಕ್ಷ ವಿಜಯಕುಮಾರ್ ಮಾತನಾಡಿದರು.
ಹನೂರು ತಾಲೂಕಿನಲ್ಲಿ ಮಡಿವಾಳ ಸಮುದಾಯದ ಜನರು ಬಡತನ ರೇಖೆಗಿಂತ ಕೆಳಗಿರುವ ಜನಾಂಗದವರಿಗೆ ಪಟ್ಟಣದಲ್ಲಿ ಸಮುದಾಯ ಭವನ ನಿರ್ಮಾಣ ಮಾಡಿಕೊಳ್ಳಲು ನಿವೇಶನ 10 ಸೆಂಟ್ ಇದೆ. ಭವನ ನಿರ್ಮಾಣ ಮಾಡಿಕೊಳ್ಳಲು ಅನುದಾನ ನೀಡಬೇಕು ಈ ಹಿಂದೆ ಇದ್ದಂತಹ ಹಲವಾರು ಬಾರಿ ಮಾಜಿ ಶಾಸಕರಿಗೆ ಭವನ ನಿರ್ಮಾಣ ಮಾಡಲು ಮನವಿ ಸಲ್ಲಿಸಿದ್ದರು ಸಹ ಯಾವುದೇ ಪ್ರಯೋಜನವಾಗಿಲ್ಲ ನೂತನವಾಗಿ ಹನೂರು ಕ್ಷೇತ್ರದ ಶಾಸಕರಾಗಿ ಎಂ ಆರ್ ಮಂಜುನಾಥ್ ಅವರು ಕಡು ಬಡವರ ದೀನದಲಿತರ ಪರವಾಗಿರುವ ಶಾಸಕರು ಮಡಿವಾಳ ಸಮುದಾಯದವರ ಭವನವನ್ನು ನಿರ್ಮಾಣ ಮಾಡಿಕೊಳ್ಳಲು ಅನುದಾನ ನೀಡುವಂತೆ ಮನವಿ ಮಾಡಲಾಯಿತು.
ಶಾಸಕ ಎಂ ಆರ್ ಮಂಜುನಾಥ್ ಮಾತನಾಡಿ ತಾಲೂಕಿನ ಮಡಿವಾಳ ಸಮುದಾಯದ ಜನಾಂಗದವರಿಗೆ ಬೇಕಾಗಿರುವ ಸಮುದಾಯ ಭವನಕ್ಕೆ ಅನುದಾನ ದೊರಕಿಸಿಕೊಡಲು ಕ್ರಮವಹಿಸಲಾಗುವುದು. ಜೊತೆಗೆ ಇನ್ನೂ ಹೆಚ್ಚಿನ ಮೂಲಭೂತ ಸೌಕರ್ಯಗಳಿಗೂ ಸ್ಪಂದಿಸುವುದಾಗಿ ಶಾಸಕರು ಸಮುದಾಯ ಮುಖಂಡರಿಗೆ ಭರವಸೆ ನೀಡಿದರು.
ಈ ಸಂದರ್ಭದಲ್ಲಿ ಮಡಿವಾಳ ಸಮುದಾಯದ ಕಾರ್ಯದರ್ಶಿ ಕೃಷ್ಣ ಮುಖಂಡರಾದ ರಮೇಶ್, ಮೋಹನ್, ರುದ್ರಶಕ್ತಿ, ನಂದಿ, ಸಿದ್ದರಾಜು, ಗೋವಿಂದ , ಶಾಂತ ಮಹದೇವ ಶೆಟ್ಟಿ ಇನ್ನು ಮುಂತಾದ ಮುಖಂಡರು ಹಾಜರಿದ್ದರು.
