England vs Pakistan CWC 2023:
Voice Of JANATA DESK NEWS
ಕೋಲ್ಕತಾ: ಸೆಮಿಫೈನಲ್‌ ಕನಸಿನಲ್ಲಿದ್ದ ಪಾಕಿಸ್ತಾನ ತಂಡಕ್ಕೆ ಇಂಗ್ಲೆಂಡ್ ಮರ್ಮಾಘಾತ ನೀಡಿದೆ. ಇಲ್ಲಿನ ಈಡೆನ್‌ ಗಾರ್ಡನ್ಸ್ ಕ್ರೀಡಾಂಗಣದಲ್ಲಿ ಶನಿವಾರ (ನ.11) ನಡೆದ ಪಂದ್ಯದಲ್ಲಿ ಅಧಿಕಾರಯುತ ಆಟವಾಡಿದ ಇಂಗ್ಲೆಂಡ್ ತಂಡ 93 ರನ್‌ಗಳ ಜಯ ದಾಖಲಿಸುವ ಮೂಲಕ ಪಾಕಿಸ್ತಾನ ತಂಡವನ್ನು ಸೆಮಿಫೈನಲ್‌ ರೇಸ್‌ನಿಂದ ಹೊರದಬ್ಬಿತು.
ಪಂದ್ಯದಲ್ಲಿ ಗೆಲುವಿಗೆ 338 ರನ್‌ಗಳ ಗುರಿ ಬೆನ್ನತ್ತಿದ್ದ ಪಾಕಿಸ್ತಾನ ತಂಡ 43.3 ಓವರ್‌ಗಳಲ್ಲಿ 244 ರನ್‌ಗಳಿಗೆ ಆಲ್ಔಟ್ ಆಯಿತು.
ಹದಿಮೂರನೇ ಆವೃತ್ತಿಯ ಐಸಿಸಿ ಏಕದಿನ ಕ್ರಿಕೆಟ್‌ ವಿಶ್ವಕಪ್ ಟೂರ್ನಿಯಲ್ಲಿ ಪಾಕಿಸ್ತಾನ ತಂಡದ ಅಭಿಯಾನ ಅಂತ್ಯಗೊಂಡಿದೆ. ಸೆಮಿಫೈನಲ್ಸ್‌ ತಲುಪಲು ಇಂಗ್ಲೆಂಡ್ ಎದುರು ಆಡಿದ ತನ್ನ ಕಡೇ ಲೀಗ್‌ ಪಂದ್ಯದಲ್ಲಿ ಪವಾಡದ ಗೆಲುನ್ನು ಬಯಸಿದ್ದ ಪಾಕಿಸ್ತಾನ ತಂಡಕ್ಕೆ ಭ್ರಮನಿರಸವೇ ಎದುರಾಯಿತು. ಇಂಗ್ಲೆಂಡ್ ತಂಡದ ಆಲ್‌ರೌಂಡ್‌ ಆಟದ ಎದುರು ಮಂಕಾದ ಬಾಬರ್‌ ಆಝಮ್‌ ಸಾರಥ್ಯದ ಪಾಕಿಸ್ತಾನ ತಂಡ 93 ರನ್‌ಗಳ ಹೀನಾಯ ಸೋಲಿನೊಂದಿಗೆ ತಾಯ್ನಾಡಿಗೆ ತೆರಳಲು ಗಂಟೂಮೂಟೆ ಕಟ್ಟಿತು.
ಸಂಕ್ಷಿಪ್ತ ಸ್ಕೋರ್‌
ಇಂಗ್ಲೆಂಡ್: 50 ಓವರ್‌ಗಳಲ್ಲಿ 9 ವಿಕೆಟ್‌ಗೆ 337 ರನ್‌ (ಜಾನಿ ಬೈರ್‌ಸ್ಟೋವ್ರ 59, ಜೋ ರೂಟ್‌ 60, ಬೆನ್‌ ಸ್ಟೋಕ್ಸ್‌ 84, ಜೋಸ್‌ ಬಟ್ಲರ್‌ 27, ಹ್ಯಾರಿ ಬ್ರೂಕ್ 30; ಹ್ಯಾರಿಸ್‌ ರೌಫ್ 64ಕ್ಕೆ 3, ಶಾಹೀನ್ ಶಾ ಅಫ್ರಿದಿ 72ಕ್ಕೆ 2, ಮೊಹಮ್ಮದ್‌ ವಸೀಮ್ 74ಕ್ಕೆ 2).
ಪಾಕಿಸ್ತಾನ: 43.3 ಓವರ್‌ಗಳಲ್ಲಿ 244ಕ್ಕೆ ಆಲ್ಔಟ್ (ಬಾಬರ್‌ ಆಝಮ್‌ 38, ಮೊಹಮ್ಮದ್‌ ರಿಝ್ವಾನ್ 36, ಸೌದ್‌ ಶಕೀಲ್ 29, ಆಘ ಸಲ್ಮಾನ್ 51, ಹ್ಯಾರಿಸ್‌ ರೌಫ್ 35; ಡೇವಿಡ್‌ ವಿಲ್ಲೀ 56ಕ್ಕೆ 3, ಆದಿಲ್‌ ರಶೀದ್‌ 55ಕ್ಕೆ 2, ಗಸ್‌ ಅಟ್ಕಿನ್ಸನ್‌ 45ಕ್ಕೆ 2, ಮೊಯೀನ್‌ ಅಲಿ 60ಕ್ಕೆ 2).
ಪಂದ್ಯ ಶ್ರೇಷ್ಠ: ಡೇವಿಡ್‌ ವಿಲ್ಲೀ
