ಮಸ್ಕಿ : ಪಟ್ಟಣದ ಹೊರವಯದಲ್ಲಿರುವ ಹಳೆ ಕ್ಯಾತ್ನಟ್ಟಿ ಮುಖ್ಯರಸ್ತೆ ಮಾರ್ಗ ಪಕ್ಕದಲ್ಲಿರುವ ಸರ್ವೆ ನಂಬರ್ 374 ಹತ್ತು ಎಕರೆ, ಸರ್ವೆ ನಂಬರ್ 373 /39 ಗುಂಟೆ ಕಬ್ಬಿನ ತೋಟಕ್ಕೆ ಆಕಸ್ಮಿಕ ಬೆಂಕಿ ತಗುಲಿ ಸುಮಾರು ಎರಡು ನೂರು ಟನ್ ಹೆಚ್ಚಿನ ಪ್ರಮಾಣದ ಕಬ್ಬಿನ ಬೆಳೆ ಸುಟ್ಟು ಬಸ್ಮವಾಗಿದೆ. ಸಾಲ ಸೂಲ ಮಾಡಿ ಕಷ್ಟಪಟ್ಟು ಬೆಳೆದ ರೈತನ ಕಬ್ಬಿನ ಫಸಲು ಕಟಾವಿಗೆ ಬಂದಿತ್ತು. ಕೈಗೆ ಬಂದ ತುತ್ತು ಬಾಯಿಗೆ ಬರದ ಹಾಗೆ ಆಗಿ ಸುಟ್ಟು ಕರಕಲಾಗಿ ಹೋಗಿದ್ದ ಕಬ್ಬಿನ ಬೆಳೆ ನಷ್ಟದಿಂದ ರೈತ ಕಂಗಾಲಾಗಿದ್ದಾನೆ. ಸಂಬಂಧಪಟ್ಟ ಸರ್ಕಾರ ಜನಪ್ರತಿನಿಧಿಗಳು ಈ ಬಡ ರೈತನಿಗಾದ ನಷ್ಟಕ್ಕೆ ಸ್ಪಂದಿಸಿ ಪರಿಹಾರ ಕೊಡಬೇಕೆಂದು ಕರ್ನಾಟಕ ರಾಜ್ಯ ರೈತ ಸಂಘ ಹಸಿರು ಸೇನೆ ಮಸ್ಕಿ ತಾಲೂಕು ಘಟಕ ಅಧ್ಯಕ್ಷ ತಾಯಪ್ಪ ಮನವಿ ಮಾಡಿಕೊಂಡಿದ್ದಾರೆ.
