Voice of Janata News Desk
ICC ODI World Cup 2023: ಅಪಘನ್ ವಿರುದ್ಧ ಕಿವೀಸ್ ಭರ್ಜರಿ ಗೆಲುವು..!
ಐಸಿಸಿ ವಿಶ್ವಕಪ್ 2023 : ICC ODI World Cup 2023:
ಚೆನ್ನೈ: ಐಸಿಸಿ ಏಕದಿನ ಕ್ರಿಕೆಟ್ ವಿಶ್ವಕಪ್ 2023 ಟೂರ್ನಿಯ ಇಂದಿನ ಪಂದ್ಯದಲ್ಲಿ ಪ್ರಬಲ ನ್ಯೂಜಿಲೆಂಡ್ ತಂಡ ಆಫ್ಘಾನಿಸ್ತಾನವನ್ನು 149ರನ್ ಗಳ ಅಂತರದಲ್ಲಿ ಹೀನಾಯವಾಗಿ ಮಣಿಸಿದೆ.
ಚೆನ್ನೈನ ಎಂಎ ಚಿದಂಬರಂ ಕ್ರಿಕೆಟ್ ಮೈದಾನದಲ್ಲಿ ಇಂದು ನಡೆದ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ ನ್ಯೂಜಿಲೆಂಡ್ ತಂಡ ನಿಗಧಿತ 50 ಓವರ್ ಗಳಲ್ಲಿ 6 ವಿಕೆಟ್ ನಷ್ಟಕ್ಕೆ 288 ರನ್ ಕಲೆಹಾಕಿತು. ನ್ಯೂಜಿಲೆಂಡ್ ಪರ ವಿಲ್ ಯಂಗ್ (54 ರನ್), ಟಾಮ್ ಲಾಥಮ್ (68 ರನ್) ಮತ್ತು ಗ್ಲೆನ್ ಫಿಲಿಪ್ಸ್ (71 ರನ್)ರ ಅರ್ಧಶತಕಗಳ ನೆರವಿನಿಂದ ಆಫ್ಘಾನಿಸ್ತಾನಕ್ಕೆ 289ರನ್ ಗಳ ಸವಾಲಿನ ಗುರಿ ನೀಡಿತು.
ಈ ಗುರಿಯನ್ನು ಬೆನ್ನು ಹತ್ತಿದ ಆಫ್ಘಾನಿಸ್ತಾನ ತಂಡ ಮಿಚೆಲ್ ಸ್ಯಾಂಥ್ನರ್, ಲಾಕಿ ಫರ್ಗೂಸನ್ (ತಲಾ 3 ವಿಕೆಟ್) ಮತ್ತು ಟ್ರೆಂಟ್ ಬೌಲ್ಟ್ (2 ವಿಕೆಟ್) ಮಾರಕ ಬೌಲಿಂಗ್ ಗೆ ರನ್ ಗಳಿಸಲು ಪರದಾಡಿತು. ಆರಂಭದಿಂದಲೂ ನಿಯಮಿತವಾಗಿ ವಿಕೆಟ್ ಕಳೆದುಕೊಳ್ಳುತ್ತಾ ಸಾಗಿದ ಆಫ್ಘಾನಿಸ್ತಾನ 34.4 ಓವರ್ ನಲ್ಲಿ ಕೇವಲ 139 ರನ್ ಗಳಿಗೆ ತನ್ನಲ್ಲಾ ವಿಕೆಟ್ ಕಳೆದುಕೊಂಡು 149ರನ್ ಗಳ ಅಂತರದಲ್ಲಿ ಹೀನಾಯ ಸೋಲು ಕಂಡಿತು.
ಎರಡು ತಂಡಗಳ ಸಕ್ಷಿಪ್ತ ಸ್ಕೋರ್‌..
ನ್ಯೂಜಿಲೆಂಡ್: 50 ಓವರ್‌ಗಳಲ್ಲಿ6 ವಿಕೆಟ್‌ಗೆ 288 (ವಿಲ್ ಯಂಗ್ 54, ಟಾಮ್ ಲೇಥಮ್‌ 68, ಗ್ಲೆನ್ ಫಿಲಿಪ್ಸ್ 71; ನವೀನ್‌ ಉಲ್‌ ಹಕ್‌ 48ಕ್ಕೆ 2, ಅಜಾಮತ್‌ಉಲ್ಲಾ56ಕ್ಕೆ 6)
ಅಫಘಾನಿಸ್ತಾನ: 34.4 ಓವರ್‌ಗಳಲ್ಲಿ139 (ರೆಹ್ಮತ್‌ ಶಾ 36, ಅಜಮತ್‌ಉಲ್ಲಾ27, ಇಕ್ರಾಮ್‌ 19*; ಮಿಚೆಲ್ ಸ್ಯಾಂಟ್ನರ್‌ 39ಕ್ಕೆ 3, ಫರ್ಗ್ಯೂಸನ್‌ 19ಕ್ಕೆ 3, ಟ್ರೆಂಟ್ ಬೌಲ್ಟ್ 18ಕ್ಕೆ 2).
