BLO ಅಧಿಕಾರಿಗಳು ಜನರೊಂದಿಗೆ ಸರಿಯಾಗಿ ಸಹಕರಿಸುತ್ತಿಲ್ಲ
ವಿಜಯಪುರ ಜಿಲ್ಲೆಯಲ್ಲಿ ಮತದಾರರ ಪಟ್ಟಿ ತಿದ್ದುಪಡಿ (SIR / Voter Verification) ಕಾರ್ಯ ನಡೆಯುತ್ತಿರುವ ಸಂದರ್ಭದಲ್ಲಿ ಅನೇಕ BLO ಅಧಿಕಾರಿಗಳು ಜನರೊಂದಿಗೆ ಸರಿಯಾಗಿ ಸಹಕರಿಸುತ್ತಿಲ್ಲ. ಸರಿಯಾದ ಮಾಹಿತಿ ನೀಡದೆ ಜನರನ್ನು ಇಲ್ಲಿ–ಅಲ್ಲಿ ತಿರುಗಾಡಿಸುತ್ತಿದ್ದು, ಗಂಭೀರ ಗೊಂದಲ ಉಂಟುಮಾಡುತ್ತಿದ್ದಾರೆ.
ನಮ್ಮ ಗಮನಕ್ಕೆ ಬಂದಿರುವ ಪ್ರಮುಖ ಅಂಶಗಳು ಈ ಕೆಳಕಂಡಂತಿವೆ:
ಅನೇಕ ನಾಗರಿಕರು 1995ರಿಂದಲೇ ಮತದಾರರ ಪಟ್ಟಿಯಲ್ಲಿ ಇದ್ದು, ಮತದಾನ ಕೂಡ ಮಾಡಿದ್ದಾರೆ. ಅವರ ಬಳಿ ಮಾನ್ಯವಾದ Voter ID ಕಾರ್ಡ್ ಇದ್ದರೂ ಈಗ ಅವರ ಹೆಸರು ಮತದಾರರ ಪಟ್ಟಿಯಲ್ಲಿ ಕಾಣಿಸುತ್ತಿಲ್ಲ. BLO ಗಳು “ಇಲ್ಲಿ ಹೋಗಿ”, “ಅಲ್ಲಿ ಹೋಗಿ” ಎಂದು ಜನರನ್ನು ತಿರುಗಾಡಿಸುತ್ತಿದ್ದು, ಯಾವುದೇ ಸ್ಪಷ್ಟ ಉತ್ತರ ನೀಡುತ್ತಿಲ್ಲ.
ಕೆಲವೊಂದು ಪ್ರದೇಶಗಳಲ್ಲಿ NGO ಗಳು ಸಹಾಯ ಮಾಡುತ್ತಿರುವುದರಿಂದ ಜನರಿಗೆ ಪರಿಹಾರ ಸಿಗುತ್ತಿದೆ. ಆದರೆ NGO ಇಲ್ಲದ ಪ್ರದೇಶಗಳಲ್ಲಿ BLO ಗಳು ಸಂಪೂರ್ಣ ನಿರ್ಲಕ್ಷ್ಯ ಹಾಗೂ ಬೇಜವಾಬ್ದಾರಿಯಿಂದ ಕಾರ್ಯನಿರ್ವಹಿಸುತ್ತಿದ್ದಾರೆ.
ಈ ಪ್ರಕ್ರಿಯೆಯನ್ನು ಆತುರದಲ್ಲಿ ನಡೆಸದೆ, ಜನರಿಗೆ ಸಾಕಷ್ಟು ಸಮಯ ಮತ್ತು ಸೂಕ್ತ ಮಾಹಿತಿ ನೀಡಬೇಕಾಗಿದ್ದರೂ, ಅದನ್ನು ಮಾಡಲಾಗುತ್ತಿಲ್ಲ.
BLO ಗಳು ಉದ್ದೇಶಪೂರ್ವಕವಾಗಿ ಈ ರೀತಿ ವರ್ತಿಸುತ್ತಿದ್ದಾರೆ ಎಂಬ ಅನುಮಾನ ಉಂಟಾಗಿದೆ.ಜಿಲ್ಲಾ ಆಡಳಿತವೂ ಈ ಕುರಿತು ಗಂಭೀರವಾಗಿ ಕ್ರಮ ಕೈಗೊಂಡಂತೆ ಕಾಣಿಸುತ್ತಿಲ್ಲ. ಈ ಎಲ್ಲಾ ಕಾರಣಗಳಿಂದಾಗಿ ನಾಗರಿಕರ ಮತದಾನದ ಹಕ್ಕು (Right to Vote) ಅಪಾಯಕ್ಕೆ ಒಳಗಾಗುತ್ತಿದೆ.
ಇದು ಪ್ರಜಾಪ್ರಭುತ್ವದ ಮೇಲೆ ನೇರ ದಾಳಿ ಆಗುತ್ತದೆ.
ಆದುದರಿಂದ ದಯವಿಟ್ಟು: ವಿಜಯಪುರ ಜಿಲ್ಲೆಯ ಎಲ್ಲಾ BLO ಗಳ ಕಾರ್ಯವೈಖರಿಯ ಕುರಿತು ತಕ್ಷಣ ತನಿಖೆ ನಡೆಸಬೇಕು.ತಪ್ಪು ಮಾಹಿತಿ ನೀಡುತ್ತಿರುವ ಮತ್ತು ನಿರ್ಲಕ್ಷ್ಯ ತೋರುತ್ತಿರುವ ಅಧಿಕಾರಿಗಳ ವಿರುದ್ಧ ಶಿಸ್ತು ಕ್ರಮ ಹಾಗೂ ಅಗತ್ಯವಿದ್ದರೆ ಕ್ರಿಮಿನಲ್ ಕ್ರಮ (FIR) ಕೈಗೊಳ್ಳಬೇಕು.
ಮತದಾರರ ಹೆಸರು ತಪ್ಪಾಗಿ ಅಳಿಸಲ್ಪಟ್ಟಿದ್ದರೆ ತಕ್ಷಣ ಮರುಸೇರಿಸಲು ವಿಶೇಷ ಕೌಂಟರ್ ಮತ್ತು ಹೆಲ್ಪ್ ಡೆಸ್ಕ ಸ್ಥಾಪಿಸಬೇಕು. ಜನರಿಗೆ ಸ್ಪಷ್ಟ ಆದೇಶ (Circular/Order) ನೀಡಿ, BLO ಗಳು ಸಹಕಾರದಿಂದ ಕೆಲಸ ಮಾಡಬೇಕು ಎಂಬ ಸೂಚನೆ ನೀಡಬೇಕು.
ಈ ವಿಷಯದ ಕುರಿತು ಪ್ರೆಸ್ ರಿಲೀಸ್ ನೀಡಿ ಸಾರ್ವಜನಿಕರಲ್ಲಿ ಭರವಸೆ ಮೂಡಿಸಬೇಕು.
ಯಾವುದೇ ಅರ್ಹ ಮತದಾರನ ಮತಹಕ್ಕು ಕಸಿದುಕೊಳ್ಳದಂತೆ ಜಿಲ್ಲಾ ಆಡಳಿತ ಹೊಣೆಗಾರಿಕೆಯಿಂದ ಕ್ರಮ ಕೈಗೊಳ್ಳಬೇಕು.
ಇದು ಸಾರ್ವಜನಿಕ ಹಿತಾಸಕ್ತಿಗಾಗಿ ಸಲ್ಲಿಸಲಾದ ದೂರು ಆಗಿದ್ದು, ದಯವಿಟ್ಟು ತಕ್ಷಣ ಮತ್ತು ಗಂಭೀರವಾಗಿ ಕ್ರಮ ಕೈಗೊಳ್ಳಬೇಕೆಂದು ಜಿಲ್ಲಾಧಿಕಾರಗಳ ಮುಖಾಂತರ ರಾಜ್ಯ ಚುನಾವಣಾ ಆಯೋಗ ಬೆಂಗಳೂರು ಮತ್ತು
ಜಿಲ್ಲಾ ಚುನಾವಣಾಧಿಕಾರಿ,ವಿಜಯಪುರರವರಿಗೆ ಹಾಗೂ ಪೊಲೀಸ್ ಆಯುಕ್ತರು ಬೆಂಗಳೂರುರವರಿಗೆ ಮತ್ತು ಪೊಲೀಸ್ ವರಿಷ್ಠಾಧಿಕಾರಿ, ವಿಜಯಪುರ ರವರಿಗೆ ಮತ್ತು ಇನ್ನೂ ಅನೇಕ ಅಧಿಕಾರಿಗಳಿಗೆ ವಿನಂತಿಸಿದ್ದರು
ಈ ಸಂದರ್ಭದಲ್ಲಿ ಅಖಿಲ ಭಾರತೀಯ ಝುಮ್ ಝುಮ್ ಅಸೋಸಿಶಯೆನ್ ರಾಜ್ಯಾಧ್ಯಕ್ಷರಾದ ಯೂಸುಫ್ ಜಮಾದಾರ ನೇತೃತ್ವದಲ್ಲಿ ಮನವಿ ಸಲ್ಲಿಸಿದ್ದರು
