ಬೆಂಗಳೂರು : ನಾವು ನೀರಿಗಾಗಿ ನಡೆಯುತ್ತವೆ. ಜನರ ಹಿತಕ್ಕಾಗಿ ನಡೆಯುತ್ತೆವೆ. ಜನರ ಭಾವನೆಯ ದ್ವನಿಗಾಗಿ, ರೈತರ ಹಿತಕ್ಕಾಗಿ, ರೈತರ ರಕ್ಷಣೆಗಾಗಿ ನಡೆಯುತ್ತೆವೆ ಎಂದು ಕೆ.ಪಿ.ಸಿ.ಸಿ ಅಧ್ಯಕ್ಷ ಡಿ.ಕೆ. ಶಿವಕುಮಾರ್ ಹೇಳಿದ್ದಾರೆ. ಸದಾಶಿವ ನಗರದಲ್ಲಿ ಸುದ್ದಿಗಾರರಿಗೆ ಪ್ರತಿಕ್ರಿಯೆ ನೀಡಿದ ಅವರು, ಇದು ಕೊವಿಡ್ ಲಾಕ ಡಾವನ್ ಅಲ್ಲ, ಬಿಜೆಪಿ ಕರ್ಪ್ಯೂ, ಬಿಜೆಪಿ ಲಾಕ್ ಡಾವನ್ ಆಗಿದೆ. ಇಲ್ಲಿ ಯಾವುದೇ ಟಫ್ ರೂಲ್ಸ್ ಇಲ್ಲ. ಬಿಜೆಪಿ ಯವರಿಗೆ ರಾಜಕಾರಣ ಮಾಡಲು ಟಫ್ ಆಗಿದೆ. ಜನ ಅವರಿಗೆ ತಕ್ಕ ಉತ್ತರ ಕೊಡುತ್ತಿದ್ದಾರೆ. ಅದಕ್ಕಾಗಿ ಈ ನಿರ್ಬಂಧ ಮಾಡುತ್ತಿದ್ದಾರೆ. ಒಂದೇ ದಿನ ಮೂರು ಸಾವಿರಕ್ಕೂ ಹೆಚ್ಚು ಪ್ರಕರಣಗಳು ದಾಖಲಾಗಿವೆ ಎಂದು ಸರಕಾರ ಹೇಳುತ್ತಿದೆ. ಆ ಸೊಂಕಿತರು ಎಲ್ಲಿದ್ದಾರೆ ಎಂದು ಮಾಹಿತಿ ಕೊಟ್ಟರೆ ನಾವು ಹೋಗಿ ಅವರಿಗೆ ಆತ್ಮ ಸ್ಥೈರ್ಯ ತುಂಬುವ ಕೆಲಸ ಮಾಡುತ್ತೆವೆ ಎಂದರು.ಸರಕಾರ ದವರು ರ್ಯಾಲಿ, ಪ್ರತಿಭಟನೆ ಮಾಡಬೇಡಿ ಎಂದಿದ್ದಾರೆ. ವಾಕ್ ಫಾರ್ ದಿ ವಾಟರ್, ನಮ್ಮದು ನೀರಿಗಾಗಿ ನಡಿಗೆ, ನಾವು ನೀರಿಗಾಗಿ ನಡೆಯುತ್ತೆವೆ. ಹಿಂದೆ ಸರಿಯುವ ಪ್ರಶ್ನೆನೆ ಇಲ್ಲ. ನಮ್ಮದು ಹೋರಾಟವಲ್ಲ ಮನವಿ ಎಂದು ಡಿ.ಕೆ.ಶಿವಕುಮಾರ್ ಹೇಳಿದ್ದರು.
