ವಿಜಯಪುರ : ಕಾಂಗ್ರೆಸ್ ಲೋಫರ್ ಪಾರ್ಟಿ ಎಂದು ಕಾಂಗ್ರೆಸ್ ವಿರುದ್ಧ ಶಾಸಕ ಬಸನಗೌಡ ಪಾಟೀಲ ಯತ್ನಾಳ್ ವಾಗ್ದಾಳಿ ಮಾಡಿದರು. ನಗರದ ತೊರವಿ ಎಲ್.ಟಿ ನಂ 4ರಲ್ಲಿ ಮಾತನಾಡಿದ ಅವರು, ಬಿಜೆಪಿಗೆ ಬ್ರೋಕರ್ ಪಾರ್ಟಿ ಎಂದ ಡಿಕೆಶಿಗೆ ಯತ್ನಾಳ್ ಟಾಂಗ್ ನೀಡಿದ್ದು, ಬಿಜೆಪಿಗೆ ಬ್ರೋಕರ್ ಎಂದವರಿಗೆ ಕಾಂಗ್ರೆಸ್ ಲೋಫರ್ ಪಾರ್ಟಿ ಅನ್ನೋದು ಗೊತ್ತಿಲ್ಲ ಎಂದರು. ಇನ್ನು ಡಿಕೆಶಿಯನ್ನು ಜೈಲಿಗೆ ಹಾಕಿದಾಗ ಬಿಪಿ ಶುಗರ್ ಅಂದ್ರು. ಪಾದಯಾತ್ರೆ ಮಾಡೋವಾಗ ಶಕ್ತಿ ಎಲ್ಲಿಂದ ಬಂದಿದೆ. ಬೇಲ್ ತೆಗೆದುಕೊಳ್ಳುವಾಗ ಅತಿಯಾದ ರಕ್ತದೊತ್ತಡ, ಶುಗರ್ ಎಂದಿದ್ದರು. ಯಾರಾದ್ರು ಪಿಟಿಷನ್ ಹಾಕಿದ್ರೆ ಮತ್ತೆ ಒಳಗೆ ಹೋಗ್ತಾರೆ ಎಂದರು.
