ಸೋಂಕು ಜ್ವರಕ್ಕೆ ಸರಕಾರಿ ಖಾಸಗಿ ಆಸ್ಪತ್ರೆ ವೈದ್ಯರೇ ಸುಸ್ತು
ಮಕ್ಕಳಿಗೆ ಫೀವರ್ : ಪಾಲಕರಿಗೆ ಫಿಯರ್
ಇಂಡಿ: ಪಟ್ಟಣ ಸೇರಿ ತಾಲೂಕಿನ ಗ್ರಾಮೀಣ ಪ್ರದೇಶಗಳಲ್ಲಿ ಕಳೆದ ೧೫ ದಿನಗಳಿಂದ ಮಕ್ಕಳಲ್ಲಿ ಕಾಣಿಸಿಕೊಳ್ಳುತ್ತಿರುವ ಸೋಂಕು ಜ್ವರಕ್ಕೆ ಸರಕಾರಿ ಆಸ್ಪತ್ರೆ ಒತ್ತಟ್ಟಿಗಿರಲಿ ಖಾಸಗಿ ಆಸ್ಪತ್ರೆ ವೈದ್ಯರೂ ಚಿಕಿತ್ಸೆ ನೀಡುತ್ತಾ ಸುಸ್ತಾಗಿದ್ದಾರೆ.
ಬೆಂಬಿಡದ ಮಳೆ ಮೋಡ ಮುಸಕಿನ ವಾತಾವರಣ ತಂಪು ಗಾಳಿ, ಸೇರಿ ಹವಾಮಾನ ವೈಪರಿತ್ಯದಿಂದ ೧೦ ವರ್ಷದೊಳಗಿನ ಮಕ್ಕಳನ್ನು ನೆಗಡಿ, ಕೆಮ್ಮು, ಜ್ವರ ಶೀತ ಜ್ವರ ತಲೆನೋವು ವಾಂತಿ ಬೇಧಿ ಕಾಡುತ್ತಿವೆ. ಮಕ್ಕಳ ಸಮಸ್ಯೆ ಗಂಭೀರವಾಗಿ ಪರಿಗಣಿಸುವ ಪಾಲಕರು ಚಿಕಿತ್ಸೆಗಾಗಿ ಆಸ್ಪತ್ರೆಗೆ ದೌಡಾಯಿಸುತ್ತಿದ್ದಾರೆ.
ಸ್ಥಳಿಯ ಸರಕಾರಿ ಆಸ್ಪತ್ರೆಯಲ್ಲಿರುವ ಒಬ್ಬರೇ ಚಿಕ್ಕ ಮಕ್ಕಳ ತಜ್ಞರು ನಿತ್ಯ ೧೮೦-೨೦೦ ಮಕ್ಕಳ ತಪಾಸಣೆ ಮಾಡುತ್ತಿದ್ದಾರೆ. ಮಕ್ಕಳ ಪರೀಕ್ಷೆ ತಪಾಸಣೆ ಮಾಡುತ್ತಿದ್ದಾರೆ. ಒಂದು ಅಂದಾಜಿನ ಪ್ರಕಾರ ಒಬ್ಬ ವೈದ್ಯ ದಿನಕ್ಕೆ ೫೦-೬೦ ರೋಗಿಗಳ ಪರೀಕ್ಷೆ ಮಾಡುತ್ತಾರೆ. ಆದರೆ ಇದು ಮೂರು ಪಟ್ಟು ಹೆಚ್ಚಾಗಿದ್ದು ವೈದ್ಯರು ತಪಾಸಣೆ ಮಾಡುತ್ತಾ ಹೈರಾಣಾಗುತ್ತಿದ್ದಾರೆ.
ಚಿಕಿತ್ಸೆಗೆ ದಾಖಲಾಗುವ ಮಕ್ಕಳಿಗೆ ಮಲಗಲು ಸರಕಾರಿ ಆಸ್ಪತ್ರೆಯಲ್ಲಿ ಒತ್ತಟ್ಟಿಗಿರಲಿ ಖಾಸಗಿಆಸ್ಪತ್ರೆಗಳಲ್ಲೂ ಬೆಡ್ ಗಳ ಕೊರತೆ ಕಾಣುತ್ತೇವೆ. ಒಂದು ಬೆಡ್ ನಲ್ಲಿ ಎರಡು ಮೂರು ಮಕ್ಕಳಿಗೆ ಚಿಕಿತ್ಸೆ ನೀಡಲಾಗುತ್ತಿದೆ.ಖಾಸಗಿ ಆಸ್ಪತ್ರೆಗಳ ವರಾಂಡದಲ್ಲಿ ಮಕ್ಕಳನ್ನು ಮಡಿಲಲ್ಲಿ ಹಾಕಿಕೊಂಡು ಸಂತೈಸುವ ತಾಯಂದಿರ ದೃಶ್ಯಗಳು ಸಾಮಾನ್ಯವಾಗಿವೆ.ಬೆಡ್ ಗಳು ಇಲ್ಲದ್ದರಿಂದ ತೀರ್ವ ಅನಿವಾರ್ಯತೆ ಇದ್ದಲ್ಲಿ ಮಾತ್ರ ಆಡ್ಮಿಟ್ ಮಾಡಿಕೊಳ್ಳಲಾಗುತ್ತಿದೆ.
ಚಿಕ್ಕ ಮಕ್ಕಳಲ್ಲಿ ರೋಗ ನಿರೋಧಕ ಶಕ್ತಿ ಕಡಿಮೆ ಇರುತ್ತದೆ, ಜ್ವರ ನೆಗಡಿ ಕೆಮ್ಮು ವಾಂತಿ ಸೇರಿ ಕೆಲವರಲ್ಲಿ ನ್ಯೂಮೋನಿಯಾ ಲಕ್ಷಣ ಕಾಣಿಸಿಕೊಳ್ಳುತ್ತಿವೆ. ಪಾಲಕರು ಸೂಕ್ತ ಸಮಯದಲ್ಲಿ ಚಿಕಿತ್ಸೆ ನೀಡಬೇಕು.
ಡಾ|| ವಿಪುಲ್ ಕೋಳೆಕರ ಚಿಕ್ಕ ಮಕ್ಕಳ ತಜ್ಞರು ಸರಕಾರಿ ಆಸ್ಪತ್ರೆ ಇಂಡಿ
ಇಂಡಿಯ ಖಾಸಗಿ ಆಸ್ಪತ್ರೆಯಲ್ಲಿ ಜನ ಜಂಗುಳಿ
